[ECONOMIE]

Fintremai ai 4 di Jugn, al tire adilunc il program di convignis sul “Miorament genetic partecipatîf”, par cure di “Aiab”, Universitâts e ents locâi di Pise, di Macerata, di Florence, di Bologne e di Udin. L’apontament furlan al cole vinars ai 4 di Jugn, li dal municipi di Muçane, dulà che si discorarà di “Selezion genetiche des plantis agrariis: imprescj positîfs, ch’a costin pôc e democratics”.

[MOSTRIS]

E restarà vierte fintremai ai 13 di Jugn l’esposizion des oparis dai artiscj dal Centri “Giulio Locatelli” dal “Anffas” di Pordenon. Intitulade “CreAbilità” e je stade imbastide li de galarie pordenonese “Vastagamma”. Oraris: sabide e domenie, 16-19.30. Si jentre sore nuie. Il Centri “Locatelli” e je une struture residenziâl e di vie pal dì par personis cun abilitâts disferentis.

[MOSTRIS]

E restarà esponude li dal Colonos, fintremai 27 di Jugn, la instalazion artistiche di Carlo Vidoni “Peraulislidrîs”, imbastide pe convigne su la leterature furlane dai 26 e dai 27 di Mai. Oraris: vinars, sabide e domenie, di 19 a 22.

[SPORT]

Un alenadôr cuban al propon ogni martars e vinars, a 18 li dal cjamp di “softball” di Porpêt, alenaments a gratis par fruts.

[SOCIETÂT]

Dai 3 ai 6 di Jugn, e torne par cure de Pro loco Tegliese la rassegne su la economie sostenibil e i dirits dai popui “Etica-mente”. La VIII edizion, cun convignis, mostris, dibatiments e cines, e je intitulade “Comunai!”. A son proviodûts apontaments a Cintiel, a Puart e a Fossalte. Il program intîr cun ducj i siei protagoniscj, si cjatilu su la rêt des rêts.

[LIBRIS]

L’Institût di storie sociâl e religjose di Gurize al organize la presentazion dal volum di Michele Cassese “Espulsione, assimilazione, tolleranza. Chiesa, Stati del Nord Italia e minoranze religiose ed etniche in età moderna”. La convigne cun Antonio Trampus e Giovanna Paolin e tacarà a 18 di joibe ai 3 di Jugn, li de cjase Ascoli di Gurize.

[MOSTRIS]

Walter Bortolossi al è il protagonist dal mês di Jugn de schirie di mostris personâls proponudis de sale didatiche de Galarie d’art moderne di Udin. Oraris: lunis-domenie, 10.30-19 (gjavât martars). Te iniziative a son ingaiâts ancje il “Fai” di Udin e il Dipartiment di storie e di protezion dai bens culturâi de Universitât furlane. Lis mostris de schirie “Questo l’ho fatto io” a smirin di valorizâ e di profondî la cognossince dai artiscj de ultime generazion presints tes colezions udinesis.

[CONVIGNIS]

Il Museu geologic cjargnel di Dimpeç al organize cul Museu Gortani di Tumieç la manifestazion “Alps cjargnelis, un tesaur geologic di viergi… cjaminant”. Vinars ai 4 di Jugn, a 20.30 a Tumieç (Museu Gortani), convigne cun Furlo Finocchiaro (“La Via geoalpina: sui monti d’Italia e d’Europa”), Franco Cucchi (“I geositi: una ricchezza dai mille volti”), Giovanni Battista Carulli (“Un geosito complesso alle porte di Tolmezzo: la Valle del Taglimento”), Giuseppe Muscio (“Nonsolofossili nel Museo geologico della Carnia di Ampezzo”) e Corrado Venturini (“La Valle del But: una macchina del tempo tra Geositi e Via geoalpina”). Sabide ai 5 di Jugn e vegnarà proponude un’escursion, di 9.30 a 18, guidade di Corrado Venturini e di Claudia Spalletta su lis monts Dimon e Paulâr (partenze li di cjiscjel Valdaier). Al organize Corrado Venturini dal Dipartiment de tiere de Universitât di Bologne.

[LIBRIS]

L’ultin libri di Pierluigi Cappello, “Mandate a dire all’imperatore” (Crocetti Editore), al ven presentât vinars ai 4 di Jugn, li dai “Colonos” di Vilecjace di Listize. La convigne, cul colaboradôr di “Il Corriere della Sera” e “La Famiglia Cristiana” Eraldo Affinati e cun Stas’ Gawronski, autôr di “CultBook” e coordenatôr editoriâl di “RaiLibro”, e tacarà a 20.45.

[AMBIENT]

Il “Wwf” al domande a la ministrazion regjonâl che 50 mil etars di teritori, te Basse, a sedin dedicâts a la protezion dal salvadi come “oasi”. La petizion “on line” e je stade organizade dopo che si à savût dal intindiment de zonte regjonâl di stabilî lis “Aree di protezione della fauna selvatica