[SOCIETÂT]

La clape di volontariât “Dinsi Une Man” di Tumieç, ancje chest an, e cîr volontaris par animâ lis vendemis di Bibion, programadis dai 27 di Lui e par dut il mês di Avost, par personis cun disabilitâts. Cui ch’al vûl ufrî la sô disponibilitât al pues contatâ Chiara Santo (lunis, 19.30-21.30; 333 8255121); Fabio Della Gaspera (miercus, 16–19; 339 6188171); e Federica Mondini (vinars, 16–19; 338 9184834).

[MOSTRIS]

Fintremai ai 26 di Lui, li dal Museu etnografic dal Friûl, a Udin in borc di Greçan, si podarà visitâ la mostre fotografiche “Altri sguardi”, inmaneade de clape “Nuovi Cittadini”. E proferìs cemût che i fruts dispatriâts e acetâts tai progets “Sprar” a cjalin i paîs dulà ch’a rivin, bandonant la sô patrie. Oraris: 10.30-19.

[CULTURE]

Dai 10 ai 19 di Lui, Topolò di Grimac al vierç lis sôs stradis e lis sôs cjasis pe “Postaja Topolove / Stazione di Topolò”, la rassegne culturâl de clape “Topolò-Topolouove”. Il program inzornât si cjatilu su “facebook” o su la rêt des rêts.

[MOSTRIS]

Il Museu archeologic di Zui al propon la mostre “Celti sui monti di smeraldo”, ch’e restarà imbastide fintremai ai 31 di Otubar. Oraris: miercus e joibe, 9-12; vinars, sabide e domenie, 9-12 / 15-18.

[MOSTRIS]

Li de “Vetrina del Rojale”, la Pro loco dal Rojâl e à imbastît un’esposizion di prodots di scus. La mostre e je a Remugnan, te strade dal Municipi 11. Oraris: martars e joibe, 10-12; vinars e sabide, 15-18.

[MOSTRIS]

“Dalla penna d’oca alla macchina da scrivere. Guglielmo Coronini e la bella scrittura”: al è chel chi il titul de mostre che si pues visitâ li dal palaç Coronini Cronberg di Gurize, insin ai 4 di Otubar. Oraris: miercus-domenie, 10-13 / 15-18.

[MOSTRIS]

Fintremai ai 26 di Lui, li de Cjase Predil di Rabil, si podarà visitâ la colezion di Leopoldo Komac “Le Alpi Giulie e le sue Valli nella Grande Guerra”. Oraris: 10-12.30 / 16-19.

[LIBRIS]

Debora Sbaiz, “danza/movimento terapeuta” e operadore sociâl di Lignan, tal librut “Viaggio in verticale”, e proferìs, con clarece e profonditât, la sô esperience «di decrescita di una donna che decide di tornare alla terra». L’opare e je saltade fûr vie pal mês di Jugn dal 2015, cu lis inlustrazions di Maria Canci (rosalchemica27@gmail.com). Il libri al antecipe ancje il gnûf proget de autore: tirâ sù, te Basse, un borc ecologic: “L’ecovillaggio Gaia Terra”.

[MUSICHE]

A son 10 lis cjantis, scritis e cjantadis di Miki Martina, ch’a presentin in musiche il diari di un cechin talian ch’al combatè a Nevee, intant de prime vuere mondiâl. Il cd al à chel istès titul dal libri che lu à inspirât: “Il dovere o la ragione” di Andrea Bavecchi e di Davide Tonazzi (Edizioni Saisera, 2006). Cun Martina, a àn colaborât i musiciscj Francesco Piussi, Anthony Basso, Tony Longheu, Giulio Venier, Franco Giordani, Lino Straulino, Gabriele Moschitz, Michele Tami, Alex Kravina, Simone Moschitz e Andrea Fontana.

[MOSTRIS]

Il Museu di storie contadine di Fontanebuine di Pagnà, dai 12 di Lui ai 31 di Otubar, al presente la mostre “«Lâ a tindi» nelle foto di Carlo Innocenti. Storia e denuncia di una tradizione venatoria”. Oraris: sabide, 15-18.30 / domenie, 10-18.30. L’inaugurazion e je stabilide sabide ai 11 di Lui, a 17.30.