[CULTURE]

Ai 3 di Decembar e cole la Zornade internazionâl dai derits des personis cun disabilitâts, metude sù par promovi l’inclusion e par combati ogni forme di discriminazion. Di chê strade, la Sorintindince Archeologie, Bielis arts e Paisaç e organize un webinar (joibe a 17, cul titul “Vignît cun nô a viodi...”) e la realizazion di un filmât par promovi la cognossince dal patrimoni culturâl e par descrivi lis gnovis modalitâts par rindilu acessibil par ducj. Lis direzions par viodi il videu a son: www.facebook.com/SABAP.FVG - www.youtube.com/channel/UCRMBskD1-u444ns6xdJPbmQ - www.museoarcheologicoaquileia.beniculturali.it - https://museoarcheologicocividale.beniculturali.it/.

[LIBRIS]

Cul I di Decembar, il diretôr dal “Sistem bibliotecari dal Friûl” e dal “Servizi integrât Museus e Bibliotechis” dal Cumon di Udin, Romano Vecchiet, al à finît il so servizi e al è lât in pension (www.friul.net/dizionario_biografico/index.php).

[AMBIENT]

Decarbonizâ passant pal gâs e je une sielte falade che no zove pe salût dal mont ni dal ambient. Chest principi e motive l’oposizion di “Legambiente” pal proget di “A2A” pe centrâl a cjarvon di Mafalcon. Su la cuistion, la clape ambientaliste e denuncie il fat che il Cumon di Mafalcon nol à un ategjament clâr e che la Regjon fin cumò e à tasût dal dut. Tal so ultin comunicât, “Legambiente” e bat ancje che «la trovata dell’Idrogeno sembra più una sorta di cavallo di Troia per calare su Monfalcone una megacentrale da 850 MW a gas naturale da far operare a pieno regime per ammortizzarne il costo il prima possibile».

[ECONOMIE]

Pai Dominis coletîfs, al vâl un tratament fiscâl speciâl, stant la sô condizion di proprietât intergjenerazionâl che no pues jessi ni vendude, ni spartide, ni usucapide e dal moment che la sô destinazion agro-silvo-pastorâl e va mantignude par in secula. Su la cuistion si à discorût intant de convigne «Attuazione della legge 168/2017 ed esenzione tributi», inmaneade a Grau ai 23 di Otubar. La regjistrazion dal dibatiment si pues scoltâle sul cjanâl «Youtube» (https://youtu.be/_NVGq134qE8), par cure dal Coordenament regjonâl de Proprietât coletive.

[ECONOMIE]

Martars ai 8 di Decembar, si celebre “on line”, la Zornade da l’Economie solidarie, che il Forum dai Bens comugnâi al organize parie cun “Cvcs” Gurize, “Oikos”, “CeVI” e “Time For Africa” Udin, “Solidarmondo” Pordenon e “Accri” Triest e cul jutori di Universitât di Triest e Cumons furlans. La III edizion de iniziative, prudelade de leç 4/2017 “Norme per la valorizzazione e la promozione dell'economia solidale”, e tacarà a 9.30 cuntune samblee su “Sfide comuni. Politiche di transizione a confronto” (Link Zoom https://us02web.zoom.us/j/81993272164?pwd=cW9kTUxCVHBSbjRLVTQ4dWhGSkZFUT09 / ID riunione: 819 9327 2164 / Passcode: 1111). A 11.30 voris in grop su la transizion economiche e il puest des Comunitâts (Zoom https://us05web.zoom.us/j/84004647566?pwd=THJ1ZU1lMkJ5VjhpU3k1UnBib2tLQT09 / ID riunion: 840 0464 7566 / Passcode: 1111), des cjadenis produtivis (Zoom https://us02web.zoom.us/j/83675159841?pwd=aGpEZ0FCZEhFd3FLalBqSVFoSzBCUT09 / ID riunion: 836 7515 9841 / Passcode: 1111) e des instituzions (Zoom https://us02web.zoom.us/j/89567449606?pwd=dlNYNVZzN1BRMmR0eEh4bFhqNHRPdz09 / Passcode: 1111). Si finissarà cuntune samblee finâl (Zoom https://us02web.zoom.us/j/81627668416?pwd=MEVzMnkzeFlwdEVyMVpVMDdqaGVyZz09 / ID riunion: 816 2766 8416 / Passcode: 1111.

[GLESIE FURLANE]

Facilmentri ancje il Pape al scuignarà dî ce ch’al pense su la situazion dal servizi pastorâl ufiert a lis Comunitâts di marilenghe slovene de Glesie udinese. Te Arcidiocese di Udin, a son restâts dome doi predis slovens e un macut di predis di marilenghe furlane o taliane preocupâts de cuistion. Sichè, su la situazion e, in specialitât, sul câs de Valcjanâl/Kanalska dolina a son intervignûts la Conference episcopâl e ancje il Ministeri pai Slovens pal mont di Lubiane che, intun comunicât, al à vût scrit: «Tutte le richieste rivolte ai responsabili ecclesiastici e politici non hanno dato frutto, perché gli attuali vertici della Chiesa locale non sono favorevoli alle minoranze linguistiche».

[SCUELE]

Tes sô ativitâts didatichis, l’Universitât pe Tierce etât di Udin e podarà doprâ ancje il cuader “Aghe risultive di vite”, dât fûr de “Clape culturâl Acuilee” e curât di Zuan Pilosio. L’autôr al à strucât lis sôs cognossincis e la sô esperience professionâl par presentâ il sistem idrologjic de Patrie, lis aghis plui impuartantis (Livence, Ciline, Midune, Tiliment, Tôr, Nadison, Lisunç e Timau), lis aghis derivadis (lagunis, lâts, palûts, poçs e cjanâi). Altris doi cjapitui a son dedicâts a puints e mûts di dî e provierps su l’aghe, presentade come “Un Ben di ducj”, di tignî cont «cun sintiment».

[SOCIETÂT]

Joibe ai 10 di Decembar, e cole la Zornade internazionâl pai derits dal om. Chest an il sproc che le compagne al è: “Recover Better - Stand Up for Human Rights”, par che la riflession sul cjadalan de Declarazion universâl dai derits dal om e calcoli ancje lis liendis leadis cu la pandemie di Covid-19. Di chê strade, il Centri pai derits dal om di Padue al torne a proponi il coment a la Declarazion dal professôr Antonio Papisca (https://bit.ly/papisca_dichiarazioneuniversale).

[CONVIGNIS]

Francesco Frizzera (“Un continente in movimento. Essere profughi nell’Europa della Grande guerra”), Giacomo Viola (“Profughi veneti nelle terre del Friuli invaso”), Marco Chiavon (“Dalla sponda del Piave a quella del Cormôr: profughi a Pozzuolo del Friuli”) Matteo Ermacora (“Gemona capitale dei profughi del Piave. Tensioni, problemi annonari, morbilità e mortalità (1918-1919)”) e Simone Menegaldo (“Sgomberati e sfruttati, ritornati e rivoltosi: la Sinistra Piave trevigiana tra il 1917 e il 1919”) a saran i protagoniscj de convigne “Dal Piave al Tagliamento: profughi veneti in Friuli. 1917-1919”, programade vinars ai 11 di Decembar, a 17 dal Institût furlan pe Storie dal moviment di liberazion. Il confront al sarà “on line” (https://zoom.us/j/93191969143).

[AMBIENT]

Di chê strade de “Zornade internazionâl des monts”, ch’e cole ai 11 di Decembar, la Comission internazionâl pe protezion des Alps, “Cipra”, e à pandût il so document “Il paesaggio alpino non è rinnovabile”, dulà che si bat sul principi che «il paisaç e je une clâf pe negoziazion di cuistions sociâls e politichis». Il document al è stât fat bon de Samblee dai delegâts di “Cipra”, ai 9 di Decembar.