[SALÛT]

Li de Biblioteche de VI Circunscrizion di Udin “S. Paolo - S. Osvaldo” (te strade Santo Stefano 5), martars ai 2 di Otubar, e je programade une convigne sui “libri tattili”, al ven a stâi chei par fruts cun disabilitâts tai vôi. L’apontament “Vedere con le mani” al tacarà a 17.

[MOSTRIS]

Vinars ai 5 di Otubar, la rassegne “Terre dell’uomo” e scree la mostre “Stefano Ciol ripercorre i luoghi del film Gli Ultimi”, par cure di Aldo Colonnello dal circul culturâl “Menocchio” di Montreâl. E restarà imbastide li de cjase dal frari poet David Marie Turoldo (www.friul.net/dizionario_biografico.php, che chest an a son 20 agn ch’al è muart), a Coder di Sedean, fintremai ai 4 di Novembar. Inaugurazion a 18.30.

[SCUELE]

Vinars ai 5 di Otubar, si presente a Gurize lis novitâts dal Institût “Paulin di Aquilee”, ch’al slargje la sô propueste dal Liceu lenghistic europeu cul Liceu sientific sportîf. La presentazion e tacarà a 11.30 li dal Auditorium Fogar dal cors Verdi.

[CONVIGNIS]

Par resonâ su “Il sì e il no. Le abilità di permettere e di porre dei giusti limiti”, la buteghe de strade Tresemane di Udin “Cebi”, vinars ai 5 di Otubar, e propon une riunion, vinars ai 5 di Otubar a 17.30, cun Donatella De Marco.

[CINE]

La XXXI edizion da “Le Giornate del Cinema muto” e sarà inmaneade, li dal “Teatro Verdi” di Pordenon, dai 6 ai 13 di Otubar. In specialitât, chest an a celebraran il bicentenari de nassion di Charles Dickens.

[TEATRI]

Bepi Agostinis, cu la colaborazion de Provincie, al presente il lavôr teatrâl “Aghe e siums” di Ugo Ronfani e di Gaston Bachelard par ricuardâ Galliano Zof (www.friul.net/dizionario_biografico.php), muart chest Istât. Il spetacul al tacarà sabide ai 6 di Otubar a 20.45, li dal auditorium “Zanon” di Udin.

[ART]

Luca Caburlotto, Bruno Zanardi, Marco Mozzo, Paolo Casadio, Renato Portolan e Fulvio Dell’Agnese, sabide ai 6 di Otubar, a saran i protagoniscj dal confront su “Il restauro come strumento critico: i casi degli affreschi di S. Francesco ad Assisi e S. Andrea di Cordovado”, programât a 16, li dal dom di Sant Andree di Cordovât, te suage de rassegne “Terre dell’uomo”. La convigne e finissarà cul conciert di musiche antighe “Flores Aquileiae. Musica del Patriarcato di Aquileia”, par cure dal “Ensamble Dramsam” di Giuseppe Paolo Cecere.

[CINE]

Ai 4 di Otubar, e je començade la realizazion dal cine-comedie “Solo per amore”, ch’al sarà produsût tal Friûl gurizan di Vincenzo Marega de “BisiaFilm”. Te imprese, a son ingaiâts Mattia Vecchi par “Sine Sole Cinema”, il regissêr Fernando Maraghini e Maria Erica Pacileo.

[LIBRIS]

Sabide ai 6 di Otubar, si presente a Udin, a 18 li de Librarie “Feltrinelli”, il libri “Dark heaven - La carezza dell’angelo” di Bianca Leoni Capello. Al presentarà il scritôr Mauro Daltin, president de clape “Bottega Errante” e a learàn dai bocons de opare Claudio Moretti e Giulia Appi, compagnâts di Giulio Bertolo cu la ghitare classiche.

[DIASPORE]

Il Fogolâr di Turin al scree la seson dal bal de sabide di sere. Prin apontament sabide ai 6 di Otubar, li dai ambients di Corso Francia 275b a 21.