[MUSICHE]

A son 143 i strumentiscj europeus ch'a cjapin part a la XI edizion dal concors internazionâl par cure de clape

[MUSICHE]

La Fieste europeane da la musiche si le celebre ancje a Vile Manin. Joibe ai 21 di Jugn, il Centri pal art contemporani e l’Orchestre filarmoniche di Udin a organizin il conciert di musiche digitâl “Il suono in mostra” di Antonio Della Marina. Il spetacul al tache a lis 20.30.

[MUSICHE]

A son 143 i musiciscj europeus ch’a cjapin part a la XI edizion dal concors internazionâl pe zoventût par cure de clape “Euritmia”. La manifestazion e larà indevant dai 20 ai 24 di Jugn li de palestre polifunzionâl di Paulêt.

[ART]

Joibe ai 21 di Jugn, a saran presentâts i lavôrs pal ristaur dal altâr maiôr de glesie dal Carmini di Udin, in Bordolee (borc di Aquilee). A lis 18.30 a cjacararan da l’opare il plevan pre’ Giancarlo Brianti e la restauradore Roberta Righini. La colaboradore dal Museu diocesan di art sacrade Luciana Bros e proponarà une relazion storiche e artistiche sul altâr dal 1600, ch’al è calcolât un dai miôr dal baroc furlan.

[SOCIETÂT]

Dai 21 ai 23 di Jugn, Bibion al propon la seconde edizion dal “Festival dai sosis d’Italie”. Si confrontaran fra di lôr sosis di cjantants, di atôrs, di comics e di sportîfs.

[AMBIENT]

Te suage de manifestazion pe promozion des risultivis energjetichis rinovabils, il circul di Udin di Legambiente al propon “Sun Day 2007”. Vinars ai 22 di Jugn a lis 17.30 te sale Ajace dal municipi udinês, dibatiment cun Lorenzo Croattini, Matteo Mazzolini, Arrigo Burello e Alice Pesiri. Sabide 23 li de plaçute Lionello, mostris des 9.30 a lis 19.

[AMBIENT]

Vinars ai 22 di Jugn, a lis 21.30 li dal curtîl dal ambient “Al Centrâl” di Glemone, la clape culturâl “Pense e Maravee” e propon la proiezion dal documentari “Una scomoda verità” di Al Gore.

[MUSICHE]

A lis 21 di joibe ai 21 di Jugn, i “Strepitz” a presentin un conciert li dal Simposi di sculture di Vergnà di Reane. Si esibissaran Giovanni Floreani, Ermes Ghirardini, Gianfranco Lugano e Paolo Viezzi.

[NAZIONS]

L’impat de unificazion europeane su la comunitât slovene dal Friûl e di Triest al è stât scrutinât intant di un progjet di ricercje prudelât de Comission europeane e batiât Euroreg. I risultâts a vegnin presentâts a Gurize, vinars ai 22 di Jugn, li de Provincie. Ma chei studis a saran ancje su la rêt des rêts, a la direzion: www.eliamep.gr/eliamep/files/Slovenija_case_study.pdf.

[MOSTRIS]

I 22, i 23 e i 24 di Jugn a son i ultins 3 dîs par visitâ a Pavie la mostre di art contemporanie “Sticeboris”. E je vierte des 18 a lis 22. Le an curade Monica Faccio e “Etrarte”.