[MOSTRIS]

La “Fondazion Ado Furlan”, li dai siei “Spazis espositîfs permanents” di Spilimberc (palaç Tadea), e propon 3 percors te sculture taliane: “Sculture tal Friûl e a Triest”, “Ado Furlan scultôr” e “Sculture taliane contemporanie”. Lis visitis a son permetudis dal mês di Mai al mês di Otubar (sabide e domenie, 10.30-13 / 17-19.30) e dal mês di Lui al mês di Avost (martars e vinars, 17-19.30; sabide e domenie, 10.30-13 / 17.19.30).

[CONVIGNIS]

I circui di “Legambiente” de Cjargne e di Pordenon, vinars ai 2 di Mai, a organizin dôs convignis sun cuistions ambientâls. A 17.45, li di palaç Frisacco di Tumieç, si discorarà di scovacis: “Dalle discariche incontrollate alla raccolta differenziata. La gestione dei rifiuti in Carnia”. A 20.30 li dal covent di San Francesc di Pordenon, si presentarà il libri “Italia desnuda, percorsi di resistenza nel paese del cemento” di Francesco Vallerani, geograf de Universitât di Vignesie.

[ECONOMIE]

Sabide ai 3 di Mai, il Forum da l’economie solidarie al propon la IV lezion de sô scuele par promotôrs dai Distrete di economie solidarie. Il cors al sarà animât di Bepi Rizzardo, di 15 a 18, li de Sale de Comunitât di San Marc di Merêt, intant de “Fieste dal paîs di San Marc”, dulà che si podarà ancje mangjâ di cene (www.paisdisanmarc.it). Lis ultimis lezions dal cors a saran programadis a Tramoncj Disot, ai 17 e ai 18 di Mai.

[LIBRIS]

L’“Ecomuseu Lis Aganis” e “Legambiente”, sabide dai 3 di Mai, a presentin il volum di Moreno Baccichet sul borc de Ete di Mieç di Longiarezze, cu lis fotos e cui rilêf di Walter Coletto e cui dissens di Eugenio Belgrado. Apontament a Buduee a 18. La mostre imbastide sul proget si cjatile tal lûc internet di “Scarpe & Cervello” (http://scarpecervello.blogspot.it).

[MOSTRIS]

Dal I di Mai ai 5 di Otubar, li di palaç Madama di Turin, te place Castello, e restarà imbastide la mostre “Tina Modotti. Perché non muore il fuoco”. La restrospetive su la fotografe udinese (www.friul.net/dizionario_biografico/index.php) e je stade curade di “Cinemazero” di Pordenon e si podarà visitâle di martars fin sabide, 10-18; domenie, 10-19. Par informazions: 011 4433501 - www.palazzomadamatorino.it.

[SCUELE]

Il documentari su la scuele dai fruts chilens, indians, kenyans e marochins “Sur le chemin de l’école/Vado a scuola” di Pascal Plisson (France, 2012) al sarà proietât a Udin miercus ai 7 di Mai, a 16 e a 20, li dal cine “Visionario”.

[CINE]

Daspò de anteprime di Pordenon dai 6 di Mai, il documentari “Un paese di primule e caserme”, ch’al fronte la cuistion des sclavitûts militârs, al ven replicât a Udin, li dal cine “Visionario”. La produzion di “Cinemazero”, di “Dmovie” e di “Tucker Film” e sarà proietade miercus ai 7 di Mai, a 20.30. Il film al sarà programât ancje insin a l’adunade dai alpins di Pordenon (domenie ai 11 di Mai), li di “Cinemazero”, cuant che si podarà ancje comprâ il “dvd”.

[ECONOMIE]

“No al consumo di suolo, sì a un’agricoltura di qualità”: si frontarà cheste cuistion, vinars ai 9 di Mai, a 17 a Glemone, li dai Stimatins (Rive dai Stimatins 34). Il dibatiment al sarà inmaneât dal circul “Legambiente della Pedemontana Gemonese”.

[CORS]

Vinars ai 9 di Mai, il proget “Lanatura”, ch’al met adun esperiencis transconfinariis fra Friûl e Slovenie, al tire adilunc cul “workshop” su la “Tintura naturale della lana”. Lis voris a tacaran a 9.30, li dal institût superiôr di Tumieç “Fermo Solari”.

[CORS]

“Legambiente” e propon la II edizion dal cors par operadôrs dal divertiment sustignibil. Lis lezions a saran proponudis li di vile Manin di Passarian, sabide ai 10 di Mai (9.30-13); sabide ai 17 di Mai (18.30-19.30); e sabide ai 25 di Mai (9.30-13.30). Il cors al scree ancje la IV edizion dal concors regjonâl “Sagre e Feste Virtuose 2014” (cms.legambientefvg.it/quarta-edizione-2014.html).