[NAZIONS]

Vie pal 2015, il “CeVi”, centri furlan pal volontariât internazionâl, al à finît 30 agn. Di chê strade, e sarà unevore speciâl la fieste dal cjadalan, programade vinars ai 18 di Decembar, a 18.30 li de Parochie di Sante Marie Sunte dal viâl Cjadovri di Udin. A 19, e presentarà la sô culture la comunitât ivoriane dal Friûl; a 20, e tacarà la cene e il moment musicâl. Si scuen prenotâsi cu la pueste eletroniche e cul telefon (0432 548886) dentri dai 15 di Decembar e si paiarà 15 euros.

[CULTURE]

Al tire adilunc l’impegn dal “Ecomuseo delle Acque del Gemonese” pe protezion e pe valorizazion dal paisaç. Vinars ai 4 di Decembar, si presente a Dartigne, li dal municipi a 20.30, il libri di Donatella Murtas “Pietra su pietra” dedicât a la protezion dai mûrs di clap. Sabide ai 5 di Decembar, l’atenzion e cole su lis “Mapis di Comunitât”. A 9.30 li dal “Laboratorio sul terremoto” di Glemone (te place dal municipi), si frontarà la cuistion: “Le mappe di comunità nel Piano Paesaggistico Regionale”. Intervents de assessore regjonâl Mariagrazia Santoro, dai esperts dai Ecomuseus talians Donatella Murtas e Francesco Baratti e dai professôrs dal Dipartiment di Sciencis umanis de Universitât furlane Alma Bianchetti e Andrea Guaran.

[LIBRIS]

Sabide ai 5 di Decembar, li dal Centri sociâl “Simonetti” di Cjabie, si presente il volum “Giovanni Gortani archeologo, storico, letterato” curât di Marina Di Ronco, di Claudio Lorenzini e di Gloria Vannacci Lunazzi. A fevelaran sul libri, ch’al propon i ats de convigne inmaneade par celebrâ il centenari de muart dal studiât cjargnel, l’archeolighe Mirta Faleschini e il storic Denis Baron.

[MOSTRIS]

Di chê strade de mostre “I tetraonidi”, curade dal naturalist Paolo De Franceschi e imbastide li dal “Cesfam” di Paluce, te istesse sede si fasarà la convigne “I teatronidi ponte tra ricerca e tutela dell’ambiente”. Lis voris a tacaran a 17 di sabide ai 5 di Decembar. Prin, a son stabilidis la scree da l’esposzion (14.30) e la premiazion dal concors pes scuelis dal arc alpin “I tetraonidi visti con gli occhi dei bambini” (15).

[MOSTRIS]

Fintremai ai 6 di Decembar, si podarà visitâ ancje a Vilès la mostre di “Legambiente” su la straçarie di teren. Le àn imbastide ai 3 di Decembar chei de “Consulta giovani” cul jutori dal circul di Gurize de clape ambientaliste. Apontament li de sale civiche dal palaç Ghersiach sabide e domenie, 10-12 / 16-18.30.

[SALÛT]

Domenie ai 6 di Decembar, i “Clubs Acat” dal mandament di San Denêl a organizin une convigne a Curnin, par confrontâsi su la cuistion “Come la crisi dell’attuale momento storico influisce nel lavoro del Club”. Il confront al començarà a 14.30, li de sale parochiâl. Il resonament al partissarà di une frase dal fondadôr Valdimir Hudolin: «Valorizzando la solidarietà, l’amicizia, l’amore, cercando di accettare la diversità e la convivenza e imparando a promuovere la pace, il Club fa il possibile per proteggere i valori spirituali specifici dell’uomo».

[MOSTRIS]

Il Museu d’art moderne e contemporanie di Udin, al propon, li di Cjase Cavazzini di strade Cavour, la mostre “Tina Modotti. La nuova rosa, arte, storia, nuova umanità” (www.friul.net/dizionario_biografico/index.php). E restarà vierte ducj i dîs de setemane (gjavât lunis), di 10.30 a 17. Par prenotâ visitis guidadis: didatticamusei@comune.udine.it - www.didatticamuseiudine.it.

[MOSTRIS]

Il Museu gurizan di Santa Chiara, insin ai 31 di Genâr, al presente la mostre “Asburgo: quattro secoli di governo di una contea di confine 1500-1918”. L’esposizion, curade di Marina Bressan e di Marino De Grassi, e vierç di vinars fin sabide, 10.30-13 / 15.30-19, e domenie, 10.30-19.

[MOSTRIS]

Ancje il Museu d’art de medae di Buje al celebre il DCCL innovâl di Dante Alighieri. Fintremai ai 27 di Decembar, une sielte di oparis de “Colezion Monassi” e presentarà un “Omaggio al sommo poeta”. Oraris: sabide e domenie, 14-17.

[MOSTRIS]

La fotografie e sarà la guide par cognossi il Friûl fra Votcent e Nufcent te mostre “’900 & dintorni”, imbastide dal Institût regjonâl di promozion e di animazion culturâl “Irpac” tal so XV innovâl. L’esposizion e restarà imbastide fintremai ai 10 di Genâr, li di vile Manin di Passarian. Oraris: martars-vinars, 15-18; sabide e domenie, 10-19.