[INFORMAZION]

Al è in linie su la rêt des rêts il lûc internet www.primulecaserme.it, dulà che ancje i citadins a puedin colaborâ cul scandai dedicât al recupar des sclavitûts militârs e des casermis bandonadis dal Friûl e di Triest.

[ECONOMIE]

Ai 29 e ai 30 di Otubar, e je programade li cuartîr fieristic la sezion pordenonese di “Incontro”, la fiere sul lavôr, la formazion e l’orientament.

[SALÛT]

Miercus ai 28 di Otubar, a 20.30 li di palaç Cecchini di Cordovât, e tache la schirie di convignis su la salût dai fruts. Te prime riunion la pediatre di comunitât de Aziende dal Friûl ocidentâl, Carla Padovan, e frontarà la cuistion: “Conoscere e curare la febbre nel bambino Domande e risposte”.

[MUSICHE]

Joibe ai 29 di Otubar, si presente a Monfalcon il cd “Sgorli de Levada” cu lis poesiis cjatandis dal vîf par bisiac di Erica Benfatto, compagnade di Gabriele Benfatto, di Manuel Tomadin e di Andrea Ell. Al vierzarà la serade, a 20.30 li de “Libreria Rinascita”, Tiziano Pizzamiglio.

[CONVIGNIS]

La sezion cjargnele de Societât furlane di archeologie e organize une convigne par discori di “Antichi culti agrari nella notte dei morti. Ricognizione storica delle radici della festa di Ognissanti”. A 18 di joibe ai 29 di Otubar, li di palaç Frisacco di Tumieç, al tratarà la cuistion Angelo Floramo de Academie di studis su la Ete di Mieç “J. Rudel”.

[SALÛT]

La clape “Idea” cu l’associazion “Tetra-Paraplegici Fvg” e propon une convigne su “L’applicazione del Fap e il diritto alla Vita Indipendente nell’Isontino”. La riunion e tacarà a 9 di joibe ai 29 di Otubar, li dal consei provinciâl di Gurize, tal cors Italia 55.

[LIBRIS]

L’editôr Marsilio al à stampât l’opare di Nico Naldini “Una striscia lunga come la vita”. Presentade ai 17 di Otubar li dal teatri “Pasolini” di Cjasarse e je «un’autobiografie in poesie», cui viers alternâts cun prosis ch’a «completin il disen naratîf o romanzesc de sô poesie». Cusin di Pieri Pauli Pasolini, Nico Naldini (www.friul.net/dizionario_biografico.php) al è biograf di Leopardi, di Comisso, di De Pisis, di Pasolini e di Parise. Tal so libri al è publicât ancje un saç di Francesco Zambon.

[MUSICHE]

Ai 29 di Otubar a Codroip, ai 30 a Udin e ai 31 a Cividât, li dai doms des trê vilis a 21, l’orchestre dal Conservatori “Jacopo Tomadini”, la “Schola Dilecta”, lis corâls parochiâls di Bertiûl e di Possec e la corâl “Candotti” di Codroip a proponin un conciert sinfonic-corâl in onôr di Zuan Batiste Candotti (www.friul.net/dizionario_biografico.php), tal secont centenari de sô nassion.

[LIBRIS]

Li de “Cjase Imacolade” di strade Chisimaio 40, al funzione di cualchi an “Banco libero”, un servizi par scambiâsi a gratis libris, rivistis e materiâi multimediâi. Si pues puartâ e si pues ancje vê ad imprest. Il “Banco” al vierç miercus di matine (9-12) e lunis, miercus e vinars dopomisdì (17-19).

[POLITICHE]

“L’avignî de aghe in Friûl e a Triest: ben comun o afâr par pôcs?”: sun cheste cuistion, vinars ai 30 di Otubar, il Centri di volontariât internazionâl “Cevi” al organize un ’seminari, ch’al tacarà a 16.30 li di palaç Florio, te sede de Universitât. Il program precîs al è publicât su la rêt (www.cevi.coop/public/SiTE/index.php?tit=leggi%20la%20news&m=11&n=648), dulà ch’e va indevant la petizion par che i parlamentârs furlans s’impegnin a blocâ il decret dal guvier 135/2009, ch’al vierç lis puartis a une privatizazion complete dal servizi idric.