[GLESIE FURLANE]

Il gnûf arcivescul di Udin, monsignôr Andrea Bruno Mazzocato, lunis ai 2 di Novembar, al sarà a Paluce par cjantâ messe te plêf di san Denêl e po par benedî il cimitieri dulà ch’e je sapulide Eluana Englaro, la zovine di riunde cjargnele ch’e à vivût in stât vegetatîf par 17 agns, dal 1992 ai 9 di Fevrâr dal 2009, cuant ch’e je muarte te cjase di ripôs “La Quiete” di Udin, dopo che ur vevin gjavât alimentazion e idratazion par volontât di so pari. Sore sere, monsignôr Mazzocato al sarà indaûr te catedrâl di Udin, dulà che a 19 e sarà celebrade un’altre liturgie eucaristiche par ducj i defonts.

[CORS]

Tal mês di Novembar, al tacarà a Sant Laurinç di Mosse un altri cors de clape “Campanari del Goriziano - Pritrkovalci Goriske - Scampanotadôrs dal Gurizan”. A son viertis lis inscrizions. Tal mês di Març a saran proponûts altris cors ancjemò a Cervignan, a Gradiscje e a Gurize.

[MUSICHE]

Domenie I di Novembar, a Sacîl li de glesie di san Grivôr, la manifestazion “Chiare, fresche, dolci armonie”, par cure de “Associazione musicale tarcentina”, e presente il conciert de pianiste Cinzia Bartoli “Giochi d’acqua e celebri temi d’opera”. Il spetacul al tacarà a 18.

[MUSICHE]

Pai zovins dai 17 ai 29 agns, e torne dai 2 ai 6 di Novembar, la “Bottega della musica”, manifestazion musicâl e didatiche proponude de Provincie di Gurize. Il ’seminari di palaç Alvarez (oris 16-18), al sarà compagnât cu la presentazion dal libri “Rapsodia delle terre basse”, ai 5 di Novembar a 18.30 li de librarie “Ubik” (cors Verdi) e cuntun conciert dal so autôr, Massimo Bubola, ai 6 di Novembar a 20.30 li dal auditorium “Fogàr” di cors Verdi.

[CORS]

Cun dôs lezions ai 14 e ai 28 di Novembar, la Cjase pa l’Europe di Glemone e propon un percors di formazion par operadôrs di associazions e par insegnants sui programs europeans a pro de zoventût. Lis lezions a tacaran a 14.30 a Glemone intune sede ancjemò di stabilî. Te prime convigne e sarà frontate la cuistion “Dall’analisi del contesto alla stesura del progetto. la gestione del ciclo di progetto (pcm) e il quadro logico”; te seconde “Il programma comunitario Gioventù in azione”, un esercitazion pratiche.

[MUSICHE]

Martars ai 2 di Novembar, la clape culturâl “Navel” e propon a Cividât, te sô sede di Foro Giulio Cesare 13, lis provis viertis dal spetacul “Genteinattesa”, cun Claudio Giusto (percussions), Francesco Bertolini (ghitare) e Piero Sidoti (vôs e ghitare).

[AMBIENT]

Lunis ai 2 di Novembar, il proget comunâl “Paesaggio 21”, al propon a Cividât un confront su “Fâ economie tal paisaç dal XXI secul Produzion industriâl, agriculture e prodots locâi”. La convigne e tacarà a 20.30 li dal vieri teatri dal covent des Orsolinis.

[SOCIETÂT]

La “Kaiser Karl Gebetsliga” in colaborazion cu l’associazion “Mitteleuropa”, lunis ai 2 di Novembar, e organize une celebrazion par ricuardâ ducj i muarts des vueris. La liturgie eucaristiche e tacarà a 10.30 li dal cimitieri austroungaric di Foian.

[MOSTRIS]

Dai 2 di Novembar ai 7 di Març dal 2010, la mostre “L’età di Courbet e Monet. La diffusione del realismo e dell’impressionismo nell’Europa centrale e orientale” e je imbastide li di vile Manin di Passarian. E rispietarà i oraris: lunis-joibe, 9-18; vinars, sabide e domenie, 9-19.

[LIBRIS]

Dai 2 di Novembar ai 3 di Mai, la “Sezione Ragazzi” de biblioteche udinese “Vicenç Joppi” e propon la V edizion di “Tantilibri”, ativitât par fruts dai 18 ai 36 mês par scuviergi cun paris e maris i prins libris e lis primis storiis. Apontaments ogni lunis, di 16 a 18 su la rive Bartolini al numar 3.