[AMBIENT]

Lunis ai 2 di Març, te suage dal confront public sul autodrom di Lavarian in spiete dal referendum popolâr dai 15 di Març, al rive a Mortean Ezio Orzes, autôr dal libri “I rifiuti? Non esistono” e assessôr dal ambient dal Cumon belumat di Ponte nelle Alpi. A 20.30, al cjacararà li des scuelis mezanis.

[CONCORS]

I romançs e lis contis pe XXXVI edizion dal premi leterari “San Simon” di Codroip a varan di rivâ lis dal municipi detri dai 30 di Jugn, anonims e inedits. Par sclariments si pues domandâ la Biblioteche civiche.

[SCUELE]

Il professôr Tilbert Stegmann de Goethe-Universität di Francfurt, martars ai 3 di Març, al cjacare a Gurize (li de Provincie) su “L’impuartance dal plurilenghisim pe coabitazion in Europe”. Di chê strade, al presentarà ancje il sistem “EuroCom” pal aprendiment des lenghis. La convigne e tacarà a 16.30.

[CORS]

Dai 21 ai 22 di Març, la clape “Amici di Totò”, cul jutori de aziende agricule “Vasulmus” di Mels di Colorêt, e organize il cors di formazion “Approccio all’Asino”. I destinataris a son operadôrs, insegnants, educatôrs, terapiscj e parons di mus.

[DIASPORE]

Par cure de clape “Mille e una Storia”, miercus ai 4 di Març, a Cjavaç si podarà cognossi i “Furlans di Rumenie”. Sun chê ete da l’emigrazion furlane e cjacararà Felicia Stefan, a 20.30 li de Biblioteche.

[CONVIGNIS]

La Societât furlane di archeologie e organize une schirie di apontaments pe “Zornade des feminis”. Vinars ai 6 di Març, si presente a Udin li di Puarte Vilalte a 16 un mac di tesis su l’archeologie da la femine: “La riscoperta di un sarcofago egizio del Museo Archeologico di Firenze”, “Donne di Dioniso tra mito e immagine”, “Le donne e la violenza. L’evidenza archeologica di antiche combattenti nell’antichità”, “Il ruolo della donna nella Campania romana”, “Il potere femminile nell'Alto Medioevo: le figlie dei re”.

[CONVIGNIS]

Laura Matelda Puppini e Flavio Fabbroni, vinars ai 6 di Març, a cjacarin a Tumieç su “Feminis e resistence in Cjargne”. La convigne, e tacarà a 17.30 li dal Museu cjargnel.

[SALÛT]

Massimiliano Tresoldi, zovin talian tornât a dismovisi dal come daspò 10 agn, cui siei genitôrs e cuntun amì, sabide ai 7 di Març, al presente la sô esperience li dal Institût “G. Luzzatto” di Puart, a 8.30. Po a 21, al sarà protagonist di une convigne publiche li dal coleç “Marcconi”. «Non ho mai pensato di morire nemmeno quando ero in ospedale – al à vût motivât il zovin –. Per me la vita è bellissima. Spero che anche chi ha non ha avuto la mia esperienza di coma possa essere contento come lo sono io».

[CORS]

Il proget “Equomondo. Giovani volontari in azione”, cun convignis e “workshop” par zovins “under 25”, al partìs sabide ai 7 di Març, li dal “Punto giovani” di Gurize (te strade Vittorio Veneto 7), a 15. Il prin incuintri al frontarà, cun “Libera”, la cuistion: “Diritti e legalità nel lavoro. Modelli alternativi”. Chei altris apontaments a colaran ai 21 di Març (“Commercio equo e solidale. Cos’è? Cosa fa?”); ai 11 di Avrîl (“Consumo critico e acquisti responsabili”); ai 18 di Avrîl (“Workshop: Consolidamento del gruppo di lavoro”); ai 9 di Mai (“Workshop: Progettazione giovanile”); e ai 16 di Mai (“Workshop: Comunicazione, promozione e social media”).

[NAZIONS]

Il docufilm “Silencio” di Attilio Bolzoni e di Massimo Cappello al vierzarà, a 20.30, la serade dedicade ai orôrs ch’a tormentin il Mexico. Sabide ai 7 di Març, i protagoniscj de convigne, inmaneade li dal centri pal biel acet “Pre’ Ernesto Balducci” di Çuian, a saran il zornalist Attilio Bolzoni e Tonio Dell'Olio, responsabil internazionâl di “Libera”.