[SALÛT]

A son viertis lis inscrizions pal cors di sensibilizazion su la metodologie ecologiche e sociâl par frontâ i problems leâts cul alcul e complicâts progetade di Vladimir Hudolin. La formazion e larà indevant dai 3 ai 8 di Avost, li de cjase “Madonna Pellegrina” di Pordenon.

[GLESIE FURLANE]

La Glesie di Vençon e fiesteze l’innovâl de riconstruzion de gleseute votive di sant Antoni (XIV secul) su la mont Plauris, sdrumade tal 1985 e tornade a fâ sù tal 1985. A 11 e sarà cjantade messe; po al sunarà il “Complesso bandistico venzonese”.

[MOSTRIS]

Li dal Museu etnografic di Lubiane, il “Craf” di Lestans al propon dai 2 di Jugn la mostre “Sguardi - La Fotografia del 900 in Friuli e nella Venezia Giulia”.

[CULTURE]

Martars ai 2 di Jugn, la Pro loco di Ravasclêt, in colaborazion cul Ufici pe liturgie de Arcidiocese di Udin, e organize il laboratori di composizions cu lis rosis “Forme e fiori”, prudelât de Provincie di Udin e de Glesie di Sant Andree. Apontament a 15 li de glesie di Zuviel. Jentrade di pre’ Loris Della Pietra su “Rosis e liturgjie: une art a servizi de celebrazion”. A 16.30 realizazion des composizions; a 18.30 esposizion e presentazion.

[GLESIE FURLANE]

La Fraterne “Pieres vives” di San Pieri in Cjargne, martars ai 2 di Jugn, e organize une zornade di spirtualitât li de mariplêf de Cjargne. A 9.30 a saran acetâts ducj i invidâts; a 11.30 il vescul Pieri Brollo al cjantarà messe te plêf, compagnât de corâl “Unfer” di Tamau/Tischlbong; a 13 gustâ in companie.

[MUSICHE]

A son viertis fint ai 30 di Jugn lis iscrizions dal laboratori par cjanteautôrs “Soul Lab - l’Anime in vore” 2009. A podaran notâsi aspirants musiciscj dai 14 ai 29 agns dal Friûl di Mieç e culinâr.

[SOCIETÂT]

Dai 4 ai 7 di Jugn, a Cintiel di Tei, tal Friûl concuardiês sot di Vignesie, a tornin lis “Zornadis talianis par un avignî sustignibil, un’economie di justizie e pai derits dai popui”. E organize la Pro loco di Tei.

[NAZIONS]

Ai 4 di Jugn al cole il XX innovâl dal maçalizi de place di Tienanmen. Seont i oposidôrs de ditature comuniste, la repression dal esercit chinês, in chê dì dal 1989, e causionà la muart di 2 mil e 600 manifestants e il feriment di altris 30 mil di lôr.

[ART]

Lis “Zornadis dal Tiepolo”, inmaneadis a Udin dal Cumon, a tirin adilunc miercus ai 3 di Jugn a 17 tal palaç Caiselli de Universitât cu la convigne “Tiepolo a palazzo Caiselli”; joibe ai 4 di Jugn a 18 tal Oratori de Puritât cu la presentazion dal volum “Tiepolo” di Adriano Mariuz; e vinars ai 5 di Jugn a 20.30 tal Oratori de Puritât cuntun conciert de “Orchestra barocca Tiepolo” (Sinfonia in sol maggiore di Baldassarre Galuppi).

[CORS]

Domenie ai 5 di Lui la clape dai “Scampanotadôrs furlans Gino Ermacora” e scree la “Scuele scampanotadôrs” dal 2009. Li de Polse di Cougnes, dongje de plêf di san Pieri, par 3 domeniis a laran indevant lis lezions. Par dâsi in note si à di contatâ il responsabil de scuele Renzo Grosso (347 6268988). L’ativitât e finissarà domenie ai 26 di Lui cu la fieste anuâl dai scampanotadôrs.