[AMBIENT]

Lunis ai 8 di Avost, a Çurçuvint “La carovana delle Alpi” di “Legambiente” e consegne lis banderis verdis furlanis. A 19 e sarà organizade une ceremonie su la place dal paîs cjargnel, presint il president talian de clape ambientaliste, Vittorio Cogliati Dezza, e chel regjonâl, Michele Tonzar. Lis banderis, chest an, a son ladis a la comunitât di Çurçuvint pe sô lote cuintri de privatizazion de aghe e a la comunitât di “Oltreacqua” di Tarvis, che si è oponude cuintri de variant urbanistiche comunâl ch’e varès sassinât il so teritori.

[TEATRI]

Martars ai 9 di Avost, Dino Persello al presente il spetacul “Voe di contâus”, a 21 li de Cort Morpurgo di Udin (te strade Savorgnane), cirint di tocjâ une schirie di «ricjercjades, divertentes e delicades “cuardes” socioculturâls».

[MOSTRIS]

Insin ai 5 di Setembar, li di palaç Frisacco di Tumieç, si podarà visitâ la mostre “Tra le pieghe della moda. Ricami di Daniela Michelli e abiti di Pino Grasso”. Oraris: 10.30-12.30 / 18-22, ducj i dîs, gjavât martars. L’esposizion e vegnarà screade sabide ai 30 di Lui a 18.30.

[CINE]

Il documentari poetic “L’estate di Giacomo” girât di Alessandro Comodin ad ôr dal Tiliment, produsût di “Faber Film” di Sest e dât fûr di “Tucker Film” di Udin e di Pordenon, al ven presentât ai 9 di Avost cuntune anteprime mondiâl li dal “Festival di Locarno”.

[NAZIONS]

Ai 9 di Avost, par cure dal “Onu”, si celebre par dut il mont la “Zornade internazionâl pai popui natîfs”. In gracie de iniziative – al marche il diretôr generâl di “Survival internazionâl” Stephen Corry – si podarà simpri plui «ricognossi i popui natîfs e il so derit di vivi e di guviernâsi di bessôi». Di chê strade de celebrazion anuâl, l’organizazion internazinâl e à popolarizât 9 cuistions impuartantis ma pôc cognossudis sui indians dal mont.

[TEATRI]

A tirin adilunc lis manifestazions inmaneadis par memoreâ il D innovâl dal amôr fra Lucina Savorgnan e Luigi Da Porto, ch’al à inspirât il mît di Giulietta e di Romeo (www.giuliettaeromeoinfriuli.it). Miercus ai 10 di Avost, a Roncjis di Datimis, li de vile Partistagno, al sarà proponût il spetacul di teatri-bal “La Giulietta”, a 20.

[CINE]

A la LXVIII edizion dal “Festival del Cinema di Venezia”, al sarà presint te sezion “Giornate degli autori”, ancje il curt metraç di Renzo Carbonera “La penna di Hemingway”, girât a Lignan cun Christiane Filangieri e Sergio Rubini.

[CONVIGNIS]

La schirie di apontaments su storie, nature e venture, par cure de Comunitât montane dal Tarvisian e dal Glemonat, e tire adilunc li dal palaç vinizian di Malburghet a 20.30. Davide Tonazzi al presente Willi Wagner proietant e comentant lis sôs fotografiis. Miercus ai 10 di Avost al cjacararà su lis inmagjinis de Val Cjanâl intant de vuere e miercus ai 17 di Avost su la zone di Pleç/Bovec ritratade dal autôr todesc.

[TEATRI]

Miercus ai 10 di Avost, li di vile Manin di Passarian, e je programade la XIII edizion de manifestazion “Folklore Mondiale in Villa”. Il spetacul inmaneât de clape regjonâl des Pro loco al tacarà a 21.

[MUSICHE]

Arno Barzan, Rocco Burtone, Fabrizio Gasparini e Gianni Pascolat a son i protagoniscj dal spetacul musicâl “Modugno e De Andrè incontrano Pavese e Pasolini”. Al sarà proponût miercus ai 10 di Avost a 21, a Remanzâs te zone di androne Italico o li dal auditorium s’al plûf.