[INFORMAZION]

Un dibatiment sui sistems d’informazion e di comunicazion al siere, miercus ai 2 di Març, la rassegne culturâl “Sulle orme di don Chisciotte”. A 20.30 li dal museu Gortani di Tumieç, si cjacararà su “Dal piccione al mouse. Una nuova forma di democrazia”.

[SCUELE]

Il psichiatri e scritôr Vittorino Andreoli, miercus ai 2 di Març, al cjacare su “La fadie di cressi” a Caprive. La sô convigne e tacarà a 14.30 li di vile Russits, te sale “Teodoro de la Tour” de Fondazion “Villa Russiz”.

[CONVIGNIS]

Francesca Tesei che, cun Albino Comelli, e à scrit il libri “Giulietta e Romeo. L’origine friulana del mito”, miercus ai 2 di Març, e cjacararà a Cervignan di “Amore e morte nel Friuli del 1511”. La convigne e tacarà a 17.30 li des scuelis mezanis, te strade Udine. Intant de convigne, inmaneade dal Cumon, de Filologiche furlane e de Universitât pe tierce etât, al intervegnarà ancje il professôr Ferruccio Tassin.

[CORS]

A son viertis fintremai ai 15 di Avrîl lis iscrizions pal cors di interpretazion vocâl e stilistiche de “Operetta” che Andrea Binetti (andreabinetti@gmail.com) e Marco Rossi (assistent al pianoforte) a proponaran dai 25 ai 28 di Mai, li dal teatri Arrigoni di San Vît dal Tiliment.

[CINE]

“Far East Film”, il festival dal cine di Soreli jevât, programât a Udin dai 29 di Avrîl ai 7 di Mai, par funzionâ come cu va al cîr volontaris par curâ il biel acet tal teatri “Giovanni da Udine” e li dal cine “Visionario”. I candidâts a àn di presentâsi mediant de pueste eletroniche.

[MOSTRIS]

Fintremai ai 13 di Març, li dal municipi di For di Voltri, si podarà rimirâ 30 armonichis dal Votcent al dì di vuê, sielzudis pe mostre “Storia e mostra della fisarmonica”. Oraris: 9.30-12.30 / 15-18. Domenie, 9.30-12.30.

[CONCORS]

Ai 9 di Avrîl al scjât il timp che i students des universitâts e des scuelis secondariis di prin e di secont grât a àn par presentâ lis voris pal concors “Europa e Giovani 2011”. L’Institût regjonâl di studis europeus di Pordenon al à prontât lis cuistions di tratâ, ch’a son a disposizions su la rêt des rêts.

[SPORT]

Vie pal mês di Març, il parc des Dolomitis furlanis e lis sôs guidis (www.guidedolomitifriulane.com) a proponin une schirie di apontaments te nêf. Ai 19 di Març, escursion vie pe gnot sul troi Moliesa; domenie ai 27, itinerari “di fondovalle”; tes domeniis ai 13 e ai 20, esplorazions cu lis cjaspis su la mont Ciavac e sul troi dal cjarvon. Prenotazions dentri misdì de sabide prin.

[INFORMAZION]

La Regjon e presente a San Denêl, l’ultin numar de riviste “Tiere Furlane”, par cure de Direzion risorsis rurâls. La convigne e tacarà a 18.30, joibe ai 3 di Març. A cjacararan li dal “Auditorium alle Fratte” Domenico Pecile, Francesco Ciani, Enos Costantini e l’assessôr Claudio Violino.

[SALÛT]

Joibe ai 3 di Març, l’“Avulss” di Glemone al organize une convigne sul mâl di Alzheimer. A 20.30 li dal auditorium dal ospedâl il dotôr Ferdinando Schiavo al cjacararà di “Sintomi spia per una diagnosi precoce”. La riflession e larà indevant ai 17 di Març, cuant che Daniela Tasinato e proponarà une lezion su “Alzheimer: chi ha rubato i miei pensieri”.