[ECONOMIE]

La clape “Civiltà contadina” e à metût sù un grop locâl, batiât “Friuli centrale”, par tignî adun i passionâts di biodiviersitât ch’a intindin di operâ pal recupar e pe difusion des samencis antighis de Patrie. Par informazions, si pues contatât Marino Visintini (0432 402934 - 389 8066350).

[ECONOMIE]

Il Circul de legre diminuzion “Livence.Tiliment”, joibe ai 11 di Mai, al invide ducj li dal municipi di Puart, a 20.30, par une convigne su “Biodiversità e agricoltura biologica”. Di reladôrs a fasaran Cristina Micheloni, presidente di “Aiab” de Furlanie, e Daniele Piccinin, president dal Biodistret Venit.

[ECONOMIE]

Il Cumierç just e solidâl, la sô propueste e lis sôs cualitâts a saran tamesadis intant di doi apontaments inmaneâts di “vicino/lontano”. Sabide ai 13 di Mai, li de Cjamare di cumierç di Udin, a 15 e tacarà la convigne “Commercio equo e solidale. Una contraddizione?”, cun Giorgio Dal Fiume e Shady Mahmoud. A 16.15, il confront al larà indevant cuntune taule taronde su “L’esperienza di piccoli produttori e cooperative sociali”, cun Alessia Berra, Antonio Napoli, Giuseppe Pisano, Elisa Salvi, Loretta Romanin e Lorenzo Croattini.

[ECONOMIE]

Sabide ai 20 di Mai a Lucinîs, li de aziende “4 Principia Rerum” (a 11), e domenie ai 21 di Mai a Cuar di Rosacis (a 10) e a Borgnan (a 12) a colin i apontaments furlans di “PrimaveraBio”, par cure di “Aiab-Aprobio”. Di Cuar al partissarà il gîr in biciclete par visitâ dut il Biodistret di Gramoian.

[ECONOMIE]

Di chê strade des “Zornadis europeanis dai mulins”, il Museu des aghis dal mandament di Glemone al vierç Mulin Cocconi di Ospedalet, sabide ai 20 e domenie ai 21 di Mai, cui oraris 10-13 / 15-18.

[ECONOMIE]

Domenie ai 21 di Mai, Mario Baldini e Carla Da Porto de Universitât furlane e Daniele Marini dal Institût di agrarie di Puçui a presentin, li dal parc Sartori di Manzan, il proget “Filiera sperimentale Canapa”. La convigne e tacarà a 10, sot di un tendon, dulà che si podarà ancje cjercjâ e rimirâ prodots gjavâts fûr de cjanaipe.

[ECONOMIE]

Passade ancje pal tamês dal Guvier di Rome, che le à fate buine cence contestâle devant de Cort constituzionâl, la leç regjonâl 4/2017 “Norme per la valorizzazione e la promozione dell'economia solidale” (publicade dal “Bur” ai 29 di Març), par deventâ dal dut operative, cumò e spiete dome i regolaments atuatîfs. La propueste di leç e jere stade presentade dai conseîrs Gratton, Codega, Lauri, Moretti, Paviotti, Agnola, Bagatin, Bianchi, Boem, Cremaschi, Da Giau, Dal Zovo, Edera, Frattolin, Gabrovec, Gerolin, Gregoris, Liva, Marsilio, Martines, Pustetto, Rotelli, Sergo, Travanut, Ukmar, Ussai e Zecchinon ai 15 di Setembar, sul stamp dal test produsût za agn dal Forum regjonâl dai Bens comuns e da l’economie solidâl.

[ECONOMIE]

La buteghe “naturasì” di Puart e finìs 10 agn e par fiestezâju e organize 3 apontaments, dai 25 ai 27 di Mai. Si tache joibe, a 20.30 li dal cine “C” di Concuardie, là ch’al sarà proietât il film “La sporca verità sul contadino John” (cun prenotazion dai puescj). Vinars ai 26 di Mai, a 20.30 li dal Coleç Marconi di Puart, serade cun Vasco Boatto de Universitât di Padue e cun Fabio Brescacin, president di “EcorNaturaSì”, su: “Oltre il biologico, professore e alunno si raccontano”. Sabide ai 27 di Mai, cjaminade in scjapinele, a 14 li dai zardins dal cjiscjel di Cordovât (cun prenotazion).