[CULTURE]

Dai 4 ai 6 di Lui, sul cjiscjel di Gurize, si fasarà la V edizion dal “Festival vegetariano e dell’ambiente”. In plui dai chioscs, a saran inmaneâts apontaments par confrontâsi su sostenibilitât ambientâl, sociâl e economiche.

[POLITICHE]

Si varà timp fintremai ai 4 di Lui par dâsi in note pal ’seminari su “I criteri Green Public Procurement: modalità pratiche ed adempimenti normativi per l’approvvigionamento responsabile di prodotti di origine forestale”. A organizin “Asdi Sedia” (agenzie pal svilup dal Distret industriâl de cjadree) e “Legno Servizi-Ar Pefc Fvg”. La cuistion, frontade vinars ai 11 di Lui a 8.45, li dal palaç regjonâl di Udin (strade Sabbadini 31), e sarà chê des “compris verdis” des ministrazions publichis.

[POLITICHE]

Si discorarà su l’agricolture sociâl e su l’oportunitât di “una legge quadro per uscire dalle sperimentazioni e consolidare un settore innovativo” intant dal dibatiment inmaneât vinars ai 4 di Lui, a 15.30 li de sale “Acque Basso Livenza” di Toratis di Cjons (strade Udin). I protagoniscj dal confront a saran il sindic Federica Della Rosa, il president dal Ambit sociâl e assistenziâl di Daçan Marco Putto, il sociolic Paolo Tomasin e po i deputâts de Comission agricolture Massimo Fiorio, prin firmatari de propueste di leç su l’agricolture sociâl, e Giorgio Zanin, i presidents regjonâi di “Confcooperative Federsolidarietà” Luca Fontana e di “Confcooperative Fedagri” Giorgio Giacomello. Intant, li dal “Parco delle Fonti” la cooperative sociâl “Il Ponte” e proponarà spassizadis cui mus e cu lis carocis.

[ECONOMIE]

Ancje Glemone e varà, vinars a buinore, ogni 15 dîs sot de loge dal municipi, il so “Marcjât de tiere di Slow Food”. Il marcjât al ven gestît in forme comunitarie dai produtôrs e dai puartevôs de comunitât locâl. Tal proget, al è ingaiât ancje l’Ecomuseu da lis aghis (www.ecomuseodelleacque.it), ch’al à prudelât i progets dal “Pan di sorc” e dal “Formaggio delle latterie turnarie di Buja e Campolessi”.

[CONVIGNIS]

Vinars ai 4 di Avost, e tache la gnove schirie di convignis par cure di “Carnia in movimento”, li dal Bosc di Museis, a Çurçuvint. A 20.30, si cjacararà su “Donne, streghe, beneandanti e Inquisizione nel Friuli del Medioevo”. La narazion, cun leturis e musichis e sarà curade di Enza Lai, autore dal libri “A peste, fame et bello. Donne, streghe e beneandanti. Vita quotidiana e inquisizione nel Friuli del XVII secolo”. I artiscj ingaiâts a saran Luigina Feruglio, Giuseppe Zandon, Candida Nigris e Emanuele Plazzotta.

[CULTURE]

Ancje chest an, la zoventût di Cleulis e propon une serade di culture sot dal tei. Sabide ai 5 di Lui, la VII edizion e tacarà a 20.45, te plaçute di Placis. La fotografe Ulderica Da Pozzo e presentarà il libri “Fuochi - Gioventù e rituali in alta Carnia”. Po, si proietarà il videu cu lis intervistis dai puems di Cleulis e il grop musicâl “Cressi experience”, cul mestri Giulio Venier, al proponarà “Musiche di sperimentazione sulle melodie tradizionali”.

[MOSTRIS]

Fintremai ai 27 di Lui, si podarà visitâ a Puart la mostre fotografiche di Danilo De Marco “Federico Tavan - Nostra preziosa eresia”. E je stade imbastide li de Galarie comunâl d’art contemporanie “Ai Molini”, par cure de clape “Porto dei Benandanti”, te suage de manifestazion “Notturni diversi”. Oraris: joibe, 10-12; vinars, 16-19; sabide e domenie, 10-12 / 16-19.

[AMBIENT]

Il proget dal Cjanâl di San Pieri su l’autosuficienze energetiche, joibe ai 10 di Lui, al tire adilunc cuntune convigne par presentâ “Bilancio Energetico e inventario sulle emissioni di CO2” tai Cumons di Paluce, di Trep, di Liussûl, di Sudri, di Çurçuvint, di Ravasclêt, di Comeliàns, di Darte, di Zui e di Paulâr. Apontament a 20.30 li de sale “CeSFam” di Paluce.

[MUSICHE]

Miercus ai 9 di Lui, il grop musicâl “¿cuinon?” al sune a Nimis, a 21 li di vile Irma. Intant dal conciert, Amos Turchet, Anna Mazzaro, Antonella Maurizio, Federico Canciani, Lucia Zazzaro e Roberto Foglietta a presentaran i bocons dal gnûf cd “dal nuje, dal dut”, ch’al saltarà fûr in curt.

[TEATRI]

Joibe ai 10 di Lui, a 20.45 li dai zardins de strade Brusafiera di Pordenon, “Estate in città” e librarie “Quo Vadis?” a propinin il spetacul “Passaggi d’acqua - Dalla sorgente alla foce” cun Mauro Daltin, Maurizio Mattiuzza e Carlotta Del Bianco.