[DIASPORE]

Lunis prin dì di Avost, a 21, la rassegne culturâl “Avostanis” e propon a Vilecjace di Listize la conte di Tommaso Sandri, di Alessandro Lillo Sandri e di Paolo Tavani in forme di videu-documentari “Trente metros di sperance (Lant indaûr par la rote balcaniche dai migrants)”. A compagnin la proiezion “Irie Trio” e une mostre multimediâl e interative (mediant di “smartphone” e scufutis). E colabore cui “Colonos la clape culturâl “Mentibere”.

[INFORMAZION]

Il “link” www.regione.fvg.it/rafvg/export/sites/default/RAFVG/GEN/statistica/FOGLIA38/allegati/27062016_Rapporto_statistico_annuale_2016.pdf al permet di discjamâ dal lûc internet de Regjon il scandai statistic anuâl, par cure dai uficis regjonâi.

[GLESIE FURLANE]

Par dut il mês di Avost, la Comunitât di Maran e celebre la “Triennale” in onôr de Madone de salût. Il prin apontament al sarà la “Zornade votive” cul transpuart de statue de Madone te glesie parochiâl, lunis I di Avost a 20.15. La prucission pe lagune e colarà lunis ai 15 di Avost, screade dai gjespui a 17.30. Tal indoman, ai 16 di Avost, e sarà cjantade messe par ducj i emigrants, a 10. A 18 di domenie ai 28 di Avost, la statue e tornarà li dal santuari.

[CONVIGNIS]

Martars ai 2 di Avost, li des vieris scuelis di Resiute, si cjacare su “La Pontebbana – Ricordando la vecchia ferrovia”. A frontaran la cuistion Romano Vecchiet, Claudio Canton e Gianfranco Zuzzi. La convigne, inmaneade de Biblioteche, e tacarà a 20.30.

[CINE]

I “Giovens cjanterins” di Cleulis, intant de sagre dal paîs, a proponin ancje la proiezion dal documentari “I Custodi dell’acqua / La Carnia si ribella” (www.icustodidellacqua.it/index.php?lang=it). La vore di Giulio Squarci e sarà proietade joibe ai 4 di Avost, a 21, li de plaçute di Laipà, di chê strade di “Cinearte a Cleulis”. La serade e sarà screade dal proget “Walking arte in cammino - Sui sentieri della grande guerra” a 20.30.

[INFORMAZION]

Ogni dì, fintremai ai 5 di Avost, a 8.20, intant dal program televisîf “Bel Tempo si Spera”, “TV2000” e presente un piligrinaç speciâl ator pai santuaris dal Friûl. Enrico Selleri e Gianni Vukaj a àn seguît i piligrins Sistus, Meghi, Giovanna, Leonardo, Gabriele e padre Beppe di Barbane a Monsante di Lussari, passant par Madone di Mont. “TV2000” e transmet sul cjanâl 28; su “Sky” cjanâl 140 e su “TivùSat 18”.

[CINE]

Vie pal mês di Avost, si moltiplichin i apontaments cul film “I Custodi dell’acqua / La Carnia si ribella” (www.facebook.com/iCustodidellAcqua), ch’al documente lis lotis cuintri de privatizazion da l’aghe, che no son finidis dal 2011. Daspò di une proiezion sul Terminillo, tal Lazi (domenie ai 7), il documentari cjargnel al vegnarà proponût vinars ai 12 di Avost a 22, li dal “Campeggio Val Tramontina” di Tramonç Disot (www.camptramontina.com/proiezione-de-custodi-dellacqua/). Domenie ai 21 di Avost, “I Custodi dell’acqua / La Carnia si ribella” al sarà invidât a Cjamparos dal “Kugy Mountain Film Festival” (a 16.30 li de sale dal Consorzi vicinâl; https://etadellacquario.wordpress.com/festivalbruna-film-festival/edizione-2016/). La mesade si sierarà miercus ai 31 cuntune proiezion li dal parc di Vile Varda di Brugnere.

[LIBRIS]

Cuntune serade di inmaginis e di peraulis ch’a judaran a sprofondâ te emozion de nature, vinars ai 5 di Avost, si presente a San Zorç di Resie/Bila il volum “In punta di piedi” di Bruno Zuliani e di Giancarlo Ferron. La convigne e tacarà a 20.30, li dal ambient “Osteria alla Speranza”. Intervents di Giancarlo Ferron, di Gianluca Casali, di Bruno Zuliani e di Anna Micelli.

[GLESIE FURLANE]

Vinars ai 5 di Avost, si scree un altri bocon dal proget “Una Bibbia a cielo aperto” di Çurçuvint. Il vescul di Udin Andrea Bruno Mazzocato al benedissarà la “Via della Misericordia”. La ceremonie e tacarà a 20.30 li de plêf di San Martin. Daspò de liturgie, a 21.15, si distaponaran lis gnovis oparis dilunc strade Cjabie.

[GLESIE FURLANE]

Ai 6 e ai 7 di Avost, la “Polse di Côugnes”, daprûf de plêf di San Pieri di Zui, e propon la convigne ecumeniche anuâl. Intant dai confronts, de preiere e des convignis, si frontarà la cuistion: “Una diversità riconciliata: la Chiesa di Gesù Cristo”. Fra i protagoniscj, al sarà il teolic riformât Paolo Ricca, che a 14.30 di sabide ai 6 di Avost, al cjacararà su “L’Universo della Riforma: il suo dono alla Chiesa di Cristo” e po, a 17.30, al guidarà un confront su “La spiritualità ecumenica come stile di vita”. La convigne e larà indevant fin domenie a 18, cuanch’e sarà cjantade messe li de plêf.