[NAZIONS]

La XIV edizion dal “Forum internazionâl de Euregjon acuileiese” al frontarà al cuistion: “Europe tradide / Inlusions e disinlusions”. Il confront al sarà programât vinars ai 19 di Otubar, a Udin, li de Cjamare di cumierç, cun salûts e intervents di 9.30 fin 17. Par notâsi si scuen domandâ la clape “Mitteleuropa”.

[CINE]

Il “Nucleo Etico per la pratica clinica” e i grops di lavôr in Bioetiche de Aziende sanitarie numar 3 a proponin la rassegne cinematografiche “Visioni sulla vita”, cun 5 proiezions li dal “Cine Splendor” di San Denêl, a 20.30. Vinars ai 19 di Otubar pre’ Sergio De Cecco, Rosalia Sgubin e Giorgio Volpe a presentaran “P. S. I Love You” di Richard LaGravenese; vinars ai 26 di Otubar, al sarà proietât “Quel fantastico peggior anno della mia vita” di Alfonso Gomez-Rejon, cun presentazion di Franco Pertoldi, Miriam Masotti e Francesca Feruglio; vinars ai 9 di Novembar, serade cun Daniele Cipone, Manila De Marco e Idanna Pidutti par visionâ “Ella & John” di Paolo Virzì; vinars ai 16 di Novembar, l’apontament al sarà dedicât a “La famiglia Bérlier” di Eric Lertigau cun Bruno Sacher, Maria De Rosa e Flavia Nicoloso; miercus ai 21 di Novembar, la rassegne e finissarà cun “Foreverland” di Maxwell McGuire, presentât di Massimo Maschio, Massimo Don e Cristiano Padalino.

[CULTURE]

Chest an e cole vinars ai 19 di Otubar, li dal cjiscjel di Colorêt, la tierce edizion dai “Stati Generali dei Cammini, Mobilità lenta e turismo sostenibile” in Friûl e te provincie di Triest. A 14, si partissarà pal prin percors circolâr “Camminando in collina” di 11,5 chilometris (2 oris e miege di strade); a 15, al partissarà il percors di 7,5 chilometris (1 ore e mieze di strade). A 17, e sarà screade une mostre di mosaics, par cure de Scuele Mosaiciscj dal Friûl di Spilimberc e, a 17.30, al tacarà il confront sul turisim sostenibil e la mobilitât a pît.

[ECONOMIE]

Sabide ai 20 di Otubar, si scree un mulin gnûf par sapontâ il proget di Economie solidâl “Des / Distretto di Economia solidale / Friûl di Mieç”. La fieste e tacarà a 10.45, li de Aziende agricule “Friûl Bios”, a Gjalarian di Listize (strade Castelliere, 20). Intervents di Claudia Baracchini di “Friuli Innovazione” (“Innovazione sociale, opportunità per il territorio”), di Gabriele Tavano (“Presentazione del nuovo Mulino”), di Lucia Piani de Universitât furlane, di Massimo Moretuzzo, promotôr dal “D.E.S. Friûl di Mieç”, e di Stefano Zannier, assessôr regjonâl a lis risorsis agriculis.

[SALÛT]

Lis clapis cjargnelis, che si son dadis dongje par memoreâ il XL de leç 180 ch’e à sierât i manicomis, a àn batiât “180 per 40” la zornade programade sabide ai 20 di Otubar, a Tumieç. A 15.30, te place dal paîs, e sunarà la bande di Sudri; a 16.30, li de sale parochiâl di strade Lequio, al intervegnarà Grégoire Ahongbonon, calcolât “Il Basaglia africano”. Po e fevelarà Tiziana Gon dal Centri pe salût mentâl de Cjargne. Si finissarà a 18.30, cuntun ghiringhel curât dal Centri Caritas di Cjanive.

[CONCORS]

Par cure dai Cumons di Cjarlins, di Gonârs, di Muçane, di Porpêt, di Prissinins e di San Zorç di Noiâr, al torne il concors leterari “Vôs de Basse”, cun 3 sezions: Narative (contis curtis, curts teatrâi o traduzions di contis curtis); Poesie (componiments poetics o traduzions di poesiis; Students (prose e poesie). Lis oparis a varan di rivâ li dal municipi di San Zorç dentri dai 28 di Decembar. Par informazions: 0432 620281.

[CONVIGNIS]

“La memoria storica e la salvaguardia dei diritti umani nella terra di Oscar Romero”: cheste cuistion e vegnarà frontade, lunis ai 22 di Otubar, li dal Centri pal biel acet “Balducci” di Çuian. A 20.30, a cjacararan Miriam Medrano dal Frente “Farabundo Martì” di Cuba e Mirna Perna de Ayana, professore universitarie e avocate.

[LIBRIS]

Il Dipartiment di studis umanistics e dal patrimoni culturâl dal Ateneu furlan al organize la presentazion dal libri di Simona Greco “Una foresta di carte / Materiali per una guida agli archivi dell’Amministrazione forestale”. A 17.30 di lunis ai 22 di Otubar, li di palaç Caiselli (te androne Florio 2/b) di Udin, a fevalaran Roberto Del Grande, Furio Bianco, Claudio Lorenzini e Donata Levi.

[LIBRIS]

Joibe ai 25 di Otubar, si presente a Udin il tierç volum de golaine “Quaderni della Resistenza per i giovani”, par cure di “Anpi”. Il libri “Civiltà e barbarie, dalla Seconda Guerra Mondiale i principi per l’affermazione della dignità umana” al è stât curât di Elvio Ruffino. Cun lui, a cjacararan il president regjonâl, Dino Spanghero, e il professôr de Universitât furlane Marco Cucchini, a 18 li dai uficis dal “Anpi” di Udin (al numar 29 di strade Brigata Re).

[MOSTRIS]

Fintremai ai 13 di Genâr dal 2019, a Merêt di Tombe si podarà visitâ la mostre “Cjastelîrs, Tumbaris, Mutaris...”. Il viaç tal Friûl di Mieç protostoric al è imbastît li de “Sala Bancater”, te place de Vitorie. Oraris: sabide, 15-18; domenie, 9-12.