[CINE]

I apontaments dal mês di Avost de rassegne di cine a la Bielestele par cure di Cinemazero e Cumon di Pordenon a colin ai 2 (Invictus di Clint Eastwood), ai 4 (Il figlio più piccolo di Pupi Avati), ai 6 (L’amante inglese di Catherine Corsini), ai 9 (Soul Kitchen di Fatih Akin), ai 11 (Cuccioli e il codice Marco Polo di Sergio Manfio), ai 13 (Una canzone per te di Herbert Simone Paragnani), ai 16 (Totò e Carolina di Mario Monicelli), ai 18 (Let it be di Michael Lindsay-Hogg), ai 20 (ToyStory 2-Woody e Buzz alla riscossa di John Lasseter), ai 23 (Sherlock Holmes di Guy Ritchie), ai 25 (Io loro e Lara di Carlo Verdone) e ai 27 (Film a sorpresa!). Si jentre sore nuie a 21 (se al plûf, Aula Magna Terzo Drusin, place Maestri del Lavoro 3).

[MOSTRIS]

Dai 30 di Lui ai 12 di Avost, li de glesie di san Jacum di Paluce, il Cumon al propon la mostre fotografiche “Memorie di Carnia”. Oraris: lunis-joibe, 10-12.30; vinars, sabide e domenie, 17-19.

[MOSTRIS]

A San Vît dal Tiliment, dai 2 ai 26 di Avost li dal ospedâl vecjo dai Batûts, “Colonos” e Cumon a presentin la mostre “Cidinôrs” di Sergio Scabar. Oraris: vinars 16-22; sabide e domenie 10.30-12.30 / 16-19.30. La mostre e sara compagnade di 3 “performances” musicâls a 20.30 di vinars ai 10 di Setembar (Nevio Zaninotto - sax), vinars ai 17 di Setembar (Romano Todesco - armoniche) e vinars ai 24 di Setembar (Vanni Floreani - piere e suns eletroacustics).

[INFORMAZION]

“Aghe nestre/Tiere nestre”: al è il titul plui impuartant dal “Diari” saltât fûr ai 29 di Lui e al è dedicât al «Boom in Friûl dal moviment pai bens civics». La cuistion e je frontade tes paginis 4 e 5, cun servizis su la ricolte di firmis pai referendum cuintri de privatizazion dal servizi idric e su la “Zornade regjonâl de propietât coletive” e sul “Plan di protezion e di gestion de lagune” prontât de “Comunità de Maran” e proferît ai 31 di Lui (www.comunitadimarano.it).

[SOCIETÂT]

Lunis ai 2 di Avost, invidât di onôr dal Laboratori internazionâl de comunicazion al è il magistrât Nicola Gratteri, protagonist de lote cuintri de mafie. Al presentarà la sô esperience a 18.30, li dal coleç dai stimatins di Glemone. Il titul dal so intervent su la ’Ndrangheta, che aromai si sa trop inlidrisade ch’e je ancje tal Nordest, (spie il scandai dal Cnel su l’infiltrazion de criminalitât organizade te culumie dal Nort tal lûc internet www.protalecnel.it) al sarà: “La Malapianta. Viaggio nell’organizzazione criminale più potente del mondo”.

[GLESIE FURLANE]

Cuant che la glesie gotiche carintiane di St. Leonhard im Lungau e varà finît di svilupâ il so centri pai piligrinaçs, a saran ativâts ancje doi colegaments gnûfs viers misdì e viers soreli jevât. Il colegament viers meridion al è chel ch’al guidarà i piligrins europeans fin tal santuari furlan di Monsante di Lussari, te Val Cjanâl. Il proget, proponût de arcifraterne di St. Leonhard bei Tamsweg, al è finanziât dal program internazionâl “Leader”.

[MUSICHE]

Te suage di “Carniarmonie, martars ai 3 di Avost, Elsa Martin di Tumieç e propon il so proget musicâl sul cjant popolâr furlan dal 400 dopo di Crist al dì di vuê “Dentrifûr”, compagnade di 4 musiciscj jazz Marco Bianchi, Manuel Donadelli, Mario Cogno e Luigi Vitale. Al tacarà a 20.45 li dal teatri parochiâl di Darte.

[CINE]

Il “Festival FilmMakers al Chiostro”, par cure di “Cinemazero”, martars ai 3 di Avost, al propon une serade dedicade a curtmetraçs e videoscandais sun cuistions ambientâls. E tacarà a 21.15, li dal covent di san Francesc di Pordenon.

[INFORMAZION]

La cooperative editoriâl di Codroip “il ponte” e propon, ancje su la rêt des rêts, il so mensîl. La direzion web e je: http://www.ilpontecodroipo.it/index.html.

[SALÛT]

In zornade di vuê, a son mil 766 i miedis dal Friûl e di Triest ch’a àn bielzà vût l’abilitazion par spedîi cul calcoladôr al Inps i ciertificâts dai lavoradôrs malâts. Mediant di chest sistem, il stât al smire di sparagnâ 500 milions di euros; la gestion di ogni ciertificât di cjarte, difat, e coste 10 euros e ogni mês i miedis in preparin 4,2 milions. Magari cussì no, te spedizion dai ciertificâts “on line”, il Nordest al è l’ultin te classifiche taliane.