[SCUELE]

Domenie ai 2 di Otubar, e je programade la XII edizion da la “Fieste dal Marconi”. E tacarà a 10 li dal coleç di Puart cul biel acet. A 11.30 messe grande li dal dom di Sant Andree e po gustâ comunitari. Prenotazions li de secretarie (0421 281111).

[MOSTRIS]

Lis fotos di Riccardo Viola a contin il “Friûl ferît” dal taramot dal 1976. L’esposizion e restarà imbastide fintremai ai 30 di Otubar, li de Badie di Rosacis. Oraris: vinars, sabide e domenie, 9-12 / 15-18.

[MOSTRIS]

La mostre “Antonio e Livio Pascolo artisti della medaglia”, imbastide de clape “Amici di Venzone”, si podarà visitâle fintremai ai 30 di Otubar, li dal Museu etnografic dal Friûl di Udin (tal borc di Greçan). Oraris: 10.30-17 (fûr che lunis).

[SALÛT]

Dai 7 ai 15 di Otubar, la manifestazion “Disturbo? Esseri umani / Essere umani” e celebre ancje a Udin la “Zornade mondiâl de salût mentâl”. Il program si cjatilu su la rêt des rêts.

[LIBRIS]

Vinars ai 7 di Otubar, si presente li de Universitât, a Udin (Palaç di Toppo Wassermann di Borc di Glemone 92), il volum “Psicodemocrazia. Quanto l’irrazionalità condiziona il discorso pubblico” di Gabriele Giacomini. Intervents dal autôr, di Massimo Cacciari, di Furio Honsell e di Angelo Panebianco.

[MOSTRIS]

Fintremai ai 13 di Novembar, li de “Galleria Sagittaria” di Pordenon (strade Concordia 7), si podarà visitâ la mostre internazionâl di inlustrazions pe frutarie “Sentieri illustrati”, cu lis oparis di 8 artiscj slovens. Oraris: martars-domenie, 16-19. Laboratoris pes scuelis, cui autôrs, dai 17 ai 21 di Otubar.

[MOSTRIS]

Di chê strade de “Zornade taliane des fameis intal museu”, a Udin a proponaran iniziativis speciâls il Museu archeologic (ai 8 di Otubar a 15 e ai 9 a 11 e a 15, “Mense e banchetti”), il Museu etnografic dal Friûl (ai 9 a 15, “Giochi di un tempo”) e “Casa Cavazzini” (ai 9 a 15, “Leggere le opere d’arte”). Prenotazions obligatoriis.

[SOCIETÂT]

Sabide ai 8 di Otuar, la “Comunità Piergiorgio” di Udin e fâs fieste pal XL innovâl de sô fondazion. A 11 e sarà cjantade messe, po a cjacararan i sorestants e si larà indevant cuntun moment di convivialitât. Dutaldì, tai ambients di place Libia, si podarà visitâ la mostre su la storie de Comunitât.

[MUSICHE]

Par memoreâ ancjemò une volte l’innovâl dal taramot dal 1976, sabide ai 8 di Otubar, li dal dom di Glemone, la Corâl polifoniche di Montreâl e proponarà il “Requiem” di Pavel Kudelàsek. La serade e tacarà a 21. Di chê strade, al guidarà la riflession pre’ Dino Pezzetta di Osôf e a saran proietadis inmaginis de “Cineteche dal Friûl”.

[ECONOMIE]

La XIV Mostre itinerant dai miluçs antîcs e vierzarà sabide ai 8 di Otubar a 18 e domenie ai 9 di Otubar a 9.30, li di palaç d’Attimis, a Manià.