[MUSICHE]

Al sarà dedicât dut a la composidore centenarie Cecilia Seghizzi (www.friul.net/dizionario_biografico.php) il program de “Domenie a conciert” di domenie ai 2 di Març, li dal auditorium de culture furlane di Gurize. L’omaç, curât dal “Agimus” a 17.30, al proponarà lis esibizions dal grop corâl “Ars musica”, da lis cjantantis Enza Pecorari e Federica Volpi e de pianiste Erica Bisesi.

[TEATRI]

Sabide I di Març, li dal teatri comunâl di Codroip a lis 20.45, la Scuele sperimentâl dal atôr e propon in repliche il spetacul “Lettera a una professoressa”, inspirât a l’esperience pedagogiche dal predi florentin, Lorenzo Milani, autôr di saçs innomenâts come “Esperienze pastorali” e “Lettera ai cappellani militari”.

[SCUELE]

E torne a Puart la “Setemane da l’educazion” dedicade a la cuistion “Educazion e legalitât”. La schirie di manifestazions e di apontaments, dai 2 ai 14 di Març, e je curade dal centri pai students Calasanzio. Fra i protagoniscj: Livio Sossi, Franco Prina e Franco Santamaria.

[MOSTRIS]

E restarà vierte tes zornadis dai 2, dai 8 e dai 9 di Març la mostre “Il Friûl orientâl daspò di Cjaorêt”, imbastide a Cjopris, li de sale comunâl di vie Sauro 10. Lis testemoneancis e li fotografiis proferidis a vegnin dai Museus provinciâi di Gurize e da lis colezions di Felice Peressin. Orari di visite: 9.30-12.30 / 16-19. Dai 10 ai 14 di Març si podarà visitâ ancjemò l’esposizion ma dome di 16 a 19.

[INFORMAZION]

Angelo Boreatti e Fabio di Bernardo a son i autôrs dal program televisîf par furlan “Forest”, ch’al presente su la tierce rêt “Rai”, domenie a 10.15, lis comunitâts inmigradis in Friûl.

[SOCIETÂT]

A 18 di lunis ai 3 di Març, li dal “Kinemax” di Gurize, si proiete il curtmetraç “Bulli si nasce” dal regissêr Massimo Cappelli. L’opare e je stade girade li dal institût “Nostra Signora” e in cors Italie a Gurize e li dal ospedâl San Pol di Mafalcon, te suage dal proget provinciâl “Tre metri sopra... percorsi di pace attraverso il cinema” cul fin di judâ la zoventût a rifleti su la violence te scuele e tai rapuarts interpersonâi.

[DIASPORE]

I furlans dal Brasîl sono interessâts a otignî il passepuart talian? Pal president dal Circul furlan di Sante Marie (Rio Grande do Sul), José Zanella, fra i 55 mil talians ch’a àn presentât lis lôr pratichis tai consolâts al mancul il 4% a son furlans.

[CINE]

Il Dipartiment di storie e di tutele dai bens culturâi, sot la direzion dal professôr Leonardo Quaresima, al organize la convigne internazionâl sul cine rivade a la XV edizion. Chest an, dai 3 ai 6 di Març li dai palaçs Antonini e Florio di Udin, si frontarà al cuistion dal “Cine a strichis. Afinitâts, disferencis e interferencis gnovis”.

[MUSICHE]

Fintremai ai 23 di Març, li dal covent di San Francesc a Pordenon, e je imbastide la mostre “Lûcs da la memorie. 20 agns di fotografie tai cotonificis bandonâts dal Friûl ocidentâl” cun oparis di 19 autôrs, la pluipart dal circul “L’Obiettivo”. L’esposizion, par cure di Antonio Giusa e di Alida Canton, e vierç ducj i dîs (gjavât lunis), 10-12.30 / 15.30-19.30.

[SALÛT]

La clape dai malâts reumatics “A.Ma.Re” e à i siei uficis in vie Micesio 31 a Udin. La secretarie e je vierte lunis e miercus, da lis 10 a misdì e joibe da lis 16 a lis 18. I numars telefonics a son: 0432 501182 - 331 2564312.