[MOSTRIS]

Fint ai 12 di Setembar, Travês al onore il paisan Sante Trus, stilist e fotograf nassût tal 1933 e scuelâr di Renato Barnaba di Buje. La mostre cu lis sôs fotos e je imbastide li di palaç Wasserman.

[MOSTRIS]

Fintremai ai 30 di Setembar, li di palaç Ragazzoni di Sacîl, si pues visitâ la mostre dedicade al scultôr, incisôr e viazadôr Pietro Annigoni (1910-1988). Par informazions: 0434 72273 - fax 0434 737925.

[MOSTRIS]

Joibe ai 7 di Setembar a lis 17.30 si scree la mostre “acciaio domani saperi, ricerca, futuro”, par cure de Associazion dai industriâi di Udin. La rassegne e restarà vierte fintremai ai 22 di Otubar li de glesie udinese di San Francesc (martars-sabide, 10-12.30 / 15-19; domenie 10-12.30 / 14.30-19.30).

[MOSTRIS]

Si pues visitâ fintremai ai 15 di Setembar, la Cjase-museu de civiltât contadine di Plodn/Sapade, imbadiste tal Borc Cretta. L’orari dal Istât al è: 17-19, ducj i dîs, di lunis fin sabide.

[MOSTRIS]

Dai 10 ai 17 di Setembar, a Terençan di Puçui si puedin rimirâ 40 agn di piture, di sculture e di grafiche di Pietro Galliussi, li dal so studi in vie Verdi. Oraris: 15-19. Par prenotazions: 0432 560075.

[MOSTRIS]

Fintremai al I di Otubar, li dal Centri etnografic di Sauris Disore/Plotze, e je imbastide la mostre “La storie de armoniche” cun armonichis diatonichis e organets dal Votcent al dì di vuê. Dai 11 di Setembar al I di Otubar la mostre e je vierte ducj i dîs 10-12.30.

[MOSTRIS]

Li de innomenade “Metro Hall Rotunda”, la galarie dal municipi di Toronto, dai 24 di Setembar ai 4 di Otubar, l’associazion culturâl di Udin “Il Parnaso” e propon la mostre coletive “Paesaggi e figure d’Italia: Il Friuli”. A an curât l’esposizion il president Domenico Allescia e il regjissêr italo-canadês Frank Spezzano. Par informazions: 0432 523038 (tel. e fax).

[MOSTRIS]

Dai 29 di Setembar ai 17 di Decembar, li de glesie di San Laurinç di San Vît dal Tiliment, une grande mostre monografiche e siere lis celebrazions in onôr dal pitôr Pomponio Amalteo (1508-1588), protagonist da l’art furlane dal XVI secul. L’esposizion e je intitolade “Pomponio Amalteo pictor Sancit Viti (1508-1588)”.