[LIBRIS]

Dal 2005, la Comission europeane e à inviât il proget pe realizazion de Biblioteche digitâl. I procès di realizazion a puedin jessi verificâts tal lûc internet: http://ec.europa.eu/information_society/activities/digital_libraries/index_en.htm. E esist ancje la La Biblioteche digitâl mondiâl, in linie a la direzion: www.worlddigitallibrary.org/project/english/index.html.

[POLITICHE]

Stant che la contaminazion dai “Ogm” e je stade provade, cumò a la Magistradure i tocje di agî e a la politiche regjonâl di fâ la part dal so dovê. Al è l’ultin apel unitari di “Aiab”, “Legambiente” e “Wwf” che ur domande a ducj i grops politics di firmâ la propueste di leç pe “tutela della biodiversità e la prevenzione della coltivazione di varietà Odm

[CULTURE]

Lunis ai 6 di Setembar, la rassegne “Percorsi di-versi 2010 Stare insieme con musica e poesia”, te ultime serade, e propon lis fotografiis e i videus filmâts in ducj i incuintris de schirie. La proiezion, curade di Carmelo Fasolo, e tacarà a 18, li dal Parc Basaglia di Gurize (strade Vittorio Veneto 174).

[CULTURE]

Lunis ai 6 di Setembar, la rassegne culturâl “Avostanis” e propon une serade in onôr di Pierluigi Cappello. A 20.30 li dai “Colonos”, i amîs dal poet di Scluse si daran dongje par fâi fieste pal “Premi Viareggio”. Intant de serade, a saran letis e comentadis lis sôs poesiis.

[MOSTRIS]

Sergio Mazzola e Rosanna Morettin a son i protagoniscj de mostre “Comunicazione”, imbastide a Cormòns, li dal Museu civic dal teritori, dai 7 di Setembar ai 28 di Otubar. Oraris: joibe-sabde, 16-19; domenie, 10.30-12.30 / 16-19.

[LIBRIS]

Miercus ai 10 di Setembar, si presente a Gurize (li de Provincie a 10) e a Jalmic (li de Ass 5 a 15) il volum “Lenghe. Cors di furlan” di Stefania Garlatti-Costa e di Roberta Melchior. Il gnûf cors di furlan par grancj al è stât publicât dal Consorzi universitari dal Friûl.