[ECONOMIE]

Il Forum pordenonês dal Tierç setôr al organize 2 taulis tarondis a Pordenon par frontâ la cuistion de “Decrescita”. Vinars ai 2 di Decembar a lis 16.30 al vegnarà presentât il document “Oltre la crescita: alla ricerca di un nuovo paradigma economico e sociale”; a lis 20.30, li esperiencis di Udin e di Triest a pandaran trop ch’al conven inviestî tes risultivis energjetichis rinovabils.

[POLITICHE]

La Cjase pa l’Europe di Glemone e presente la traduzion par latin e par furlan de seconde part de Constituzion europeane. A cjacararan dal argument il vicjari gjenerâl de Glesie udinese, mons. Giulio Gherbezza, e il diretôr dal setemanâl “ilNuovo Fvg”, Mauro Tosoni. Vinars ai 2 di Decembar, a lis 18 li dal municipi di Glemone.

[LIBRIS]

Vinars ai 2 di Decembar, a lis 20.30 si presente il libri “I passaggi del Tagliamento storia e leggenda di guadi, traghetti e ponti attraverso i secoli e il turbine di due guerre mondiali”, par cure di Paolo Strazzolini e di Luigi Luchini. La serade e vegnarà proponude li de biblioteche di San Zorç de Richinvelde, cuntun moment musical de Associazion Bertrant di Aquilee.

[CINE]

La rassegne di “Spazio Giovani” de Comunitât montane dal Friûl ocidentâl “Eravamo 5 artisti al Bar” e tire adilunc di vinars a a lis 21. Ai 2 di Decembar a Cjavas, “Materiali di Riciclo” li dal Bar La Nota cun Alfredo Pecile; ai 9 a Travês, “Moda” li dal Harri’s Pub cun Giulia Zorzetto e Samantha Faelli; ai 16 a Pofavri, “Scrittura e Teatro” li dal Bar David Sara cun Francesca Orlando e la companie teatrâl “Nonsoloparole”.

[MUSICHE]

I amîs dal musicist Franco Clemente, muart chest an, lu onorin cuntun conciert. Sul palc dal auditorium Zanon a sunaran ducj chei ch’a an sunât cun lui dai agns dal Sessante incà. Vinars 2 di Decembar di sere.

[MUSICHE]

Ai 2 e ai 3 di Decembar e torne a Udin la rassegne “Musiche pe gnove musiche furlane”. I concierts a tachin a lis 20.30 li dal “Palamostre” di plaçâl Diacono. Vinars pal “Premi Friûl” si confrontin “Brût & Madone”, Beniamino Cogoi, e “Dj Tubet & Pansilecta” e po a sunin Lino Straulino, Emma Montanari Grop e Cristina Mauro. Sabide pal “Premi Friûl” esibizion di “Hamit”, “Priska” e “Dek il Ceesa” e conciert di “Pantan”, Aldo Rossi e Silvia Michelotti.

[LIBRIS]

Daûr tradizion, si presente ancje a Rome la tradizionâl “Agenda friulana” di Giuseppe Chiandetti. L’apontament, organizât dal Fogolâr al tache a lis 17 di vinars ai 2 di Decembar, li dai uficis de Regjon in place Colonna 255. A cjacararan Ario Cargnelutti, Cristina Chiandetti e Renato Pilutti.

[SOCIETÂT]

“Fnp Cisl”, “Antea” dal Friûl Disore e Comun di Paluce, sabide ai 3 di Decembar, a organizin une convigne su la cuistion: “Pôre di vivi/volontât di murî: malatie de persone/crise dal model sociâl”. A lis 15, li de glesie di San Jacum, a intervignaran Cesare Dainelli, diretôr dal Dipartiment di salût mentâl de Ass n. 3, Tiziana Gon, psichiatre dal Centri di salût mentâl di Tumieç, e pre’ Pierluigi Di Piazza, responsabil dal Centri “Balducci” di Çuian.

[MOSTRIS]

Sabide ai 3 di Decembar si scree, li de “Galarie d’art da Bandol” di Gjiviane di Rigulât, la mostre fotografiche “Gjiviano. Un paese piccolo, piccolo, piccolo”. Le à imbastide Eligio Zanier cu la colaborazion di Pieri Pinçan. Di chê strade a lis 11 si cjantarà messe tal paisut cjargnel cu la corâl de Plêf di Guart “Rosas di Mont” e al vegnarà presentât l’almanac fotografic 2006 di Zanier.

[SOCIETÂT]

Sabide ai 3 di Decembar, la Pro loco di Mafalcon e propon a lis 14.30 la tradizionâl “Castagnada” e a lis 15 il marcjadut di San Nicolau cui ogjets fats tai laboratoris scuelastics e des clapis de vile bisiache. I apontaments a son organizâts in place Cavour.