[ECONOMIE]

Il forment just e solidâl dal proget de cjadene alimentâr imbastide dai Distrets di Gurize e di Udin dal Forum regjonâl dai Bens comuns e da l’Economie solidâl al è stât masanât e la prime farine e je pronte par jessi doprade. I firmataris dal compatât a puedin fâ i prins ordins dentri dai 2 di Avost, cu la pueste eletroniche (info@molinotuzzi.it). Po dentri dai 5 di Avost, e tacarà la distribuzion fra i grops teritoriâi. I amîs di Cuar, di Cormòns e di San Zuan di Manzan a podaran ritirâ la farine par so cont li dal Mulin Trussio, a Dolegne di Gurize. In curt, la farine e rivarà ancje tes “Buteghis dal mont” dal Gurizan e dal Udinês. Intant, dai 30 di Lui, il For Jordan di Caprive al à començât a produsi il pan cun la farine solidâl (pai contats: 0481 80579).

[DIASPORE]

“Friuli nel mondo”, dal I ai 2 di Avost, al fâs a Cormòns l’“Incuintri anuâl dai Furlans tal mont”. Li de “Sale civiche”, sabide a 10, si fasarà al convigne “Friûl, tiere di vuere e di pâs - Cormòns, citât dal vin de pâs”, cun intervents di Mauro Pascolini, di Matteo Ermacora, di Angelo Floramo e di Claudio Fabbro; a 21 spetacul musicâl “Strolic” cu la corâl “Natissa” di Aquilee. Tal indoman, la fieste e tacarà a 10.30 su la place 24 Maggio.

[SALÛT]

Domenie ai 2 di Avost, e torne a Zuviel la “Fieste indiferent”: une sagre speciâl par vie che no si dopre bevandis alcolichis par compagnâ i plats de tradizion cjargnele, in specialitât cjarsons e frico. La fieste e je prudelade de Condote Cjargne e Tarvisian di “Slow food” e de clape cjargnele dai Clubs dai alcoliscj in tratament. Si tache a 11 e a 15 i Balarins di Buje a proponaran un spetacul folkloristic.

[CINE]

Lunis ai 3 di Avost, la proiezion dal videu di Remigio Romano “I turcs tal Friul di Pier Paolo Pasolini”, a 21 li dai “Colonos” di Vilecjace, e scree “Avostanis” 2015. Intervents di Federico Rossi, di Gianni Torrenti, di Elio De Capitani, di Angelo Battel e di Romano Remigio. A 22.30, si screarà la mostre fotografiche “Pasolini secont Dondero”, in colaborazion cul “Centro Studi Pier Paolo Pasolini” di Cjasarse. E sarà visitabil ancje joibe ai 6 di Avost (19-24).

[TEATRI]

Miercus ai 5 di Avost, “Bosco di Museis” e “Coordinamento sociosanitario” de Ass n. 3 a presentin il spetacul teatrâl di moviment espressîf “Conflitti senza tempo”. La rapresentazion e tacarà a 21.15, li dal otel “Savoia” di Darte.

[MOSTRIS]

E restarà imbastide insin ai 8 di Setembar la mostre geo-paleontologiche “Quando Pramollo stava all’equatore”, curade di Corrado Venturini de Universitât di Bologne e imbastide li dal municipi di Pontebe. Oraris: ogni dì, 10-12 / 16-18.

[MOSTRIS]

Par memoreâ l’innovâl de prime vuere mondiâl, l’Ecomuseu di Plodn/Sapade al à imbastît la rassegne “Borgate da vivere”. Di chê strade, li di cjase Ortar-Solero, te borgade Granvilla, ogni dì si podarà visitâ la mostre “Alla scoperta dei paesaggi di Pio Solero, il pittore di Sappada”. Oraris: 10-12 / 15.30-18.30, fintremai ai 31 di Avost.

[CORS]

Par cure dal “Ecomuseo delle Acque del Gemonese”, i “Cantîrs dai paisaç” a proponin doi cors su la manutenzion dai rocui e su la construzion dai mûrs-ingjan. Lis lezions a saran proponudis a gratis, vie pal mês di Avost (celulâr: 338 7187227; skype: mulino cocconi).

[ECONOMIE]

Il “music festival” di Vilegnove di San Denêl “Over the noise”, rivât a l’VIII edizion, al vierç un balcon su economie, solidaritât e comunitât. Intant dai concierts e dai spetacui, programâts li dal Parc sul Tiliment dai 6 ai 9 di Avost, la serade dai 8 di Avost e sarà dedicade a la proiezion dal cine “Sarà un paese” di Nicola Campiotti (a 20.30). A 10 di buinore di chê istesse dì, a vierzaran i “stands” par mostrâ lis ativitâts dai Grops pes compris solidâls (“Gas”) e dal Forum des “Fattorie Sociali” e lis esperiencis des Propietâts coletivis regjonâls (www.friul.net/vicinia.php).

[MUSICHE]

Joibe ai 6 di Avost, “Avostanis” al propon il “recital” musicâl “Amôrs”, progetât di Renato Miani cu lis poesiis di Pierluigi Cappello. A 21, al sarà interpretât di Elsa Martin e di Matteo Andri. E presente Cristina Cescutti. Il spetacul al sarà replicât sabide ai 8 di Avost, a Scluse.