[CORS]

Ai 16 di Setembar, al tache il “master” par ministradôrs locâi, par cure di “Anci”, di “Uncem” e di Regjon. Al durarà 24 oris, proponudis fin tal mês di Novembar li di “ForSer”, te strade da Vinci 27 di Pasian di Prât.

[MOSTRIS]

Par dut il mês di Setembar, li de basiliche di san Crisogul, a Trastevere di Rome, si podarà visitâ la mostre inmaneade dal circul culturâl e ricreatîf “Don Eugenio Brandl” di Turiac sul martar aquileiês e su la sô vite, fra Rome, San Cjancian (dulà che al sarès stât marturizât, ai 24 di Novembar dal 303) e Zara (www.friul.net/dizionario_biografico.php).

[CINE]

Vie pal mês di Setembar, produtôrs e autôrs di documentaris de Slovenie, de Cravuazie, dal Friûl e di Triest a frecuentin la prime edizion di “Eurodoc Transregional Workshop”, laboratori di formazion continuade. A saran presints i progjets furlans “On the top of the world” - Transmedia (Gurize), “Over the line” - Immaginaria (Udin) e “Tir/Corridoio 5” - Faber Film (Sest) e chei triestins “Beats”- Pianeta Zero e “It’s all about roses” - Videomante.

[TEATRI]

Miercus ai 2 di Setembar, a 21 li dal teatri comunâl, “I Papu” a presentin il lôr spetacul di teatri-cabaret.

[SCUELE]

Dutis lis scuelis primariis a puedin cjapâ part al V “Concorso presepi”, par cure de associazion regjonâl fra lis Pro loco. A varan di dâsi in note dentri dai 18 di Setembar.

[CORS]

Il “Piccolo teatro della città di Udine”, dai 28 di Setembar ai 2 di Otubar, al propon lezions sore nuie in dutis lis dissiplinis di recitazion e di bal ch’al trate. Si podarà prenotâsi dentri dai 22 di Setembar, telefonant al numar 0432 470918 (16-19.30).

[NAZIONS]

Cualis sono lis disferencis ch’a dividin i popui indigjins e i ativiscj ch’a lotin cuintri de globalizazion? Cemût mai il moviment “no global” nol calcolial avonde i derits culturâi, politics e teritoriâi? Chestis cuistions a son frontadis tal volum di Thomas D. Hall e di James V. Fenelon “Indigenous Peoples and Globalization: Resistance and Revitalization”, segnalât dal Centri di documentazion sui popui menaçâts di Florence (www.popoliminacciati.org).

[CONVIGNIS]

Te suage de fieste “Magia del Legno 2009”, dai 3 ai 6 di Setembar, Cumon di Sudri, Pro loco, Cesfam di Paluce, associazion dai architets zovins di Ferare e Studio 4AD - For Architectural Design a organizin il I simposi internazionâl di architeture “design” da len.

[SCUELE]

Ai 3 e ai 4 di Setembar, cu lis riunions pai mestris des scuelis de infanzie proponûts li dal institût Bearzi di Udin, a tachin i cors d’inzornament pai insegnants di religjon catoliche des scuelis dal Friûl udinês. A cjaparan part a lis lezions siet cent professôrs: 250 des scuelutis, 350 des elementârs (cors ai 4, ai 7 e ai 8 di Setembar, li dal institût Tomadini) e 100 de scuele secondarie (cors dai 16 ai 18 di Setembar, li dal centri culturâl “Paolin di Aquilee”).

[MUSICHE]

La rassegne “Musica in villa”, par cure dal Proget integrât culture dal Friûl di Mieç, e finìs joibe ai 3 di Setembar, contun conciert li di vile Marangoni Masolini, a San Durì di Flaiban. A 21 il “Quartetto Vidolèe” al propon “Semplicemente Musica”.