[AMBIENT]

A cheste direzion, https://cms.legambientefvg.it/index.php?option=com_attachments&task=download&id=1511, su la rêt des rêts, si pues lei l’esit dai scandais che “Goletta Verde” di “Legambiente” e à fat su la marine dal Friûl e di Triest. Seont “Maremonstrum”, magari cussì no, si registre 2,8 criminâi ogni chilometri di cueste.

[INFORMAZION]

La Biblioteche di Udin e ufrìs un servizi gnûf. Mediant di un leam di pueste, a son a disposizion pe consultazion “on-line” la transcrizion dal aventari dal “Fondo Joppi” e la scansion dal originâl, in cjarte, dal aventari dal “Fondo Principale”.

[LIBRIS]

Miercus ai 3 di Lui, su la place Vittorio Veneto di Martignà, la rassegne “Istât cul autôr” e presente, a 18, la serade “Friûl crosere di contis”, cu la presentazion dal libri senso di Angelo Floramo, publicât de clape “La Grame” e inlustrât di Roberta Masetti.

[MOSTRIS]

L’Universitât furlane, fintremai ai 2 di Avost, e propon li di palaç di Toppo Wassermann, tal Borc di Glemone a Udin, la mostre bibliografiche “Tradizione e cultura medica nell’Umanesimo friulano. Antichi libri di medicina della Biblioteca Civica Udinese V. Joppi”. Oraris: ducj i dîs, di 8.30 a 19.30.

[LIBRIS]

Il Circul “Livence-Tiliment” dal Moviment pe legre diminuzion, vinars ai 5 di Lui, al presente a Puart il libri “Occhio all’etichetta”. Pe presentazion, a rivaran tal Friûl concuardiês lis autoris Lucia Cuffaro, ch’e je copresidente dal Moviment talian, e Elena Tioli. La convigne e tacarà a 18.30, li de scuele “Dario Bertolini”, te strade Liguria. A colaborin te organizazion il grop pes compris solidariis “Il Canneto” e il Cumon di Puart. Lucia Cuffaro e cure ancje il “blog” “Autoproduciamo” e la rubriche televisive “Chi fa da sé” pe “Rai”.

[AMBIENT]

“Legambiente” e à butât fûr l’edizion pal 2019 di “Ecomafia. Le storie e i numeri della criminalità ambientale in Italia”, il scandai su la criminalitât ambientâl in Italie. Numars e cifaris dai delits cuintri de nature e dal ambient si podarà burîju fûr e profondîju su la rêt des rêts, a lis direzions: https://cms.legambientefvg.it/temi/altro/2074-ecomafia-2019-le-storie-e-i-numeri-della-criminalità-ambientale-in-italia.html e http://noecomafia.it/. La provincie di Udin, cun 30, e chê di Gurize, cun 21 infrazions aciertadis, a spichin te classifiche furlane de ilegalitât tal cicli de scovacis, dulà che la provincie di Pordenon si ferme a 7 infrazions. Par chel che s’inten al ram ilegâl dal ciment, lis infrazions aciertadis a son 25 te provincie di Udin, 23 in chê di Pordenon e 9 in chê di Gurize. Il scandai al profondìs ancje i setôrs dal agroalimentâr, de archeomafie, dal trafic di animâi, dai fûcs e des energjis rinovabils.

[ECONOMIE]

Vinars ai 5 di Lui, “Montagna Leader” e “Confcooperative” a organizin une convigne par proponi “La Cooperativa di Comunità. Una sfida per lo sviluppo delle montagna pordenonese”. Il confront al tacarà a 17.30, a Povafri, li de sale dal Parc des Dolomitisi furlanis. Intervents su “Metodi e strumenti utili alla creazione di un’impresa comunitaria” e “Azione Gal Montagna Leader 1.1 Sostegno all’avvio di una Cooperativa di Comunità”.

[MUSICHE]

A rivin di Russie, Grecie, Bulgarie e Taiwan i artiscj che, dai 4 ai 9 di Lui, a animaran il “Festival mondiale del Folclore giovanile”, cun spetacui e apontaments a Caprive, a Lavorêt, a Udin, a Pordenon, a Darte e a Cormòns. La rassegne e je inmaneade de Union dai grops flokloristics dal Friûl e di Triest “Ugf”.

[AMBIENT]

Sabide ai 6 di Lui, a Liscjace, te Rozajanska dolina/Vâl di Resie, si scree a 10 “La tana in Val Resia”, un piçul centri polifunzionâl, ch’al sarà ministrât de clape “Farfalle nella testa”, par sotetâ 7-8 personis e fâ ativitâts culturâls di divulgazion scientifiche e naturalistiche. I darà acet ancje a une mostre su la prime vuere mondiâl. A 11.30, dopo de scree ativitât par fruts e escursion par grancj.

[CINE]

Vinars ai 5 di Lui, la clape culturâl “Giorgio Ferigo” e fâs a Povolâr di Comeliàns la sô samblee anuâl. La riunion e tacarà a 18, li de “Cjase dal Botêr”. A 20.30, si finissarà cu la serade culturâl dedicade a la leture dal test dal 1993 di Lenart Zanier “L’allarme” su la penetrazion de criminalitât mafiose in Friûl e cu la proiezion dal film “Placido Rizzotto” di Pasquale Scimeca (2000), li de sale “L'Alpina” di Comeliàns.