[LIBRIS]

Miercus ai 3 di Decembar, si presente, li dal Teatri “Damiano Chiesa” di Francenigo, la “graphic novel” dal dissegnadôr furlan Paolo Cossi “1914 Io mi rifiuto!”. A 20.45, al cjacararà pre’ Pierluigi Di Piazza. A organizin la clape “La Corrente” e “Beati i Costruttori di Pace”.

[CONVIGNIS]

Si podarà dâsi in note insin ai 3 di Decembar pa la convigne “La Biodiversità nelle foreste del Veneto Orientale. Il valore sociale, il rispetto dell’ambiente e le prospettive economiche”. I lavôrs a tacaran vinars ai 5 di Decembar a 9, li dal municipi di San Stin. E organize la clape “Associazione forestale del Veneto orientale” (“Afvo”) di Puart, ch’e cjape dentri ancje i boscs dal Friûl concuardiês sot Vignesie. Si fevelarà di gestion des “Aree Natura 2000”, di biodiviersitât, dai compits des clapis ambientalistichis, di ciertificazion e di Plan di svilup rurâl.

[SOCIETÂT]

Operadôrs sociâi e ministradôrs dal Friûl ocidentâl, joibe ai 4 di Decembar, si confrontin a Pordenon su lis strategiis necessariis par orientâ lis pratichis clinichis, sociâls e assistenziâls a pro des comunitâts. Il dibatiment al sarà inmaneât a 20.30, li dal palaç de Provincie (Largo San Giorgio 12).

[CONVIGNIS]

A restin viertis fintremai ai 4 di Decembar lis inscrizions pe convigne “Diritti umani e organismi di garanzia”, inmaneade dal Garant regjonâl dai derits de persone miercus ai 10 di Decembar. Il dibatiment al sarà fat a 10.30 li dal palaç de Regjon di Udin, te strade Sabbadini 31.

[TEATRI]

Par cure dal centri culturâl “Il Villaggio”, lunis ai 8 di Decembar, e vegnarà presentade a Tresesin la storie di Nadâl “Il cammello Filippo”. Il spetacul al tacarà a 16, li dal teatri “Luîs Garzoni”, rapresentât de companie “Gli amici del GioBe”. Di chê strade, a saran presentâts i progets di “Avsi” (Associazione Volontari per il Servizio Internazionale).

[POLITICHE]

Socis, clapis associadis e simpatizants di “Libera” a son invidâts a la convigne di formazion “20 anni di mafia e antimafia. L’impegno di Libera”, programade li dal Centri Balducci di Çuian, domenie ai 14 di Decembar. Lis voris a tacaran a 10.15. Pal gustâ si varà di dâsi in note dentri dai 10 di Decembar, par pueste eletroniche.

[CORS]

Une scuare di clapis e d’Institûts comprensîfs a promovin la schirie di ’seminaris “Par cognossi la Vuere dal ’15 in Friûl”. I apontaments, tacâts tal mês di Novembar, a laran indevant fintremai ai 18 di Fevrâr dal 2015. Vie pal mês di Decembar, lis convignis a saran programadis ai 10 (”La situazione locale alla vigilia della Grande guerra: il Friuli italiano”) e ai 17 (“Mobilitazione e prima fase del conflitto”). Trê i ’seminaris dal mês di Genâr: ai 14, ai 21 e ai 28; e po altris 3 convignis tal mês di Fevrâr (ai 4, ai 11 e ai 18). Ducj i apontaments a saran logâts li de “Filologiche”, a Udin tal palaç di strade Manin 18, a 16.30.

[MOSTRIS]

Insin ai 11 di Genâr dal 2015, si podarà visitâ li di vile Manin di Passarian, la mostre “Tra Friuli e Marocco. Giuliano Borghesan”, curade di Gianfranco Ellero e di Alvise Rampini pal institût regjonâl di promozion e di animazion culturâl “Irpac”. Boghesan, nassût a Spilimberc dal ’34, al fotografe di 77 agn (www.friul.net/dizionario_biografico/index.php). Oraris: martars-vinars, 15-18; sabide e domenie, 10-19.

[TEATRI]

Il “Teatro Club” al presente ancje a Udin il spetacul “Al Muro. Il corpo in guerra”, daspò dal esordi pordenonês. La dramaturgie di Renata M. Molinari e sarà interpretade di Renato Avallone, di Daniele Gaggianesi e di Matteo Vitanza. Apontament joibe ai 11 di Decembar, a 21 li dal teatri “Palamostre”.

[CORS]

Par cure de clape “Vivi il Museo”, joibe ai 11 di Decembar, al sarà inmaneât a San Denêl il laboratori di archeologie sperimentâl “Ornatus muliebris. L’oreficeria tra l’epoca protostorica e l’età moderna”, li dal “Museu dal Teritori”. A 20.30, a intervegnaran i reladôrs Tiziana Cividini, archeolighe; Paola Maggi, conservadore dal Museu archeologic de Lagune di Maran; e Piero De Martin dal liceu artistic “G. Sello” di Udin. Par informazions: 04432 946564.