[INFORMAZION]

Ai 7 e ai 8 di Novembar, si podarà seguî l’“Agorà da l’aghe e dai bens comuns”, programade a Rome dal Forum talian dai Moviments pa l’aghe, ancje sul calcoladôr di cjase. I organizadôrs a garantissaran la direte “streaming” tal lûc internet acquabenecomune.org (spie ancje il sît: www.referendumacqua.it).

[INFORMAZION]

Ancje il sfuei “Ladins dal Friûl” dal mês di Novembar al torne a ocupâsi di aghe e des menacis impastanadis dai sorestants comunâi, regjonâi e romans. L’articul “Cjargne: aghe svendude par un blanc e un neri - «Carniacque» e passarà sot il Cafc «Consorzi Acuedot Friûl Centrâl»” si pues leilu su la rêt des rêts par dut il mês.

[CONVIGNIS]

La schirie di apontaments “Una vita spesa per la legalità” e tache a San Denêl, vinars ai 6 di Novembar, a 20.45. Li dal auditorium “Alla Fratta”, Maria Carmela Lanzetta e cjacararà su la cuistion: “Il politico giusto non persegue il proprio interesse”. E organize la clape “Per la Costituzione”.

[CULTURE]

Ancje a Grîs di Bicinins il Fassisim e il Nazisim a vevin metût sù un cjamp di concentrament che «al pari di quello di Gonars..., ha accolto migliaia di deportati dalle terre occupate dall’Italia fascista, eppure nessuno ne parla – al denuncie, tal so ultin comunicât, il “Comitato per la vita del Friuli rurale” –. Il campo, destinato inizialmente ai prigionieri russi dell’Armata Rossa e poi ai cosiddetti “collaborazionisti” sloveni, si è ben presto trasformato in un lager per le popolazioni inermi – in massima parte donne e bambini – provenienti dai territori invasi dall’esercito italiano». Dome ai 20 di Setembar dal 1943, il cjamp al fo sierât in gracie de Resistence e pal abandon dai vuardeans. «Lì, il Comitato per la Vita del Friuli Rurale ha eretto un memoriale in ricordo dei martiri e delle responsabiltà di uno Stato che non è mai stato condannato per le sue colpe».

[CONVIGNIS]

Miercus ai 11 di Novembar, il popul des fontanis dal Friûl ocidentâl si da dongje a San Vît dal Tiliment. Intant, a Triest, il Consei regjonâl al è daûr a fâ une leç che, a la barbe dai referendum dal 2011, al pâr ch’e smiri di lâ indevant su la strade de privatizazion e de transformazion dal servizi idric intun afâr finanziari par pôcs. La convigne e tacarà a 20.30, li de sale “Concordia”.

[AMBIENT]

Domenie ai 15 di Novembar, ambientaliscj e alpiniscj a tornin a cjaminâ intune par difindi il Cansei. La XXVIII edizion de lôr convigne e tacarà a 9.30, li de forcje Crosetta (su la strade provinciâl 422 Vittorio Veneto-Fregona). La manifestazion principâl e sarà fate a misdì sul Plan dal Cansei, dulà che une volte e jere la “Nato”. Par informazions: “Ecoistituto Alex Langer” dal Venit (041 935666).

[SALÛT]

Il V Laboratori di bioetiche sul “fine vita”, vinars ai 13 di Novembar, al presente la serade “Bioetica con l’occhio del cinema”. Al proponarà riflessions e inmaginis il professôr Paolo Cattorini de Universitât da l’Insubrie. La convigne e tacarà a 20.45, li dal cine “Splendor” di San Denêl.

[LIBRIS]

Vinars ai 13 di Novembar, si presente a Tumieç il libri di Valerio Marchi “Il «Sindaco ebreo». Elio Morpurgo in Friuli tra Otto e Novecento”. Apontament li dal Museu, a 18.

[LIBRIS]

La clape culturâl “El Tomât”, sabide ai 14 di Novembar, e presente a Vile di Buje la ricolte di tescj poetics inedits di Maria Forte “Fueis dai Pravìs” (www.friul.net/dizionario_biografico/index.php). A 20.15, li de glesie parochiâl a cjacararan su la scritore e su la sô opare Stefano Morandini, pre’ Felice Snaidero, Federico Rossi e Laura Nicoloso, ch’e à curât la publicazion.

[MOSTRIS]

Dai 13 di Novembar a 18 di Setembar dal 2016, sul cjiscjel di Udin, si podarà visitâ la mostre “Mense e banchetti nella Udine rinascimentale”, par cure dal Museu archeologic de capitâl furlane. La scree de mostre e je stabilide joibe ai 12 di Novembar, li dal Parlament de Patrie dal Friûl.