[LIBRIS]

Dai 2 di Novembar ai 3 di Mai, la “Sezione Ragazzi” de biblioteche udinese “Vicenç Joppi” e propon la V edizion di “Tantilibri”, ativitât par fruts dai 18 ai 36 mês par scuviergi cun paris e maris i prins libris e lis primis storiis. Apontaments ogni lunis, di 16 a 18 su la rive Bartolini al numar 3.

[LIBRIS]

Miercus ai 4 di Novembar, a 18 te sale Ajace de Place Libertât a Udin, Fulvio Salimbeni al presente il libri “Dimenticati all’inferno. Un carabiniere nei lager sovietici 1942-1946”.

[LIBRIS]

La librarie “W. Meister & Co” di San Denêl e à sierât lis sôs iniziativis culturâls dal mês di Otubar cu la presentazion dal libri “No remorse” di Andrea Monaco (Editrice Nuovi Autori). Vinars ai 6 di Novembar, e tache une gnove schirie di apontaments a 18.30. Manuela Malisano e Paolo Nicli a animaran la convigne “Strenne editoriali” (te buteghe di place Vittorio Emanuele II).

[LIBRIS]

La “Libreria editrice goriziana”, vinars ai 6 di Novembar, e organize la presentazion dal libri “I confinandanti” (Traven Books, 2008) dal psichiatri Lorenzo Toresini. A 18 te sede de librarie (cors Verdi 67, Gurize), a intervegnaran l’autôr, il psicolic Franco Perazza e l’avocat Nereo Battello.

[LIBRIS]

Vinars ai 6 di Novembar, si presente li de scuele mezane “Sante Marie dai agnui” di Glemone il libri di Enzo Demattè “Un ragazzo chiamato Friuli”. La convigne e tacarà a 17.

[LIBRIS]

Sabide ai 7 di Novembar, di chê strade di “Fuorirotta”, si presente li de librarie “Feltrinelli” di Udin la guide di Max Mauro “La bici sopra Berlino”. La convigne e tache a 16.30, inmaneade dal editôr di Puart “Ediciclo”, presint il cicloscritôr gurizan Emilio Rigatti.

[LIBRIS]

La convigne di martars ai 10 di Novembar, te suage dai “Incuintris te biblioteche” par cure de Biblioteche dal ’Seminari di Udin, e je dedicade al proget editoriâl inviât di Reinhard Haertel de Universitât di Graz pe edizion dal codiç deplomatic dal Patriarcjât di Aquilee. A 18.30 li de sale di leture di vie Ellero, Anja Thaller, ricercjadore dal Staiar, e cjacararà di “Il Patriarca di Aquileia e il Comune di Treviso. L’edizione dei documenti del pieno medioevo”.

[LIBRIS]

E tire adilunc, li de Biblioteche comunâl di Udin (te plaçute Marconi), la mostre dai dizionaris furlans, prontade de responsabil de sezion furlane de instituzion culturâl, Marzia Di Donato. A son esponudis oparis dal 1871 al dì di vuê. La rassegne (cun 56 titui di 70 fra autôrs e colaboradôrs e di 33 editôrs) e restarà vierte fin a la metât dal mês di Novembar.

[LIBRIS]

Il IX volum de golane “Miti, Fiabe e Leggende del Friuli storico”, ideade e promovude dal institût “Achille Tellini”, al ven presentât joibe ai 12 di Novembar a Roncjis di Monfalcon. L’opare, dedicade a Friûl gurizian, Bisiacaria e Goriska, e je stade curade di Adriana Miceu. La presentazion e tacarà a 18, li di vile Vicentini Miniussi, abitance dal Consorzi culturâl dal Mandament di Monfalcon. A cjaparan la peraule: Luigi Geromet, Egle Taverna, Adriana Miceu, Ivan Crico, Genia Dusatti e il “Gruppo Costumi Tradizionali Bisiachi”.

[LIBRIS]

Miercus ai 11 di Novembar, a 18 te sale Ajace de place Libertât a Udin, Mario Turello al presente il libri “Sergio Maldini, il sogno di una casa. La vera storia della casa a nord-est nell’epistolario con l’architetto Toni Cester” di Federica Ravizza.

[LIBRIS]

Vinars ai 13 di Novembar, la librarie “W. Meister” di San Denêl e organize la presentazion dal libri “In altro mare. Viaggio nell’Albania dal comunismo al futuro” di Antonio Caiazza, zornalist di “Radio Triest”. La convigne e tacarà a 18.30.

[LIBRIS]

Te suage de II Setemane regjonâl “Nati per leggere”, la clape “0432 Théâtre numérique” e propon lis sôs animazions pai fruts tes bibliotechis di Tisane (lunis ai 16 di Novembar a 17), di Cervignan (miercus 18 a 17), di Vile Visintine (joibe 19, a 17), di San Zuan di Manzan (vinars ai 20 e ai 27 a 16.30), di Puçui (sabide 21, 16), di Aquilee (lunis 23 a 17), di Tierç di Aquilee (martars 24, a 17.15), di Merêt di Tombe (miercus 25, a 17), di Lignan (joibe 26, a 17).

[LIBRIS]

Miercus ai 18 di Novembar, a 18 te sale Ajace de place Libertât a Udin, Pierluigi Ronzani al presente il libri “Volevo fare la spia” di Vanda Slobbe Castagna.

[LIBRIS]

La clape culturâl “el tomât”, di chê strade de Madone de Salût, e organize la presentazion dal libri “S. Pieri e il Signôr e altris contis dal bonacet”, curât di Alessandra Kersevan. La convigne e tacarà a 19 li de glesie di Vile di Buje, joibe ai 19 di Novembar. La Madone venerade a Vile e je chê i fornasîrs bujats in Baviere a polearin a Haidhausen, daprûf Munic tal 1875. Man a man, e je deventade la Madone dai emigrants e de riconstruzion.

[LIBRIS]

Vinars ai 20 di Novembar, il Cumon al organize la presentazion dal libri di Nicoletta e di Luigino Vador “I fiori del sole”. A 20.45 li dal municipi, a intervegnaran Gloria Ros, Nicoletta Ros e Federico Fasan, il cuartet “Tetradico” e Elio De Anna.

[LIBRIS]

Te suage di “allFontiers 2009”, vinars ai 20 di Novembar, si presente a Gradiscje Imperiâl (a 19, li de Enoteche regjonâl) il volum “Di prodigi segreti/Presenze e visioni di benandanti nel monfalconese”, par cure di Tullio Angelini (Associazion More Music e Institût Leopoldo Gasparini). Al interven l’antropolic Gian Paolo Gri. L’atore Sandra Cosatto e learà bocons de opare, compagnade dai musiciscj Carlo Mariani, Giulio Venier e Alfonso Coviello.

[LIBRIS]

La “Libreria editrice goriziana” e la “Società cooperativa Rogos”, domenie ai 22 di Novembar a organizin la presentazion dal libri di Hans Kitzmüller “E in lontananza Gorizia”. L’incuintri cul autôr al tacarà a 11 li dal centri “Gradina” a Dobardò. L’editôr e scritôr Kitzmüller (www.friul.net/dizionario_biografico.php) al vîf a Braçan di Cormòns. Al è autôr des oparis “Viaggio alle Incoronate” (1999), Arcipelago del vento (2003), “Alle isole Marchesi” (2005). Al à curât e voltât, pe “Leg”, “Ricordi goriziani di Anton Mailly (2004) e “Gorizia di ieri” di F. X. Zimmermann (2008).

[LIBRIS]

Intant des “Setemanis de culture furlane” di Milan, il Fogolâr al propon la presentazion dal libri di Gian Pietro Nimis “Racconto friulano”. L’apontament al colarà domenie ai 22 di Novembar, a 16, li de Sale Verde de “Corsia dei Servi”, tal cors Matteotti.

[LIBRIS]

Il volum su la Propietât coletive tai comuns de Bisiacarie “perchè li abbiate a goder unitamente in comun a pascolo e legne…”, scrit di Renato Duca, di Marina Dorsi e di Renato Cosma e publicât de Associazion culturâl bisiache, al vegnarà presentât lunis ai 23 di Novembar a 17.30, li de Biblioteche comunâl di Monfalcon.

[LIBRIS]

Lunis ai 23 di Novembar, si presente a Gurize il volum “Mani in pasta” che, par cure de “Libreria editrice goriziana”, al propon l’esperience des riunions tal Parc Basaglia “Percorsi di-versi”, inmaneâts dai grops “Ama”, dal “Collettivo Linea di Sconfine” e dai poets Giovanni Fierro e Francesco Tomada. L’apontament al tache a 17, li de Fondazion “Carigo”.

[LIBRIS]

Miercus ai 25 di Novembar, a 18 te sale Ajace de place Libertât a Udin, Diego Carpenedo e Romano Vecchiet a presentin il libri “Terre mobili. Dal Belice al Friuli, dall’Umbria all’Abruzzo” di Giovanni Pietro Nimis.

[LIBRIS]

La Sezion cjargnele de Societât furlane di archeologie, miercus ai 25 di Novembar, e propon la presentazion dal libri “La dea veneta dal Baltico alla Bretagna” di Piero Favero. A 18.30 li di palaç Frisacco a Tumieç, si cjacararà in specialitât de interpretazion dai sgjâfs di Misincinis di Paulâr.

[LIBRIS]

Li dal cjiscjel sloven di Dobrovo (dongje Cormòns), joibe ai 26 di Novembar, si presente a 18 il libri “Alojz Gradnik - poeta del Collio Goriziano” (Editoria stampa triestina; www.friulnet/dizionario_biografico.php). Tal volum a son proferîts i risultâts de convigne dal 2007, par cure de Universitât furlane. A cjacararan Fedora Ferluga-Petronio, Miran Košuta e Ana Toroš. Lis poesiis di Gradnik a saran letis di Paolo Bortolussi.

[LIBRIS]

La Glesie udinese di Madone di gracie e la clape “GrazieCultura” e propon doi apontaments joibe ai 26 di Novembar (cuant che a 18 Marisa Sestito e presentarà la sô traduzion di “Mistero di Edwin Drood” di Dickens) e sabide ai 28 di Novembar a 21 (pe presentazion di “Grazie io canto!”, il volum dai cjants liturgics de comunitât cun oparis di Turoldo e di Blasutich e un centenâr di stampis antighis dal archîf parochiâl). Intant de seconde serade si esibissaran la corâl “Giovanni Battista Candotti” di Codroip e l’organist Lino Falilone.

[LIBRIS]

Joibe ai 26 di Novembar, a 18 a Cividât là de Biblioteche civiche te plaçute Chiarottini, Rienzo Pellegrini de Universitât di Triest (www.friul.net/dizionario_biografico.php) al presentarà il volum “Gabriele Paciani. I versi autografi”, curât di Anna Bogaro.

[LIBRIS]

Sabide ai 28 di Novembar a 10.30, si scree li de Biblioteche di Martignà la mostre-zûc-marcjât “La casa da sfogliare”, cuntun’ore di contis, par cure de clape “0432”. Un’altre ore di contis e vignarà proponude a 10.30 di sabide ai 12 di Dicembar, cuant che l’esposizion e sierarà.

[LIBRIS]

Paolo Patui al è protagonist des dôs seradis di “leggerMente”, programadis sabide ai 28 di Novembar a 20.45, li de latarie di Savonelis, e domenie ai 29 di Novembar a 20.45, li de cjase dai alpins di San Denêl. E sarà frontade la tematiche: “Naufragi”.

[LIBRIS]

La “Libreria editrice goriziana” e propon doi apontaments par fruts, intitulâts “Minimatinée - Libri e giochi in musica per bambini”. Domenie ai 29 di Novembar, Michela De Castro e contarà la vite di Mozart. Martars ai 8 di Decembar, Simonetta Fumiato e presentarà la storie di Ludwig van Beethoven. Dutis dôs lis convignis a tacaran a 11.

[LIBRIS]

Furlans e slovens, cumò, a podaran preseâ come ch’al merte il «mestri e educatôr de nazion slovene» Alojz Rebula. L’editôr “Mladika” e la studiade triestine Alice Zen a àn curât il volum bilengâl “Biografija v slikah” (biografie par inmagjinis) dedicât al «plui complet e produtîf (passe 40 oparis) scritôr de leterature slovene». Nassût tal 1924 a Sempolaj/San Pelai, in chê volte Arcidiocese di Gurize, al à studiât tai ’Seminaris di Gurize e di Udin. Indelebil al reste il ricuart dai 25 di Avrîl dal 1987, cuant che – cu la Slovenie ancjemò paronade dal comunisim jugoslâf – al guidà fin te basiliche patriarcjâl di Aquilee un miâr di students slovens, furlans e talians, e al procalmà cun solenitât, te scune de religjon di chestis tieris, il “Credo”.

[LIBRIS]

Pai fruts dai 3 ai 6 agns, l’apontament cu “L’ora del racconto”, li de biblioteche di Tisane, al cole lunis ai 30 di Novembar a 17. La propueste e sarà animade dai volontaris del “Club Tileggounastoria”.

[LIBRIS]

La “Maison de la Poésie” di Saint-Quentin-en-Yvelines (Guyancourt) e scree la mostre fotografiche “La Douleur des Arbres” di Patrice Leterrier e il libri zenso scrit dal poet di divignince furlane Mario Urbanet. A 19.30 di martars I di Decembar, a saran presints ancje l’editôr Henri Citrinot (Éditions de l’Amandier) e Frédéric Mizrahi dal “Centre départemental de Météo France”.