[CINE]

Dai 4 ai 11 di Otubar, a son programadis lis proiezions de XXXIII edzion da “Lis zornadis dal cine mut” di Pordenon. Te organizazion a colaborin “La Cineteche dal Friûl” e “Cinemazero”. I spetacui a saran proponûts li dal teatri di Pordenon.

[MOSTRIS]

La mostre “Cantîrs e muradôrs a Feagne” e restarà imbastide li dal municipi di Feagne dai 6 ai 14 di Setembar. Sabide e domenie si podarà visitâle cul orari 10-12.30 / 15-20. L’inaugurazion e je stabilide sabide ai 6 di Setembar a 17.30.

[CONVIGNIS]

Vinars ai 5 di Setembar, a Tischlbong/Tamau, li dal “Centro Visite del Geoparco”, si cjacare di “Grotte e miniere delle Alpi Carniche Centrali” cun Andrea Mocchiutti dal Circul speleologic e idrologic furlan. Apontament a 20.30.

[SOCIETÂT]

La clape “Vicini di Casa”, nassude par socori fameis cun emegencis abitativis, e domande jutori a ducj chei ch’a àn mobilie e imprescj pes cjasis. A coventin, in specialitât, cusinis, frigos, sdramaçs, bleons, massarie…

[ECONOMIE]

Il laboratori pordenonês de sustignibilitât “TerraÈ” al propon une schirie di 6 convignis su lis “Transition Town”. A tacaran martars ai 16 di Setembar, a 20.45 li dal Oratori di Valnunciel. I organizadôrs a domandin constance te partecipazion e, sore il dut, di prenotâsi dentri dai 12 di Setembar (ancje par organizâ i transpuarts par chei ch’a rivin di lontan).

[TEATRI]

Joibe ai 11 di Setembar, te cort di palaç Elti, a Glemone, la companie teatrâl “Dret e Ledrôs” e presente la leture sceniche “La storia di Zuanina che non volle farsi monaca”. Il spetacul al tacarà a 20.30, par cure de clape “V. Ostermann” e de “Pro Glemona”. L’iniziative e jentre tal proget “Per esser femene”: un percorso sulle condizioni femminili tra Medioevo ed Età moderna.

[CONCORS]

Sabide ai 11 di Otubar, si consegne a Udin i premis pal concors internazionâl di poesie “Giulietta e Romeo”. La ceremonie e sarà fate a 15.30, li de Galarie “Accademia Città di Udine” (te strade Anton Lazzaro Moro 58).

[GLESIE FURLANE]

Sabide ai 13 di Setembar, “Tv2000” (dal cjanâl 28 dal digitâl terest; 18 di “TvSat” e 140 di “Sky”) e transmetarà la visite pastorâl di Pape Francesc tal Friûl gurizan e a Redipuie, tal centenari dal inizi de prime vuere mondiâl. Il speciâl al tacarà 8.30. A 9.10, il Pape al visitarà il cimitieri di Foian, là ch’a son sapulîts i muarts in vuere austroungarics. A 10 e tacarà la liturgie eucaristiche, li dal monument-cimitieri talian. A 11.30, la television e proponarà “Speciale Redipuglia”.

[ECONOMIE]

Region Emilie-Romagne, “Aiccon” e consorzi “Fare Comunità” a an prontât un glossari “on line” par cognossi l’economie sociâl. Il proget al è popolarizât ancje dal cjanâl: https://www.youtube.com/watch?v=NprEtvg_Vgo&feature=youtu.be.

[MUSICHE]

La rassegne “Parole e note in Rifugio” e rive sul Matajûr, domenie ai 14 di Setembar, proponint un “Omaggio a Tom Waits”, curât dal musicist Glauco Venier. Il conciert al tacarà a 15, li dal ripâr “Pelizzo”. Cun Venier al piano, si esibissarà come “voce recitante” Luca Fantini.