[AMBIENT]

Domenie ai 2 di Avost, la “Caravane ator pes Alps” di “Legambiente” e visite il Plan dal Cjaval par resonâ e par contestâ i progjets di slargjament dai implants pal ski viers Col Cornier e viers il bosc dal Cansei. La escursion e tacarà a 14.30 li di malghe Friz, tal comun di Buduee, dulà che l’“Ensemble Trombe” di Puart al proponarà ancje un conciert.

[GLESIE FURLANE]

Ai 2 di Avost dal 1338, il patriarcje di Aquilee Beltram di Saint Geniès al dedicave il dom di Vençon. Di chê strade, tal innovâl di chê celebrazion, la Plêf di sant Andree e cjante messe a 17 e po e larà in prucission pes stradis de vile fuarteçade.

[AMBIENT]

Dai 2 di Avost, il Parc naturâl des Prealps Juliis al propon un troi naturalistic gnûf. A 9.30 di domenie ai 2 di Avost, a Nevee, li de viere funivie, si scree l’itinerari dal Foran dal Mus ae mont Cjanine. L’itinerari intîr al misure 60 chilometris cun mil 110 metris di dislivel, tocjant i trois “Cai” 635, 632, 645 e 645/a. A 13, la zornade e finissarà cuntun moment conviviâl li de mostre “Speleologia e Carsismo”.

[AMBIENT]

Lis escursions guidadis tal parc des Prealps Juliis dal mês di Avost a son programadis ai 2 (Foran dal Mus), ai 8 (Giardini tra le rocce), ai 9 (Anello Nischiuarch), ai 15 (Giochi d’acqua in Val Resia), ai 16 (Natura mistica), ai 22 (Plauris), ai 23 (Anello del Poviz) e ai 30 (Miniera del Resartico).

[MOSTRIS]

Dal I ai 9 di Avost, e restarà imbastide te glesie di san Jacum di Paluce la mostre “Il mosaico di Gigi Mirolo”. L’esposizion e je curade di “TeleAltoBût”. Oraris: 9-13 / 15-19, ducj i dîs de setemane.

[CONCORS]

La Parochie dal Crist e organize il X concors fotografic. A saran ametudis trê fotos par autôr sul teme “Primavera in Friuli-V. G.” . La consegne e larà fate dentri dai 25 di Avost. Lis oparis a saran esponudis dai 5 ai 8 di Setembar, intant de sagre dal borc te strade Montebello (18.30-24).

[NAZIONS]

Dai 28 ai 30 di Otubar, l’Ufici europeu pes lenghis mancul pandudis “Eblul” al organize a Ljouwert (Leeuwarden, Fryslan) tal paîs frison la convigne anuâl “Partnership for Diversity”. Si frontarà la cuistion: “The relationship between transmission of cultures and the transmission of languages”, in colaborazion cun “Mercator Research Centre”.

[NAZIONS]

Vie pal Istât, a Sapade, si pues visitâ la Cjase museu de civiltât contadine (fint ai 11 di Setembar) e il Museu etnografic (fint ai 12 di Setembar). Lis esposizions a son viertis la prime lunis, miercus e vinars; la seconde martars, joibe e sabide, di 17 a 19. Informazions li dal municipi (0435 469126).

[CORS]

A son viertis lis inscrizions pe Scuele di perfezionament “Seismic risk management” (“Serm”), programade vie pal Istât par formâ esperts te gestion e de prevenzion dai pericui sismics. Si varà di presentâ lis domandis di amission dentri dai 7 di Avost (li de ripartizion didatiche, sezion servizis pai students). Lis inscrizions po si sieraran ai 21 di Avost (prin cors) e ai 4 di Setembar (secont cors).

[TEATRI]

Ai 3 di Avost, li dal teatri San Zorç di Udin si scree il cors internazionâl itinerant “La nouvelle école de maître”, centri di alte formazion teatrâl europeane, prudelât dal Centri servizis e spetacui di Udin. Te iniziative a son ingaiâts atôrs francês, talians, portughês e de Belgjiche. Vinars ai 14 di Avost, prove vierte a conclusion de prime fase di lavôr. La cuinte edizion de iniziative, direzude di Franco Quadri, e larà indevant fint ai 5 di Setembar.