[MUSICHE]

I scuelârs de Scuele di musiche diocesane di Mortean, sabide ai 2 di Jugn, a organizin il saç anuâl di studi. Al tacarà a lis 16.30 li de glesie de Trinitât.

[MUSICHE]

A tachin a lis 22 i concierts inmaneâts vie pal mês di Jugn li dal “Bus del Colvera” di Frisanc. Apontaments a colaran ai 2, ai 3, dai 7 ai 10, ai 14, dai 15 ai 17, dai 21 ai 24 e dai 28 ai 30 di Jugn, ogni sere cuntun grop disferent e gnûf.

[MUSICHE]

Lis scuelis dal Cjanâl di Guart a sierin l’anade cuntune rassegne corâl, miercus ai 6 di Jugn. Il conciert al tache a lis 20.30 tai ambients di Fuina, tal comun di Prât.

[MUSICHE]

Il gnûf cd di Aldo Rossi “Furlan”, dai 11 di Jugn, si pues scoltâlu tal lûc www.myspace.com/aldorossi. Daspò di une prime presentazion su radio Onde furlane, cheste setemane al sarà transmetût di “Radio Triest” ai 12 di Jugn a lis 14.30 e miercus ai 13 di Jugn par radio Spazio 103.

[MUSICHE]

Dai 12 ai 17 e dai 20 ai 23 di Jugn e torne la rassegne “Udin&Jazz” par cure di “Euritmica”. I spetacui a saran proponûts in forme itinerante ancje a Çarvignan, Cividât, Tresesin, Codroip e San Zorç di Noiâr.

[MUSICHE]

Joibe ai 14 di Jugn, Giovanni Floreani dai “Furclap” al è a Vignesie, te suage de Bienâl d’art par presentâ la “performance” Frantumazione. Apontament a lis 18 li de galarie “Thetis tal Arsenâl. L’opare e sarà replicade ai 16 di Jugn a lis 24 a Colorêt di Sofumberc cui “Strepitz”.

[MUSICHE]

Domenie ai 17 di Jugn, “Telefriuli” al transmet la tierce edizion dal “Cantafestival de la Bisiacaria”. Il spetacul musicâl al començarà par television a lis 23.

[MUSICHE]

A son 143 i strumentiscj europeus ch'a cjapin part a la XI edizion dal concors internazionâl par cure de clape

[MUSICHE]

La Fieste europeane da la musiche si le celebre ancje a Vile Manin. Joibe ai 21 di Jugn, il Centri pal art contemporani e l’Orchestre filarmoniche di Udin a organizin il conciert di musiche digitâl “Il suono in mostra” di Antonio Della Marina. Il spetacul al tache a lis 20.30.

[MUSICHE]

A son 143 i musiciscj europeus ch’a cjapin part a la XI edizion dal concors internazionâl pe zoventût par cure de clape “Euritmia”. La manifestazion e larà indevant dai 20 ai 24 di Jugn li de palestre polifunzionâl di Paulêt.

[MUSICHE]

A lis 21 di joibe ai 21 di Jugn, i “Strepitz” a presentin un conciert li dal Simposi di sculture di Vergnà di Reane. Si esibissaran Giovanni Floreani, Ermes Ghirardini, Gianfranco Lugano e Paolo Viezzi.

[MUSICHE]

La bande dal cjanâl di guart e fiesteze 25 agn di musiche. Sabide ai 23 di Jugn, a lis 17 li dal centri sociâl di Davâr, a saran presentâts il libri “Note di un quarto” e il dvd “Ce banda!”. Lis fiestis a culminaran domenie ai 24 di Jugn a Luvinciis. A lis 10.30, lis bandis “Val di Gorto” e “Città di Cormòns” si dan dongje par une sfilade ator pal paîs.

[MUSICHE]

Lunis ai 25 di Jugn, l’associazion “XX secolo” di Prate e organize la presentazion dal cd di Mario Duella incidût cul organo de glesie parochiâl di Ghiran.

[MUSICHE]

Il Conservatori triestin “Tartini” al à metût sù, fra i cors superiôrs sperimentâi di prin e di secont nivel, une Scuele di biblioteconomie e di bibliografie musicâl, coordenade dal professôr Paolo Da Col.

[MUSICHE]

“Dramsam”, dai 28 di Jugn ai 13 di Setembar, al propon la rassegne internazionâl “Musica Cortese”, tocjant 16 localitâts storichis dal Friûl cun 22 concierts.

[MUSICHE]

Un spetacul dal grop “La Frontera”, vinars ai 29 di Jugn a lis 21 li dal cine Miotto di Spilimberc, al fasarà di antemprime a Folkest 2007. A colaborin te organizazion dal conciert gratuit “il caseificio”, “Folkgiornale” e “Il Circolo”.