[CONCORS]

Il Premi San Simon 2006 al proponarà une vore di traduzion. I concorints a varan di voltâ par furlan la conte di Ipuelit Nievo “Il Varmo”.

[CULTURE]

Il “Grop di San Zorz” al organize 2 seradis di culture, in colaborazion cu la socie “La Grame”. Miercus ai 14 di Decembar, a lis 21 li di vile Dora al sarà proietât il cine “Il Tierç Lion”. Vinars 16, si presente il libri “La Grande Vuere”, a lis 21 a Porpêt, li dal ambient “La rose di Maj”.

[MOSTRIS]

Par dut il mês di Decembar, li de Galarie “Da Bandol” di Gjiviano (Rigulât), e je vierte la mostre fotografiche di Eligio Zanier “Gjiviano un paese piccolo, piccolo, piccolo”. Di chê strade si pues comprâ ancje il lunari 2006 “Gjiviano”.

[MOSTRIS]

Il Museu diocesan di Udin, vinars ai 16 di Decembar, al presente il ristaur de Madone cul frutin Jesù e i sants Zuan e Pauli dal XVI secul. La ceremonie de opare che no si cognòs il so autôr e vegnarà fate a lis 11, presint l’arcivescul di Udin, mons. Pieri Brollo.

[MUSICHE]

I ats de convigne “Notis su notis 2004” a vegnin presentâts joibe ai 15 di Decembar, li dal cjiscjel di Colorêt di Montalban. De opare intitolade “Cuale lenghe pe moderne musiche furlane?” si discorarà a lis 20.30 intant di un dibatiment su la cuistion: “Cemût puartâ fûr la musiche furlane?”. A saran presints ancje i musiciscj ch’a an cjapât part al progjet “Primo Festival di Musica Friulana in Argentina e Uruguay”.

[CONCORS]

Al è partît il concors internazionâl “Fax for peace Fax for tolerance” par fax, e-mail e net video di students e di artiscj. Fintremai ai 28 di Fevrâr lis oparis a podaran jessi spedidis al Institût superiôr di Spilimberc, là ch’e vegnarà imbastide la mostre di ducj i concorints.

[LIBRIS]

Joibe ai 15 di Decembar, li dal centri civic di Cjarlins, si presente a lis 18 il libri “Le ceramiche invetriate di Carlino. Nuovo contributo allo studio di una produzione tardoantica” di Chiara Magrini e di Francesca Sbarra.

[LIBRIS]

A Coder di Sedean, sabide ai 17 di Decembar, si presente il libri di Novella Del Fabbro “Cruos da mont, mainos di Cjargno”. L’apontament, cuntun conciert di Nadâl dal “Grop corâl Gjiviano” al tache a lis 16 li dal agriturisim “La di Mariute”. E cjacararà de opare Maria Tore Barbina. Il libri su la devozion popolâr cjargnele al è compagnât di un cd cu lis cjantis tradizionâls di For di Voltri pal piligrinaç a Marie Luggau.

[POLITICHE]

«Insiemit par difindi il nestri avignî»: cun chest invît, il Coordenament tra i Comitâts cjargnei pe protezion dal ambient al propon une gnove manifestazion popolâr cuintri dai eletrodots e des gjavis. L’apontament al è stabilît a lis 20 di vinars ai 16 di Novembar, devant dal dom di Tumieç. Un corteu cun sindics, plevan, fuarcis politichis e economichis al partissarà di li par rivâ fin là dal auditorium dulà che si fasarà un dibatiment «par resonâ sul nestri futûr».

[LIBRIS]

Vinars ai 16 di Decembar, si presente a Davâr il libri di Diego Carpenedo “La Provincia di Udine durante la seconda guerra mondiale”. De opare, a lis 20 li dal Centri sociâl, al cjacararà Giulio Magrini. A organizin i Comuns e lis bibliotechis di Davâr e di Comeliàns.