Informe OLF

"L'informeOLF si propon di pandi la ativitât di ricercje e di propueste dal Osservatori de Lenghe e de Culture Furlanis.

Al à plasê dut câs di ricevi lis ideis e i contribûts di ducj chei che a àn a cûr une lenghe furlane vierte al doman.

Numar dopo numar, il boletin al larà in dentri intai problemis un par un, cence dismenteâ il fin primari: la cognossince e la valorizazion de lenghe tant che patrimoni di espressions che no si à di pierdi.

I furlans fûr dal Friûl nus compagnaran intal lavôr di fâ gnove la lenghe, o sperìn ancje in gracie dai imprescj de informatiche o di une prossime divulgazion on-line."

(gjavât fûr dal n.0 di InformeOLF dal mês di Avrîl dal 2000)