Jentrade / Petizion Teatri
Jentrade

S PAL TEATRI STABIL FURLAN

Il Fril al domande al president de Regjon la constituzion dal "Teatri stabil" in lenghe furlane

Dutis lis instituzions, lis clapis culturâls e i citadins de Patrie a son invidâts a firmâ e a mandâi al president regjonâl la Petizion pal “Teatri stabil regjonâl” dal Friûl. Ancje “La Patrie dal Friûl” e sosten l’iniziative di Bepi Agostinis, inviade su lis olmis di Nico Pepe.


1. Par spedî la petizion par email criche te inmagjine chi sot:

[la petizion e sarà mandade al president regjonâl, par cognossince al assesôr regjonâl ae culture/instruzion e, par tegnî cont dai soscritôr, a “la Patrie”]





2. Par spedî la petizion par pueste tire jù il modul (in formât .DOC) cricant te inmagjine chi sot:




 

«Un Teatri regjonâl al à di sei considerât un servizi culturâl public a disposizion dai citadins. Sichè nol à di jessi confondût cuntune instituzion culturâl comunâl o cun clapis culturâls locâls e nancje ridusût a jessi la realizazion di un sium dai diletants locâi o piês ancjemò come il pont di arîf par autôrs dramatics o regjiscj di pocje spese e improvisâts. Un Teatri regjonâl al à di deventâ il pont d’incuintri di ducj chei che, inte regjon, a tegnin cont e ch’a bramin la culture in gjenerâl e ancjemò di plui la culture locâl te sô forme plui perfete.
Chest Teatri regjonâl furlan nol à nuie ce fâ cul colaudât “Teatro stabile del Friuli-Venezia Giulia”. Al è il non stes di chê instituzion che lu palese e che nus dîs che chest teatri nol pues rivâ a rapresentâ dôs regjons malementri unidis, il Friûl e la Vignesie Julie, ch’a confinin ma ch’a son un grum lontanis par chel che s’inten a la storie, a la civiltât, a lis tradizions, a la culture e a la lenghe. Cemût podaressial mai un sôl Teatri rapresentâ, magari ancje in forme alternade, dutis dôs chestis culturis? »
Nico Pepe (1907-1987)
[par 20 agns atôr dal “Piccolo teatro” di Milan, diretôr dal “Teatro ateneo” di Roma e dai Teatri stabils di Turin e di Palermo]