[CORS]

Dai 4 di Març ai 22 di Avrîl, il Dipartiment di studis umanistics e dal patrimoni culturâl de Universitât furlane al organize un cors d’inzornament di 25 oris intitulât: “Par une Ministrazion publiche vierte, transparinte, acessibil”. Lis lezions a saran proponudis li di palaç Toppo Wassermann di Borc di Glemone.

[ECONOMIE]

Domenie ai 6 di Març, la Comunitât di San Zuan di Pulcinic e vote par rinovâ il Comitât ch’al ministre la sô propietât coletive. A saran sielzûts 5 paisans ch’a viodaran dai cjamps da “Lis Presis” pai 4 agn avignî. Lis votazions a son regolamentadis de leç statâl 278 dal 1957, ch’e stabilìs che «All’amministrazione separata dei beni di proprietà collettiva della generalità dei cittadini abitanti nel territorio frazionale provvede un Comitato di cinque membri eletti, nel proprio seno, dalla generalità dei cittadini residenti nella frazione ed iscritti nelle liste elettorali». A San Zuan, si votarà di 9 a 18 li dal edifici di strade Chiesa numar 23.

[MOSTRIS]

Il Museu dal teritori di San Denêl, dai 5 ai 20 di Març, al presente la mostre “Syndeny-Mosca capolavori dell’Atelier NoUei”. Oraris: vinars, 9.30-12.30; sabide, 9.30-12.30 / 14.30-16; domenie, 10-12.30 / 14.30-18. Par visitis guidadis: 347 3391356. L’esposizion e risulte de colaborazion di “Progettoautismo” cu la clape di San Denêl “Vivi il Museo”.

[CONVIGNIS]

Intant de prime convigne dedicade a la viere “Tiere di Tisane”, sabide ai 5 di Març a Lignan, si frontarà la cuistion dal “Guvier de tiere”. La manifestazion e tacarà a 16, li de Biblioteche, cun intervents di Francesco Frattolin e di Roberto Tirelli e cun intervents su “Le istuzioni della Terra della Tisana”, “L’amministrazione della Terra”, “Fra il Patriarca di Grado e il Vescovo di Concordia”, “Pievi, parrocchie e cappelle della Terra”, “Le Vicinie della Terra” e “Toponomastica e territorio”.

[POLITICHE]

Tornât di Bassano, dulà ch’al è stât proietât ai 4 di Març, il film di Giulio Squarci su lis lotis cjargnelis par difindi une gestion comunitarie de aghe – “I custodi dell’acqua / La Carnia si ribella” – al torne chenti cun doi apontaments. Sabide ai 5 di Març, l’autôr lu presentarà a For Disore, a 17 li de Cjasa dai Fornès. Martars ai 8 di Març, e je stabilide une serade a Cjavaç, li de viere latarie, a 20.30.

[MOSTRIS]

Dai 5 ai 31 di Març, li di palaç Elti di Glemone, il Servizi sociâl dai Cumons dal Glemonat al presente la mostre “Colori senza tempo”, ch’e conte l’esperience dai viei ch’a àn sielzût l’art e la creativitât come forme di espression e di partecipazion. L’esposizion, te suage dal proget “Presenti, come le montagne”, e sarà screade a 10, sabide ai 5 di Març. Oraris: martars-domenie, 10-12.30 / 14.30-18. E sarà vierte ancje domenie 27 e lunis ai 28 di Març.

[MUSICHE]

Domenie ai 20 di Març, la glesie di San Pieri martar di Udin e vierzarà a 18 pal conciert “Ut unum sint. L’Occidente davanti all’avvenimento cristiano. Un percorso nella musica sacra dall’800 a oggi nelle sue anime ortodossa, protestante e cattolica”. L’iniziative dal centri culturâl “Il Villaggio” e sarà animade dal “Coro Polifonico di Ruda”, direzût di Fabiana Noro. A sunaran Ferdinando Mussutto, Riccardo Pes e Gabriele Rampogna. Leturis dal grop “Magazzino dei Teatranti”. Par prenotazions: info@ilvillaggio.org - 339 7397016 (12.30-15 / 18-19 dentri dai 18 di Març).

[POLITICHE]

I Comitâts “Acqua Bene Comune” e une part dai Cumons dal Friûl, lunis ai 14 di Març, a publicaran scaturiment e contrarietât pes politichis regjonâls e statâls ch’a smirin di «slontanâ simpri plui des Comunitâts e de int il ben comun da l’aghe, favorint gnovis concentrazions societariis tes mans dai grancj grops cuotâts tes Borsis». A 11, li dal palaç regjonâl di strade Sabbadini, a intervegnaran su la cuistion il sindic di Merêt, Massimo Moretuzzo, la sotpresidente de comission parlamentâr Ambient, teritori e lavôrs publics, Serena Pellegrino, il puartevôs dal Comitât “Acqua Bene Comune”, Marco Iob, e Franceschino Barazzutti pai Comitâts cjargnei.

[POLITICHE]

La lote par salvâ il servizi idric e il derit des Comunitâts di gestî l’aghe e je rivade ancje sui bancs dai conseis provinciâi. Intun ordin dal dì, il conseîr Federico Simeoni di “Patrie furlane” al domande un impegn fuart de Provincie di Udin par che il Consei regionâl al fermi la propueste di leç Boem-Lauri-Paviotti-Novelli fin cuanche il Statût di autonomie nol previodarà la competence primarie de Regjon su aghe e energie e fin cuanche no sarà prontade une leç ch’e rispieti pardabon il principi di sussidiaritât mediant dal coinvolgiment dai Ents locâi, dai Comitâts e des Comunitâts.

[MOSTRIS]

Il Coordenament provinciâl di “Libera”, domenie ai 13 di Març, al organize cun “Anpi” une visite guidade li de mostre “Deportati - la deportazione politica dal Friuli 1943-45”. L’esposizion e je imbastide li des “Gallerie del Progetto”, te strade Savorgnane di Udin. La presentazion e tacarà a 16.