[DIASPORE]

Domenie I di Lui, il Fogolâr di Rome al fâs la sô “Cocomerata” anuâl te pinade “Borghese” di Aprilia. Di chê strade al visitarà il gnûf museu archeologjic “Lavinuim”, ch’al è direzût dal furlan Attilio Bello.

[CONVIGNIS]

Domenie I di Lui, a lis 10.30 li de sale polifunzionâl di vie San Stiefin a San Svualt, il grop “Noi psicologi” al presente une discussion su “La disfunzion dal compuartament alimentâr: un’enigme de relazion o un malatie mentâl?”.

[SOCIETÂT]

L’associazion 0432 théâtre numérique e organize a Codroip une manifestazion a pro dal progjet “Ayudandote e Estudiar”, inmaneât a Santiago dal Chilì di “Koinomadelfia”. A lis 17, li dal parc de cjase di ripôs in viâl Duodo, a saran contadis storiis dal Chilì pai fruts e po ur vegnarà ufierte a ducj une merinde “solidâl”. A lis 19, ancje pai plui grancj, “equAzione” e cure l’aperitîf “Savôrs solidâi”.

[CULTURE]

Lis propuestis culturâls di “Postaja Topolove/Stazion di Topolò” 2007, ch’e comence ai 30 di Jugn li de borgade dal comun di Grimac, a son in linie tal lûc internet: www.stazioneditopolo.it.