[ECONOMIE]

Il “Festival delle Città Impresa”, inmaneât dal “Corriere della Sera”, al è programât a Manià dai 2 ai 5 di Avrîl, cun apontaments ducj i dîs di buinore, dopomisdì e di sere li dal teatri comunâl.

[AMBIENT]

“Cipra” Italie e “Cipra” Süd Tirol cul Cumon di Bolzan, dai 2 ai 3 di Avrîl, a organizin la convigne internazionâl “Sangue freddo sotto l’effetto serra! Il cambiamento climatico richiede azioni consapevoli”.

[ECONOMIE]

Joibe ai 2 di Avrîl a 17, te Sale Ajace del Palaç dal Cumon de Place de libertât a Udin, si presente il volum “Il Liberismo dopo il Neoliberismo” di F. A. von Hayek, discorint dal pinsîr liberâl tra realisim e utopie.

[CINE]

Te suage de rassegne “L’Afrika che non sai”, joibe ai 2 di Avrîl, li dal cine “Visionario” di Udin a 18, Fabrizio Colombo, diretôr dal Festival dal cine african di Verone, al cjacare dal “Cine african fra tradizion e modernitât”.

[MUSICHE]

L’“United world college Adriatic ensemble”, joibe ai 2 di Avrîl, al presente li de glesie di san Micjêl di Cervignan il “Stabat Mater” di Giovanni Battista Pergolesi (1710-1786). L’esecuzion, inmaneade de Pro loco, e tacarà a 20.30.

[CULTURE]

Une serade di storie, di letaris e di musiche e ven proponude joibe ai 2 di Avrîl, a 20.45 li dal auditorium de biblioteche di Cjamin, di chê strade de “Fieste de Patrie dal Friûl”. E vegnarà proietade la video-interviste “Par tieris cetant lontanis” cun Giuseppe Liani Pepe, par cure dal “Pic”; Claudio Moretti al proponarà “Gurìz (flurit)”, leturis de poesie di Ermes di Colorêt; Luca D’Angela e il grop “JonoKognos” a presentin il videoclip “Mai mai”. Al coordene la serade Gotart Mitri.

[LIBRIS]

L’editôr “La Nuova Base”, joibe ai 2 di Avrîl a 18, al organize la presentazion di “Finalmente il vento”, antologie poetiche di Lara Scifoni cui dissens di Massimo Scifoni. Davide Nonino al cjacararà de opare, li de librarie Feltrinelli di vie Canciani a Udin, e Cristina Benedetti al learà lis composizions dal libri.

[CONVIGNIS]

Joibe ai 2 di Avrîl, a 20.45 li dal municipi di Muruç, convigne cun Tiziana Cividini su “Il teritori de comunitât colinâr te Ete romane”.

[CULTURE]

Dai 3 ai 5 di Avrîl, Provinciis di Udin e di Pordenon, Cumon di Buje e institût “Pre’ Checo Placerean” a proponin la “Fieste de Patrie dal Friûl” pal 2009. Vinars a 20.30, conciert di Pasche li de glesie di Vile cul organist Beppino Delle Vedove. A 18 di sabide, messe par furlan cjantade dal vescul di Udin Pieri Brollo, li de plêf di san Laurinç; a 20.45 conciert de bande di Buje, li de Cjase de zoventût. Domenie ai 5 di Avrîl a misdì li dal dom, salûts dai sorestants e ceremonie uficiâl; a 16 visitis li dal museu de medae e dal paîs.

[CULTURE]

Trê dîs di manifestazions a compagnin l’edizion 2009 de “Fieste de Patrie dal Friûl” in Aquilee. Vinars ai 3 di Avrîl a 16.30 le viere scuele e ven dedicade a pre’ Zuan Meizlich (1870-1946), dal plevan al cjacararà sabide 4 a 10 il professôr Ferruccio Tassin. Domenie ai 5 di Avrîl, a 15 si presente i ats dal IV “Colloquium internazionale: Il corpo e la salvezza negli scrittori cristiani aquileiesi del II-IV secolo” e a 15.30 monsignôr Nicolino Borgo al propon “Cualchi riflession sui ultins agns de vite in Friûl”.