[GLESIE FURLANE]

La Glesie e la citât di Udin a fiestezin i protetôrs Ermacure e Furtunât cuntune messe in catedrâl, cjantade joibe ai 12 di Lui a lis 10.30 dal vescul Pieri Brollo. Di chê strade, la capele de catedrâl e cjantarà la messe par furlan di pre’ Albino Perosa. A lis 20.45, conciert par onorâ i martars aquileiês cun Juvenes e Pueri cantores dal dom e Aquilejensis chorus. A saran eseguîts i gjespui di Paolo Benedetti Bellinzani.

[GLESIE FURLANE]

Ermacure e Furtunât a son protetôrs ancje de Glesie e de citât di Grau. Par chel, a lis 17 di joibe 12, il plevan Armando Zorzin al cjantarà la messe grande li de basiliche di sant’Eufemie. Di chê strade, fin sabide, l’associazion dai Puartadôrs de Madone e organize la sô sagre. A lis 20.30 conciert de bande civiche direzude di Nevio Lestuzzi.

[MUSICHE]

La rassegne “Musiche e peraulis li di palaç Gregoris” di Pordenon e propon altri 4 apontaments ai 12 (“Musical di Broadway”), ai 19 “Singing in the slower”) e ai 26 di Lui (“Incuintri cul autôr”). Ultime serade ai 2 di Avost (“Ensemble diapason”). Lis propuestis de Societât operarie a tachin a lis 21.

[MUSICHE]

Gigi Maieron, Lino Straulino, Loris Vescovo e Fedele a son i protagoniscj furlans de serade “Folkest” sul cjiscjel di Udin di joibe ai 12 di Lui. Il lôr conciert al tacarà a lis 21.15.

[CULTURE]

Dai 13 ai 23 di Lui, la Pro Loco “Par Narêt” e propon la manifestazion “Decori nel borgo”. A lis 18 di vinars lis decorazions a saran finidis e si vierzarà la mostre. Domenie 15, daspò dal esam dal zurì a lis oparis di chest an, a lis 9.30 si fasarà une convigne sul art da la decorazion e a misdì a saran premiâts i miôr lavôrs dal 2007.

[MUSICHE]

Al torneil festival musicâl di Tarvis. Dai 13 ai 22 di Lui, “No borders music festival” al puartarà in Val Cjanâl grancj artiscj d’innomine internazionâl.

[ART]

A la LII edizion de Bienâl di Vignesie e je presinte ancje l’art indigjine. L’indian merecan Edgar Heap of Birds al presente fint ai 30 di Setembar, in colaborazion cul “National Museum of the American Indian” di Washington l’opare “Most Serene Republics” li dai zardins reâi in San Marc e in viâl Garibaldi a Castello. Par dut l’Istât si podarà ancje rimirâ une colezion di “wakahuia”, espression dal art dai Maori e dai artiscj Brett Graham e Rachael Rakena.

[MOSTRIS]

La mostre di San Vît dal Tiliment “Spacal, da l’identitât al segn. Oparis grafichis de colezion Ai Colonos” e propon une schirie di apontaments par cognossi l’incisôr sloven. Vinars ai 13 di Lui a lis 21, li de glesie di San Laurinç, relazion di Federico Santini (“Nel laboratorio di Spacal: dal bozzetto all’opera finita”).

[MUSICHE]

L’agriturisim “da Mariute” di Coder di Sedean al ospite 4 concierts di musiche intitolâts “Personaggi & Interpreti” cun musiciscj innomenâts su la sene musicâl furlane. Ju apontaments: vinars ai 13 di Lui, folk cu “I Carantan”; vinars ai 20 di Lui, jazz cun “Mocambo swing”; vinars ai 27 di Lui, cjanteautôrs cun Rocco Burtone & Na’Babas; vinars ai 3 di Avost, blues cun “Iatitaia blues band”. I concierts a tachin a lis 22.

[TEATRI]

Dai 14 di Lui ai 18 di Avost, di sabide, e torne la rassegne teatrâl li dal parc “Ardito Desio” dai Riçs di Udin. L’VIII edizion e proponarà 6 spetacui ch’a tacaran a lis 21, par cure de Associazion teatrâl furlane.