[SCUELE]

Joibe ai 3 di Setembar, il Friûl i darà l’ultin salût a Marino Tremonti, nodâr, alpinist e, sore il dut, president dal “Comitât pe Universitât furlane”. Par agns e agnorums, al fo il prin colaboradôr dal professôr Tarcisio Petracco te lote popolâr par otignî l’instituzion de Universitât dal Friûl. Al veve 95 agns e al sarà sapulît a Gurize (dulà ch’al jere nassût il I di Decembar dal 1924), dopo des esecuiis, celebradis a Udin, a 9 di joibe, li de glesie dal Carmini, in Bordolee (Borc Acuilee).

[CORS]

“Biosfera monouso: come invertire la rotta”: al è il titul de convigne “on line” che l’Agenzie regjonâl “Ape” e propon joibe ai 3 di Setembar, a 16, cun Cristina Gabetti (“Striscia la notizia”) e Maria Cristina Pedicchio (“Ogs Trieste”). L’ativitât e jentre te progetazion regjonâl “Strategia per lo sviluppo sostenibile”.

[MOSTRIS]

Te “Zornade ecumeniche pe protezion dal Creât”, che il I di Setembar e scree “Il Timp dal Creât”, programât di dutis lis Glesiis cristianis fintremai ai 4 di Otubar, la Fraterne dal Spirtussant parie cui Bens coletîfs de Cjargne e à screât la mostre “Il Grido della Terra”. L’esposizion, che si podarà visitâle li de Capele ecumeniche de “Polse di Cougnes” (daprûf de plêf di San Pieri di Zui), ducj i dîs de setemane di 9 a 18, fintremai ai 13 di Setembar, e presente il mes de encicliche di Pape Francesc “Laudato si’”.

[DIASPORE]

“Respinti alla luce del sole”: al è il titul plui impuartant dal numar 229 di “AltrEconomia”, il mensîl di culumie alternative, ch’al è saltât fûr par chest mês di Setembar. Il servizi al cjacare di ce ch’al è daûr a sucedi in Furlanie, sul confin cu la Slovenie, dulà «che i migranti e i richiedenti asilo vengono rispediti indietro, lungo la rotta balcanica. Mentre il ministero dell’Interno gioca a carte coperte». Par lei il sfuei (che si cjatilu ancje li des “Buteghis dal Mont” de Patrie), si pues lâ tal lûc internet: https://altreconomia.it/prodotto/229/?www.altreconomia.it?utm_source=newsletter&utm_medium=email&utm_campaign=NL229NA.

[SOCIETÂT]

Domenie ai 6 di Setembar, il “CeVi” al organize la zornade “Vento d’Africa, dedicade al jutori dai “minori svantaggiati in Costa d’Avorio”. La manifestazion, cun culture, musiche e solidaritât, e sarà programade li dal ripâr alpin “L. Zacchi”, su lis Alps Juliis. La musiche e lis cjercjis gastronomichis a començaran a misdì. La spassizade e tacarà a 10 sul lât superiôr di Fusinis (cun prenotazion obligatorie: 0432 548886).

[POLITICHE]

Ancje il “Comitât pe Autonomie e par il Rilanç dal Friûl” al invide a votâ la petizion a pro dal Tiliment. Il lûc internet de clape al motive: «Abbiamo già firmato in 12 mila, ma più firmiamo e maggiori sono le possibilità di fermare i nuovo Vandali che siedono nel nostro Consiglio regionale».

[POLITICHE]

Ai 20 e ai 21 di Setembar, si vote pal referendum constituzionâl e par confermâ (cuntun “Sì”) o par trombonâ (cuntun “No”) la riforme ch’e ridûs il numar dai Deputâts di 630 a 400 e chel dai Senadôrs di 315 a 200. Il zornalist Claudio Carlisi al à prontât un document par invidâ a rifleti su la cuistion dal numar dai parlamentârs. «Parlando di politica con amici e conoscenti chiedo se sanno quanti sono i parlamentari eletti in regione. È molto difficile – al note Carlisi – che sappiano che sono 20. Faccio un’ulteriore domanda: mi si elenchi i nomi dei parlamentari. Ebbene, chi è preparato, concentrandosi, mi fa circa 6-7 nomi, forse 8. È superfluo chiedere se sanno cosa abbiano fatto di utile in 5 anni». Seont Carlisi, «non serve eleggere tanti deputati e senatori, basterebbero pochi ma buoni… Una cosa importante, invece è una onesta legge elettorale per evitare quello che è successo nelle ultime elezioni con il “Rosatellum”: su 20 parlamentari, Trieste (240.000 abitanti) ne ha eletti 8, cioè uno ogni 30.000 abitanti, il Friuli (920.000 abitanti) ne ha eletti 12, uno ogni 82.000. Il “Rosatellum” è una legge elettorale fatta su misura per Trieste da un triestino che riveste una carica molto importante, senza trovare opposizione in Friuli».

[POLITICHE]

A la barbe dal “Covid”, ancje chest an, ai 5 di Setembar i Trentins a àn celebrât “La Giornata dell’autonomia”. In chê dì, si à podût visitâ i uficis instituzionâi de Provincie, a Trent: “Palazzo Trentini”, te strade Manci, dulà ch’al lavore il Consei provinciâl, e il “Palazzo della Provincia”, te place Dante.

[MOSTRIS]

Par presentâ «fatti e misfatti, passati e presenti, dal lago di Cavazzo o dei Tre Comuni alla montagna privata delle sue acque», il Comitât “Tutela acque del bacino montano del Tagliamento” e il Comitât “Difesa e valorizzazione del lago di Cavazzo” a àn prontât la mostre “Âgas di Mont” che, miercus ai 9 di Setembar, e comence il so viaç tes placis dai paîs de mont furlane. La scree uficiâl e je stabilide a 17 te place I Maggio di Dalès (li dal Centri servizi, s’al sarà trist timp). I 27 tabelons a saran esponûts za a 9 di buinore.

[POLITICHE]

La clape “Per la Costituzione” di San Denêl, vinars ai 11 di Setembar, e organize une videuconvigne par rifleti sul referendum constituzionâl e su la riduzion dai parlamentârs. A 17.30, si confrontaran sui cjanâi “Facebook” e “YouTube” de clape i academics Gaetano Azzariti, Roberto Bin e Roberto Zaccaria.