[SCUELE]

Vie pal an 2013-2014, l’Universitât furlane e proponarà ancje un “master” di I nivel/cors d’inzornament in “Didattica e Psicopedagogia per il Disturbo Autistico”. Il fin de iniziative formative al è chel di promovi e di slargjâ la culture da l’inclusion tal ambient de scuele, formant i insegnants ch’a lavorin in ducj i percors scuelastics.

[MOSTRIS]

Fintremai ai 15 di Setembar, e je imbastide a Udin, li di palaç Morpurgo, la mostre fotografiche “La Natura ama nascondersi”, cuntune rieste di oparis di 9 autôrs furlans: Guido Cecere, Elio Ciol, Stefano Ciol, Gabriele Carlo Chiopris, Duilio Cosatto, Marcello Franchin, Daniele Indrigo, Franco Martelli Rossi e Lucio Tolar. L’esposizion e je curade di “Legambiente”, cul jutori dal circul “Laura Conti”, dal Cumon di Udin e dai Museus civics. Oraris: 16.30-19.30, (gjavât lunis).

[SCUELE]

I studis e i progets dal geolic cjargnel Corrado Venturini, ch’al à cjapât il puest ch’al fo di Michele Gortani (www.friul.net/dizionario_biografico.php) li de Universitât di Bologne, a son sometûts su la rêt des rêts, tal lûc intitulât “Anche le pietre sono parole”. Clas 1955, Venturini al è nassût a Udin e al à vivût a Tamau/Tischlbong, dulà che so pari al jere mestri. Dotôr in Sciencis biologichis dal 1978, al à lavorât come geolic di teren in servizi civîl, dopo dal taramot; e po te Direzion regjonâl des forestis dal 1982.

[CONVIGNIS]

La convigne “Curiosarta” di joibe ai 5 di Setembar e sarà dedicade a l’architeture. L’architet Piero Valle, a 17 li des Termis di Darte, al cjacararà su “Moderno e montagna. Il dialogo dell’architettura e dell’arte moderna con il paesaggio montano della Carnia”.

[MOSTRIS]

La Biblioteche statâl di Gurize (www.isontina.beniculturali.it) e palaç Lantieri (www.palazzo-lantieri.com), dai 5 ai 14 di Setembar, ur dan acet ai acuerei di Nicolò Piccolomini. La sô mostre “Sconfinato” e sarà screade joibe a 18, li de Biblioteche gurizane. Oraris: 10.30-18.30, di lunis fin vinars; e 10.30-13.30, sabide.

[SCUELE]

Des dibisugnis educativis speciâls a lis esigjencis educativis speciâls: al è l’itinerari par personâl sanitari (neurospichistris, psicolics e logopediscj) e par insegnants che, vinars ai 6 di Setembar, al proponarà il ’seminari “Attraverso lo specchio. Interventi didattici e riabilitativi con l’ausilio dell’informatica”. Al partissarà a 8.45, li dal Institût “Caterina Percoto” di Udin.

[SCUELE]

La Scuele superiôr par mediatôrs lenghistics di Padue, vie pal an academic 2013/2014, e proponarà un cors di laureade trienâl in Sciencis de mediazion lenghistiche a Gurize. La presentazion e sarà fate vinars ai 6 di Setembar, a 15.30, li di vile Ritter, te strade Brigata Pavia 140.

[MUSICHE]

La vôs di Enzo Decaro, ch’al interpretarà “Seneca Suite” e lis notis di “Mikrokosmos”, ch’al proponarà musichis originâls dal mestri Valter Sivilotti a son i ingredients dal conciert programât de “Fondazion Aquilee”, vinars ai 6 di Setembar, li dal Museu archeologic de vile patriarcjâl. Il spetacul, te suage dal proget “Openmuseums – Musei sloveni e italiani in rete”, al començarà a 21.15. www.fondazioneaquileia.it

[CULTURE]

Sabide ai 7 di Setembar, Barcis al organize la convigne “Con Beno Fignon… e dut un cjantâ tal bosc”, tal IV innovâl da la muart dal poet (www.friul.net/dizionario_biografico.php). Apontament a 17 li dal Centri sportîf.

[MOSTRIS]

Dai 7 di Setembar e fin a la fin dal mês di Otubar, li dal Museu di storie contadine di Fontanebuine di Pagnà, si podarà visitâ la mostre “Il Lascito Spezzotti. La tradizione tessile friulana tra Otto e Novecento”. Inaugurazion sabide ai 7 di Setembar a 16.30, cuntun intervent de curadore dal volum “Spezzotti: una famiglia e un’azienda in Friuli fra Ottocenro e Novecento”, Liliana Cargnelutti, e de storiche dal art, Maria Beatrice Bertoni, diretore dal Museu dal dom di Udin. Oraris: sabide, 15-18.30; domenie, 10-18.30.