[ECONOMIE]

Ise posssibil une economie “a misura d’uomo che affronta le questioni ambientali scommettendo sull’innovazione, sulla ricerca, sulla conoscenza”? E je la cuistion che, sabide ai 2 di Otubar, si fronte a Puart, di chê strade de inaugurazion di “Palazzina Polins”, li dal “Eastgate Park” di strade Rivago 69. La ceremonie e tacarà a 9.30. Daspò dai intervents dai sorestants, il diretôr de “Agenzia Casa Clima” Norbert Lantschner al cjacararà di “Efficienza energetica e sostenibilità degli edifici” e po al consegnarà il ciertificât “classe A+” assegnât al palaç gnûf crei. Po a intervegnaran il progetist Marco Acerbis e i esperts Fausto Maria Monachesi, Alberto Iori, Daniele Pernigotti, Matteo Maestri, Sandro Marcorin, Moreno Argentin e Vittorio Anastasia.

[ECONOMIE]

La cooperative di produtôrs e di consumadôrs biologics “La Cirignicule” e scree une buteghe gnove. La fieste e cole sabide ai 2 di Otubar a 18, a Felet, te strade Feruglio 8. In specialitât, alì si vendarà cjars biologichis cuntun “Punto vendita certificato”. Domenie ai 3 di Otubar, intant de Fieste de Sierade, la buteghe e proponarà lis sôs specialitâts, biel tacant a 10 di matine.

[ECONOMIE]

Ai 3 di Otubar, e cole l’XI edizion di “BioDomenica”, l’apontament dulà che l’agricuture biologiche si presente tes placis di 100 citâts talianis e ator par dut il mont. In Italie si dan dongje te iniziative “Aiab”, “Coldiretti” e “Legambiente”. Il lûc internet par cognossi dutis lis propuestis (comprendude chê furlane di Riverote di Teôr) al è: www.biodomenica.it.

[ECONOMIE]

L’associazion pe agriculture biodinamiche, lunis ai 4 di Otubar, e propon une convigne cun Cristina Boccanegra di “Civiltà contadina” su “La racuelte des semencis”. L’esperienze dai “Seed Savers” di “Civiltà contadina”. La riunion e tache a 20.30, li di vile Giacomelli di Pradaman (strade Roma 47).

[ECONOMIE]

Dai 4 ai 7 di Otubar, une schirie di apontaments e presente Gurize e il Friûl orientâl a Budapest. Lunis ai 4 di Otubar a 16.30, si scree li dal Olasz Kultúrintézet/Institût talian di culture (1088 Budapest - Bródy Sándor u. 8.) lis mostris “André Kértesz torna a Budapest - Gorizia 1914-1915” e “Remake Kèrtesz, di Zoltan Nagt per la Van Design Ltd.”. Martars ai 5 di Otubar a 9, une convigne storiche e frontarà li dal Institût di storie militâr (1014 Budapest, Kapisztrán tér 2-4.) la cuistion “Ungheresi ed italiani che sul San Michele divennero fratelli nella morte”. Joibe ai 7 di Otubar a 11.30, indaûr li dal Institût talian di culture, il program al sierarà cuntune convigne economiche sul “Gurizan ch’al prodûs”.

[ECONOMIE]

Sabide ai 9 di Otubar, i furlans dal Fogolâr i fasin di santui a la buteghe “In Friuli, sapori genuini”, ch’e ven screade te strade Cenisio 42 di Milan dal soci Franco Dondo. Si podarà comprâ (e chei in regule cu la cuote dal Fogolâr ancje cuntun scont) prodots regjonâi di cualitât (grassine, formadis, dolçs, marmeladis…). L’inaugurazion e tacarà a 15.30.

[ECONOMIE]

E tire adilunc fint ai 17 di Otubar, ancje tes “Buteghis dal mont” de Furlanie, la manifestazion “Equopertutti”, inmaneade di “Altromercato” par sensibilizâ l’opinion publiche sul valôr dal cumierç just e solidari.

[ECONOMIE]

Si discor di “Fattorie sociali”, miercus ai 20 di Otubar a Flambri, li de aziende di Lorena Popesso “La fattoria Magredi”. A 10, e tacarà la convigne “La fattoria come rinascita sociale” par proponi chês aziendis ch’a ufrissin ancje servizis culturâi, educatîfs, assistenziâi e formatîfs in plui che prodots agricui di cualitât. L’iniziative e jentre tal proget “Compro bio. Compro etico. Promozione e marketing dei prodotti della bioagricoltura sociale per un consumo responsabile”. Prin dal dibatiment, l’“Aiab” regjonâl al proponarà un “disciplinare” pes aziendis agriculis sociâls de Patrie. Dopo misdì, si podarà cjalâ l’ativitât dal grop “Csre” di Manzan.

[ECONOMIE]

Sabide ai 23 di Otubar, “Afrol” (associazion furlane dai produtôrs di ulivis) e organize un ’seminari tecnic sui imprescj par lavorâ tai ulivârs (“sferzatori”, “abbacchiatori”, “brucatori”, “moto vibratori” e machinaris eletrics par cuinçâ). L’apontament al tacarà a 9.30, li de aziende “Olio ducale” di Cividât. Par informazions: 0432 971419 (sot sere).

[ECONOMIE]

Ai 25 di Otubar a comencin lis rilevazions pal VI Censiment agricul (http://censimentoagricoltura.istat.it/). I intervistadôrs dal “Istat” a operararn fintremai ai 31 di Genâr dal 2011. Pe prime volte, une atenzion speciâl e sarà dedidace a registrâ la “green economy” agricule, cuntun cuadri inedit destinât a scrutinâ «agricoltura biologica e produzioni di qualità Dop e Igp». Fra lis novitâts, ancje il scrutini de Propietât coletive. Cuatrimil 857 sogets, gestôrs di superficis agriculis destinadis a passon, a podaran marcâ la nature civiche de sô ativitât.