[NAZIONS]

«Dittatura è agire contro la volontà del Popolo. Non è il Popolo che deve adattarsi al governo e allo Stato, ma lo Stato e il governo devono essere espressione del Popolo. Questo è il principio elementare della democrazia: la sovranità del Popolo»: cun chestis peraulis la “Newsletter” dal “Baliato” dai Coi, tal Cjanâl dolomitan di Zoldo, e à comentât i ultins fats de Catalugne, dulà che il guvier di Madrid al cîr in dutis lis formis di fermâ il referendum dal I di Otubar, volût de ministrazion regjonâl catalane par palesâ la volontât popolâr sul cont de indipindince da la Spagne.

[NAZIONS]

La clape internazionâl ch’e scombat cui popui natîfs menaçâts “Survival” e popolarize la sô campagne “La conservazione può uccidere”. Il fin al è chel di mudâ il model di conservazion de nature che, in zornade di vuê, al tibie i derits dai popui indigins. Di chê strade, martars ai 3 di Otubar, al sarà proponût un dibatiment cun Pranab Doley e Fiore Longo, a 18.30 te strade De Amicis numar 10 di Milan.

[ECONOMIE]

Martars ai 3 di Otubar, la sezion provinciâl udinese di “Libera” e invide a 20.45, li dal circul “Arci” di strade Bertaldia di Udin, par cognossi la clape “Addiopizzo” di Palermo (www.addiopizzo.org/).

[NAZIONS]

Joibe ai 5 di Otubar, la clape “Mitteleuropa” e organize il so “forum” internazionâl anuâl, par frontâ la cuistion: “Migrazioni, Integrazioni, Contaminazioni - L’Europa trema”. Il confront cul comissari europeu pe culture, Tibor Navracsics, al començarà a 9, li de Cjamare di cumierç di Udin (te place Venerio).

[CONVIGNIS]

Ai 6 e ai 7 di Otubar, li de centrâl idroeletriche “Pitter” di Malnîs, al è programât il “Malnisio Science Festival”. Di chê strade, si podarà confrontâsi su la “Innovazione nelle Dolomiti friulane”.

[MOSTRIS]

Il Museu etnografic dal Friûl al propon la mostre “Le vie dell’acqua. Architetture idrauliche nella Bassa friulana fra acqua e terra”. L’esposizion e je prudelade dal Museu dal patrimoni edîl “Cantîrs”. Oraris: martars-domenie, 10.30-19.

[MOSTRIS]

Li dal Centri studi “Pier Paolo Pasolini” di Cjasarse, si podarà rimirâ fintremai ai 12 di Novembar la mostre “I tanti Pasolini nelle fotografie di Carlo Riccardi”, ch’al è stât il prin “paparazzo” della “dolce vita” romane. Oraris: lunis-sabide, 15-19; domenie, 10-12 / 15-19.

[CONCORS]

Si varà timp fintremai ai 28 di Fevrâr par cjapâ part al II concors di fotografie naturalistiche “Nature InPhoto bosc, flum, lagune”, par cure dai Cumons di Maran e di Muçane.

[MOSTRIS]

Fintremai ai 29 di Otubar, li de Galarie “Tina Modotti” di Udin, si podarà visitâ la mostre de fotografe Newsha Tavakolian, “International Award of Photography” 2017. Oraris: vinars e sabide, 15-18; domenie, 10.30-12.30 / 15-18.

[MOSTRIS]

E restarà imbastide fintremai ai 7 di Genâr, la mostre “Donne&fotografia”, inmaneade di Silvia Bianco, di Ken Damy e di Walter Liva, li de glesie udinese di San Francesc. Oraris: vinars e sabide, 15-18; domenie, 10.30-12.30 / 15-18.