[MOSTRIS]

E restarà vierte fintremai ai 15 di Decembar la mostre didatiche “L’Orient tal Ocident: l’opare di Rufin di Concuardie” (www.friul.net/dizionario_biografico.php). L’esposizion e je imbastide in 3 abitancis: li dal Museu di Concuardie e li dal Institût di Sciencis religjosis “Rufino di Concordia”, a Puart, e li de aree archeologiche de basiliche, a Concuardie. Oraris: 8.30-19.30. Par prenotazions e visitis guidadis: frabenvegnu@gmail.com; www.gravocolluto.it - info@gravocolluto.it; www.issr-portogruaro.it/oriente-in-occidente-mostra-didattica/.

[GLESIE FURLANE]

Dai 4 ai 6 di Novembar, lis Glesiis europeanis a celebrin a Triest la convigne “Witnessing Faith through Charity / Testemoneâ la fede mediant da la caritât”. Il confront al è inmaneât de comission “Caritas in veritate” dal Consei des conferencis episcopâls europeanis. Te citât juliane a rivaran i puartevôs di dutis lis “Caritas” da l’Europe.

[CINE]

Lunis ai 4 di Novembar, il “Cine Splendor” di San Denêl al presente il documentari “Friuli Mandi Nepal Namastè”. L’opare sui progets di solidaritât cul Nepal e sarà proietade a 21.

[AMBIENT]

Tal “Marcjât dai Sants” di Tumieç, te place de viere stazion dai trens, al sarà ancje il chiosc de clape “Assieme per il Tagliamento” e li, lunis ai 4 di Novembar, si podarà firmâ la petizion cuintri dal proget de variant stradâl di Dignan. Suntun grant scherm al sarà proietât di un continui il documentari “Tagliamento, fiume da amare e rispettare”.

[AMBIENT]

Chê chi http://nocarbone.blogspot.it/ e je la direzion dal “blog” inmaneât dal Comitât di citadins ch’a intindin di oponisi a la conversion de centrâl eletriche di Monfalcon intune centrâl a cjarvon. Il grop al è atîf ancje su “facebook”, cul non: “No Carbone Isontino”.

[SALÛT]

Elena Bulfone, presidente di “Progettoautismofvg”, e je il “Premi Moret d’aur 2013 pe solidaritât”. Il ricognossiment al intint di premiâ il so impegn a pro dai fruts cul mâl dal autisim.

[CORS]

«Ma al è un Diu tal cîl ch’al palese i misteris»: il versicul dal profet Denêl 2,28a al è stât sielzût dal grop ecumenic “Sae” di Udin par titul de LXXXIV session dal Cors biblic ecumenic. Al sarà guidât di pre’ Rinaldo Fabris dai 5 ai 26 di Novembar, cun 4 lezions, martars a 18.30. Lis convignis a saran fatis li dal Centri culturâl “Paulin di Aquilee” di Udin (borc di Trep 5).

[CINE]

Martars ai 5 di Novembar, a 21.15 li de “Sala Pasolini”, a Pordenon, “Cinemazero” al presente il documentari “Profezia. L’Africa di Pasolini” di Hamid Basguit.

[ECONOMIE]

Miercus ai 6 di Novembar, li dal ambient “Leon d’oro”, te strade dei Rizzani di Udin, si fasarà un dibatiment su “Green Drinks: Investimenti etici e responsabilità sociale: come coinvolgere cittadini e imprese?”. La convigne e tache a 18, cu la possibilitât di confrontâsi sui consums etics e responsabii.

[SOCIETÂT]

Si discor di bulisim, joibe ai 7 di Novembar, a Tumieç. Il professôr Daniele Fedeli de Facultât furlane di Sciencis de formazion al presentarà il librut “Bullismo costruire una comunità attraverso l’educazione al rispetto ed alla prosocialità”. La convigne e tache a 17, li dal teatri “Luîs Candoni”.