[CULTURE]

Te Union europeane, il 2009 al sarà l’an de creativitât e de inovazion. Lis sôs propuestis e lis sôs iniziativis a saran popolarizadis tal lûc internet: www.create2009.europa.eu.

[LIBRIS]

I fats dramatics dai 20 e dai 22 di Lui dal 1944, cuant che une scuadre di nazifassiscj mascherâts di partesans a coparin 20 personis li di malghe Promôs e altris 13 personis fra Paluce e Sudri, a son contâts tal diari di Rodolfo Di Centa (Rudy), che la clape “Chei di Somavile” e à decidût di stampâ vie pal Istât. Il manuscrit “Cronistoria in esclusiva” al jere tignût cont dai fîs di Rudy che, fin cumò, lu vevin dome batût a machine. La publicazion e je compagne di un dvd cui ricuarts di paisans di Paluce e di Tamau e di altris testemonis e cuntun apel a palesâ e a punî i colaborazioniscj dal Cjanâl che, magari cussì no, a colaborarin cui angusins.

[INFORMAZION]

Il setemanâl de Glesie concuardiese “Il Popolo” dal mês di Novembar al è presint ancje su la rêt da lis rêts cul sît www.ilpopolo.pordenone.it. Il setemanâl al è direzût di pre’ Bruno Cescon e il so editôr al è l’Opare Durì di Pordenon.

[CULTURE]

Ancje i scampanotadôrs di Mosse a àn realizât il lôr lunari pal 2009. Dongje dai dîs e dai mês, un scjap di provierps (Fâs che dopo una brut zornada torni al soreli cunt’una biela scampanotada; Sunà la ciampana l’è biel cun marcel e batunziel; Al no l’è sentor di fiesta se tal aiar mancia una scampanotada nestra…) e tantis curiosetâts (des 68 jessudis dai scampanotadôrs vie pal 2008 al cjadalan dal president dal grop Mario Kodermaz, che ai 28 di Novembar al à finît 85 agn).

[INFORMAZION]

La “Cjase pa l’Europe” di Glemone e à screât un servizi di “newsletter”. Par ricevi chês informazions al bastarà dâsi in note tal lûc internet http://newsletter.casaxeuropa.org.

[SPORT]

Ju implants di Luze, tal comun di For di Voltri, miercus ai 31 di Decembar, ur dan acet ai campionâts regjonâi di biathlon. Lis garis a tacaran a 10.

[POLITICHE]

Il I di Genâr dal 2009 al nas il Cumon unificât di Cjamplunc-Tapoian. L’85,47% dai citadins des dôs comunitâts, ai 25 di Novembar dal 2007, a vevin aprovât il proget di fusion che po al è stât fat bon dal consei regjonâl. La fusion ministrative e tacarà ai 31 di Decembar cuant che i doi conseis comunâi atuâi a colaran e un comissari al tacarà a gjestî la ministrazion in spiete des primis votazions unitariis.

[GLESIE FURLANE]

Il prin dì dal an, la messe grande te catedrâl di Udin in onôr di Marie santissime, mari di Diu, e sarà cjantade dal vescul Pieri Brollo a 10.30.

[POLITICHE]

Il prin di Genâr e comence la presidence ceche de Union europeane, ch’e durarà fintremai ai 31 di Mai dal 2009. Il sproc sielzût par cheste presidence al è: “Europa without barriers”. Al esist ancje il lûc internet uficiâl, a la direzion: www.eu2009.cz.

[ECONOMIE]

Si slungje la schirie dai Paîs dulà che l’euro e jE monede uficiâl. Dal 1999 al dì di vuê a son deventâts 16. Cul prin di Genâr dal 2009 si zontarà la Slauachie. Prin dal Paîs mitteleuropean, a vevin adotât la monede uniche ancje Malta e Cipri (I di Genâr dal 2008).