[SCUELE]

Ai 2 di Avrîl, e cole la “Zornade mondiâl dal autisim”. Di chê strade, l’associazion regionâl “Progetto autismo” e presente la sô ultime iniziative a pro dal biel acet pai fruts autistics te scuele. A 9.30, li dal Institût Ceconi di Udin al sarà proferît il volantin par anglês, par furlan e par talian “Ragazzi autistici a scuola, supereroi al contrario: aiutaci anche tu ad aiutarli!”. “Progettoautismo fvg onlus” al à i siei uficis a Cjavalì (strade Sottovilla 8).

[CINE]

Il program de rassegne “Le voci dell’inchiesta”, inmaneade a Pordenon di “Cinemazero” dai 11 ai 15 di Avrîl, si cjate bielzà su la rêt des rêts.

[DIASPORE]

A son stâts sielzûts i zovins de diaspore argjentine, australiane e canadese associâts al “Alef” che, dai 3 ai 21 Lui, a cjaparan part al cors di lenghe e di culture taliane par cure de Universitât furlane. I zovins scrutinâts a son: John Zussino (Thunder Bay), Marc Zen e Claudia Audino (Perth), Mariana Santa María (“Círculo Buenos Aires”), María José Colautti (“Círculo La Plata”), Daniel Ippolito (“Círculo Paraná”) e Mario Alejandro Borghese (“Círculo Córdoba Capital”).

[SOCIETÂT]

Par cure de clape “Scarabeo onlus” di Pordenon e cul jutori dal “Centro servizi del volontariato” e dal Cumon di Daçan, il proget “Bambini e ragazzi protagonisti… adulti responsabili” al propon un laboratori par fruts dai 6 ai 10 agn, vie pal mês di Avrîl, a Daçan. I apontaments de iniziative “Benessere” a colaran miercus, a 16.30, li de Cjase dal student te strade Don Milani.

[LIBRIS]

La sezion cjargnel de “Societât furlane di archeologie”, lunis ai 2 di Arîl, e presente a Tumieç il numar 20 dai “Quaderni Friulani di Archeologia”. Di chê strade, a 18 li di palaç Frisacco, Massimo Lavarone al cjacararà su uno “Scavo di una villa rustica romana nel Friuli Collinare”.

[CORS]

Dal mês di Avrîl al mês di Jugn, la clape culturâl “Family music & more” e propon i siei cors di educazion a la musicalitât par anglês. A saran proponudis 8 lezions, martars, joibe e sabide, li dal “Circolo Zoor” di Udin (strade Fiume 13).

[CULTURE]

“L’acqua, una risorsa da tutelare”: al è il titul de iniziative inmaneade di 9.30 a 12.30, li dai Museus provinciâi di Gurize (te place De Amicis 2 di Gurize), de clape “Kallipolis - associazione non profit di sviluppo urbano sostenibile”.

[LIBRIS]

La riviste storiche “Bbc History Italie” i à dedicât un articul di Paolo Sidoni a la storie di Lucina Savorgnan (1496-1543) e di Luigi Da Porto (1485-1529), i doi zovins ch’a àn inspirât il mît di Romeo e di Giulietta, vivint il so amôr in Friûl, tal an 1511. Chê liende e je proferide ancje tal volum “Giulietta e Romeo l’origine friulana del mito” di Albino Comelli e di Francesca Tesei, ch’al è stât tornât a stampâ intune tierce edizion, incressude cun altris paginis su lis gnovis scuviertis fatis daspò dal 2006.

[DIASPORE]

Pal Comitât esecutîf de “Unaie” (“Unione nazionale associazioni di immigrazione ed emigrazione”), la disatenzion assolude de politiche taliane pes comunitâts talianis tal forest al è un scandul ch’al va corezût daurman. L’organizazion si è dade dongje a Rome par resonâ ancje sul “Proget Expo 2015”, ch’al varès di clamâ a Milan miârs di dissindints dai talians de diaspore e di “italics”.

[CONVIGNIS]

Te capitâl cjargnele, martars ai 3 di Avrîl, si discor di “Tumieç inte Patrie dal Friûl (par no dismenteâ lis nestris radrîs)”. I reladôrs de convigne, inmaneade dal Cumon cu la Pro loco a 18.30 li dal Otel Rome, a saran Renzo Balzan, Gianni Oberto e Stefano Marchi. Al curarà il compagnament musicâl Adolfo Dal Cont.