Jentrade / Archivi Gnovis
Jentrade/Gnovis
  Leams/Links

ARCHÎF DES GNOVIS
(Publicadis su www.Friul.net)
Gnovis tal archîf: 19223
Gnovis selezionadis: 13
Sielç un męs:
0000
:
2000
: Mai
2002
: Zenâr | Fevrâr | Març | Avrîl | Mai | Jugn | Lui | Avost | Setembar | Otubar | Novembar | Dicembar
2003
: Novembar | Dicembar
2004
: Zenâr | Fevrâr | Març | Avrîl | Mai | Jugn | Lui | Avost | Setembar | Otubar | Novembar | Dicembar
2005
: Zenâr | Fevrâr | Març | Avrîl | Mai | Jugn | Lui | Avost | Setembar | Otubar | Novembar | Dicembar
2006
: Zenâr | Fevrâr | Març | Avrîl | Mai | Jugn | Lui | Avost | Setembar | Otubar | Novembar | Dicembar
2007
: Zenâr | Fevrâr | Març | Avrîl | Mai | Jugn | Lui | Avost | Setembar | Otubar | Novembar | Dicembar
2008
: Zenâr | Fevrâr | Març | Avrîl | Mai | Jugn | Lui | Avost | Setembar | Otubar | Novembar | Dicembar
2009
: Zenâr | Fevrâr | Març | Avrîl | Mai | Jugn | Lui | Avost | Setembar | Otubar | Novembar | Dicembar
2010
: Zenâr | Fevrâr | Març | Avrîl | Mai | Jugn | Lui | Avost | Setembar | Otubar | Novembar | Dicembar
2011
: Zenâr | Fevrâr | Març | Avrîl | Mai | Jugn | Lui | Avost | Setembar | Otubar | Novembar | Dicembar
2012
: Zenâr | Fevrâr | Març | Avrîl | Mai | Jugn | Lui | Avost | Setembar | Otubar | Novembar | Dicembar
2013
: Zenâr | Fevrâr | Març | Avrîl | Mai | Jugn | Lui | Avost | Setembar | Otubar | Novembar | Dicembar
2014
: Zenâr | Fevrâr | Març | Avrîl | Mai | Jugn | Lui | Avost | Setembar | Otubar
o selezione une date:
dal/i:
zz/mm/aaaa
al/i:
zz/mm/aaaa
argoment:
RIGASSIFICADÔRS: FERTIC!
[02.06.2007]
La zonte regjonâl, il I di Jugn, e ŕ trombonât ducj i doi i rigassificadôrs progjetâts pal golf di Triest, tant chel di Zaule che chel “off shore” tal mieç dal mâr. Il guvier di Riccardo Illy, di Gianfranco Moretton e di Lodovico Sonego – scoltant, alfin, i paręs des ministrazions locâls e dal mont ambientalistic – al ŕ scugnűt ameti di no «podę pandi un parę di compatibilitât ambientâl», dal moment che no je stade «provade la mancjance di pericui pa la salűt umane e pal ambient» dai doi implants pe transformazion dal metan licuit in gâs. La ministrazion regjonâl si č impegnade a segnalâ al Ministeri dal ambient dutis lis pecjis documentâls e progjetuâls des dôs propuestis, marcant che, se ancje il ministeri al rivŕs adore di superâ lis dificultâts segnaladis, la Regjon e podarŕ consintî dome un implant sôl, pal “principi di precauzion”.
www.regione.fvg.it  
SCJAFOIÂTS DAI CAMIONS
[03.06.2007]
I camions a scjafoin ancje la Slovenie. I scandais uficiâi a cjacarin di un’incressite dal trafic pesant dal 42% in 14 męs. Ogni dě a passin su lis stradis slovenis uns 5 mil camions e si spietin ancjemň auments sproposetâts, stant che ogni incressite dal “Pil” dal 1% e compuarte il 2,5% di trafic pesant in plui. Se si rivŕs adore di sfrutâ lis feradis, i gâs incuinants a podaressin calâ dal 23 al 60%. Ma pal modernament des liniis feradis a coventin 11 miliarts di euros.
FUGARONS SU LIS ALPS
[04.06.2007]
L’edizion 2007 de manifestazion “Fűcs su lis Alps” e sarŕ organizade par sburtâ i sorestants europeus a dirotâ daurman su lis feradis il transpuart des marcjanziis. L’apontament al sarŕ te gnot fra i 11 e i 12 di Avost su lis monts di dut l’arc alpin.
www.feuerindenalpen.org  
SKI SUSTIGNIBIL
[07.06.2007]
Dentri de Sierade a saran pronts i prins risultâts dal scandai sul avignî dai comprensoris pal ski, par cure dal Comitât pal ambient de Federazion turistiche todescje, dal Institűt superiôr dal sport di Colonie e de Universitât di Zuric. I ricercjadôrs dal progjet “SkiSustain” a smirin di svilupâ modei par rindi la “sustignibilitât” un fatôr di marcjât, dulŕ che il turist de nęf al sielç la stazion plui preferide daűr criteris di rispiet dal ambient. La gnove e je stade popolarizade de agenzie informative “alpMedia” de “Cipra (alpmedia@cipra.org - www.cipra.org/alpmedia).
www.save-snow.com  
PAL TILIMENT
[11.06.2007]
Al ŕ vierzűt l’ufici di Tumieç de Consulte di bacin dal alt Tiliment pal Progjet Warema. Al č logât li de Direzion regjonâl de montagne, in strade da la Vitorie 15/d. I oraris a son: lunis, 9-12; joibe, 14-17. Telefon: 0433 44955 - 0433 44933.
www.cadses-warema.net  seg.consulta@regione.fvg.it
I ROCUI DI MONTENÂRS
[15.06.2007]
Ceműt doprâ i rocui par finalitâts sientifichis, didatichis e turistichis? E je la cuistion ch’e frontarŕ la seconde convigne inmaneade te suage di “Andare per Roccoli”, sabide ai 16 di Jugn a lis 15.30, li dal centri polifunzionâl de borgade Isule di Montenârs. A cjacararan Antonio Mansutti, Rolando Della Vedova, Stefano Brugnara, Gabriella Gretter, Matteo Zacchigna, Manuela Rossi e Maurizio Tondolo. Domenie 17, des 9, escursions guidadis cun apontament li dal municipi.
UN IMPLANT INUTIL E INCUINANT
[17.06.2007]
Cundut che la Provincie di Trent e ŕ stabilît d’improibî la realizazion d’implants a biomassis tai Comuns lŕ ch’al rive il gâs, parcč ch’a son mancul economics e plui incuinants, stant il cost dai transpuarts des biomassis e la necessitât d’incressi il trafic pesant, la Comunitât montane de Cjargne e ŕ decidűt di realizâ un grant implant di cheste fate propit a Darte dulŕ che si spiete in curt il metan. Par chel al č nassűt il comitât “Viva la Carnia” ch’al smire di fermâ une spese publiche di 10 milions di euros par un implant ritignűt “inutil”. Lis obiezions dal comitât a son stadis spedidis al sindic di Darte Marlino Peresson, al president de Regjon, Riccardo Illy, e ai assessôrs Enrico Bertossi e Gianfranco Moretton.
www.vivalacarnia.it
SPARAGNÂ ENERGJIE
[21.06.2007]
Te suage de manifestazion pe promozion des risultivis energjetichis rinovabils, il circul di Udin di Legambiente al propon “Sun Day 2007”. Vinars ai 22 di Jugn a lis 17.30 te sale Ajace dal municipi udinęs, dibatiment cun Lorenzo Croattini, Matteo Mazzolini, Arrigo Burello e Alice Pesiri. Sabide 23 li de plaçute Lionello, mostris des 9.30 a lis 19.
www.legambiente.fvg.it   info@legambiente.fvg.it
UNE VERETÂT DISCOMUDE
[21.06.2007]
Vinars ai 22 di Jugn, a lis 21.30 li dal curtîl dal ambient “Al Centrâl” di Glemone, la clape culturâl “Pense e Maravee” e propon la proiezion dal documentari “Una scomoda veritŕ” di Al Gore.
info@pensemaravee.it
GRANDE OPARE, PIÇUL BENEFICI
[24.06.2007]
“Tav in Friűl: opare grande, benefici piçul” al č il titul de convigne programade lunis ai 25 di Jugn a Codroip, li de biblioteche a lis 20. Le organize il grop “GeOgraphia e su la cuistion si confrontin Rudy Fumolo e Andrea Wehrenfennig.
www.legambiente.fvg.it  info@legambiente.fvg.it
PAR UN MÂR NET
[26.06.2007]
Dai 26 ai 28 di Jugn, la “Goletta verde” di “Legambiente” e je in Friűl. A Marina Lepanto di Mafalcon e propon lis sôs ativitâts di sensibilizazion su la protezion de marine. In gracie de colaborazion dal circul “Greeen Gang”, miercus ai 27 di Jugn a lis 11 a saran presentâts i dâts sul incuinament regjonâl; a lis 18 dibatiment su l’energjie; a lis 21 conciert cul grop “Prognosi Riservata”. Joibe ai 28 di Jugn, des 9.30 visite al implant pal tratament dai savalons gjavâts dai cjanâi de lagune e al sît d’impuartance comunitarie.
www.legambiente.fvg.it  golettacatho@mail.legambiente.com
UN AVIGNÎ PAL BOSC
[30.06.2007]
In gracie dai finanziaments di “Interreg III2, ai 30 di Jugn e il I di Lui, il “Consorzi dai boscs cjargnei” al organize la manifestazion “360° len. Lis lidrîs di un avignî gnűf”. Da lis 9 a lis 16 di sabide, tal Plan di Cjase, par sore di Pesariis tal cjanâl di San Canzian, a saran organizadis visitis guidadis ai cantîrs di utilizazion forestâl, cors di formazion pe sigurece tal lavôr (10-15), laboratoris di “pedagogjie dal bosc” par fruts (11-16) e laboratoris di creativitât cul len (14-18). A lis 9, li dal Otel Pradibosc, si fasarŕ la convigne internazionâl “Il sfrutament energjetic des biomassis forestâls: tindincis operativis in Italie e tal forest”; a lis 15 convigne dai operadôs de filaine bosc-len su la gjestion forestâl sustignibil. Domenie, la fieste e previôt des 9 a lis 16, la creazion di sculturis di len e garis di abilitât cu la motosiee.
www.consorzioboschicarnici.it  vicedirettore@consorzioboschicarnici.it
IL MOTOCICLIST RISPIETIAL LA NATURE?
[30.06.2007]
Biel che a Tumieç i ambientaliscj a interoghin i sorestants regjonâi, de Comunitât montane e dal Comun par savę cui ch’al ŕ permetűt la pestadice fate in Pracjiscjel intant de ultime gare di Enduro (cul prât stabil fiscât fűr par fűr, sot dai vôi de forestâl), la Cjargne si prepare a gloti un’altre manifestazion di chę fate cul “benvignűt” dal sindic di Davâr, Lino Not, ch’al č ancje president de comunitât montane. Lis motocicletis di enduro a saran tal cjanâl di Guart domenie I di Lui, traviersant la plui part des frazions comunâls e fasint une gare fra Liariis e Clavaiis «su un terreno collinare con dislivelli naturali che metteranno in risalto le qualitŕ crossistiche dei piloti», pai campionâts “trivenit”, “sloven” e “Friűl-V. J.”. Tal “dépliant”, il percors de gare nol č afat segnât, ma ben si marche che «lis garis di Enduro a vegnin simpri organizadis rispietant ad in plen la nature».