I PAÎS DE PATRIE | Dizionariut toponomastic

Notis pe consultazion dal Dizionariut

1. Tabele des scurtaduris

[f] = furlan
[i] = italiano/talian
[s] = slovensko/sloven
[d] = deutsch/todesc

(BL) = Provincie di Belum
(GO) = Provincie di Gurize
(PN) = Provincie di Pordenon
(TV) = Provincie di Trevîs
(UD) = Provincie di Udin
(VE) = Provincie di Vignesie

2. Impostazion dal Dizionariut e grafiis dopradis

Lis motivazions e i criteris di cheste vore, a son restâts chei stes pandûts te edizion dal 2000. L'intindiment pratic, duncje, al reste chel fondamentâl, in spiete che lis instituzions a fasin la part dal lôr dovê, ufrint un imprest uficiâl e adatât pes necessitâts operativis dai ents locâi, regjonâi e statâi, des scuelis e dai mieçs di comunicazion massive.
Jenfri parentese, a comparissin lis formis alternativis o mancul dopradis dal stes toponim
A pet de prime edizion dal Dizionariut, in plui di mantignî l'impromission di zontâ lis formis todescjis e slovenis dai toponims de Patrie ch'o vin rivât adore di burî fûr, o vin procurât di slargjâ la note des frazions, zontant i nons di cetantis borgadis e di localitâts.
La grafie todescje e je chê proponude des sengulis fonts bibliografichis, scrutinadis.
La grafie slovene e je chê adotade di Pavle Merkù te vore "Slovenska Krajevna Imena v Italiji - Priroc'nik. Toponimi Sloveni in Italia - Manuale" (Triest, 1999), gjavâts chei pôcs nons ch'a saltin fûr di fonts bibliografichis disferentis.
Pe grafie furlane, si à procurât di rispietâ chê dal "Olf", acetant lis corezions stabilidis dal Centri di Toponomastiche de Societât Filologjiche Furlane, te vore di Franco Finco, di Barbara Cinausero e di Ermanno Dentesano "Nons furlans di lûc. Nomi friulani di luogo. Repertorio toponimico italiano-friulano" (Udin, 2004).
I acents tonics a son marcâts sui nons furlans in ducj chei câs là ch'a podaressin risultâ dubis te pronuncie.
Corezions e sugjeriments a son agradîts e a puedin jessi spedîts doprant il form dal nestri sît:

3. Difusion e colaboradôrs

A an colaborât pe redazion dal Dizionariut:
Sandro Campigotto,
Sergio dai Fantins,
Pavle Merkù,
Luche Nazzi
e Ricart Urban.