 |
 |
|
|
|
In linie |
26 |
Selezionadis |
26 |
|
|
|
|
CJARGNE ARCHEOLOGICHE
|
|
[05.08.2022]
|
|
Dai 6 ai 28 di Avost, la clape di studis e di ricercjis storichis e archeologicjhis “Carnia Cultura” e propon lis convignis de XXXIII edizion dal “Agosto Archeologico”. I apontaments a colaran a Vergegnis, ai 6 e ai 9 di Avost; a Zui, ai 12 e ai 23; a Davâr, ai 17; e a Denemonç, ai 26.
|
carnia.cultura@gmail.com
|
|
|
|
A TAC DAL MONTAFIN NUCLEÂR
|
|
[04.08.2022]
|
|
«Par rivâ a la catastrofe nucleâr, a l’Umanitât i baste dome un malintindiment o un calcul falât»: cun chestis peraulis il secretari generâl des Nazions unidis, António Guterres, al ŕ screât la convigne pe revision dal Compatât cuintri de proliferazion des armis nucleârs “Tnp”, programade a New York, fintremai ai 26 di Avost. Il “Tnp”, in vore dal 1970, al č il compatât plui ratificât e, in gracie so, si ŕ passât des 70 mil bombis atomichis de ete de “Vuere frede” a 12 mil e 700 di cumň (ch’a costin 73 miliarts di dolars ad an pal mantigniment). Lis propuestis par miorâ la situazion a son fermis dal 2015 e la vuere de Ucraine e ŕ moltiplicât lis preocupazions e i pericui, stant ch’al č in vore un procčs di modernizazion dai vetôrs pal transpuart des armis nucleârs (F35, fusetis ipersonichis, bombis al idrogjin “B61-12”...). Il Pape, midiant di Twitter, al ŕ visât: «L’uso di #ArmiNucleari, come pure il loro possesso, č immorale. Cercare di assicurare la stabilitŕ e la pace attraverso un falso senso di sicurezza e un “equilibrio del terrore” conduce inevitabilmente a rapporti avvelenati tra popoli e ostacola il vero dialogo». Intant, ai 6 e ai 9 di Avost, al cole il LXXVII innovâl dai bombardaments atomics di Hiroshima e di Nagasaki.
|
|
|
|
DOLOMITIS: TIGNÎ CONT IL PATRIMONI
|
|
[04.08.2022]
|
|
La Ręt dal patrimoni dal paisaç e des areis protezudis de Fondazion “Dolomiti Unesco” e ŕ publicât il “Catalogo delle buone pratiche di conservazione attiva”. Fra lis iniziativis popolarizadis, chęs furlanis a son: i progets “Piano di interventi sulla sentieristica”, “A scuola nel Parco” e “Esperienza in casera” dal “Parc naturâl Dolomitis furlanis”;l’“Albergo diffuso Valcellina e Val Vajont”, lis ativitâts dal “Consorzio delle Valli e delle Dolomiti friulane” e il proget dal Ecomuseu des aghis dal Glemonat “Adotta una mucca”. L’imprest al jentre te “Strategjie complessive di gjestion” de Fondazion.
|
www.dolomitiunesco.info
|
|
|
|
IL SLAS MORÂL DI JACUMIN
|
|
[01.08.2022]
|
|
La Comunitât di Acuilee e dute la Patrie, chest an, a ricuardin l’innovâl de muart di Renato Jacumin (1941-2012). Inteletuâl, om di scuele e politic, storic e poet, si č cetant messedât pe valoriazion de vile patriarcjâl e pe rinassince de Basse. In Acuilee, lu ŕn memoreât ai 8 di Lui Ferruccio Tassin (“L’uomo, l’intellettuale, il poeta”), Luisa Contin (“Essere di Aquileia”) e pre’ Piero Facchinetti (“Jacumin e i mosaici di Aquileia”). Jacumin al ŕ stât un spieli di vite e di sapience spindudis a pro de Umanitât, scomençant dai plui biâts, al ŕ dit Tassin. La sô poesie, cuntune fuarce morâl ferbinte, cul so impegn morâl e scjasse lis personis. Cun lui la lenghe furlane e rive a cjapâ a brace cuel l’Umanitât tal scori de storie e te contemporanitât.
|
www.friul.net
|
|
|
|
PITÔRS DI SAN VÎT
|
|
[01.08.2022]
|
|
Fintremai ai 28 di Avost, li dal Ospedâl dai Batűts, te strade Bellunello, la mostre “Martina, Zuccheri, Tramontin, De Rocco. Storie di pittura a San Vito” e onore la cariere artistiche dai artiscj Umberto Martina (Dardâc, 1880-Taurian, 1945), Luigi Zuccheri (Glemone, 1904-Vignesie, 1974), Virgilio Tramontin (San Vît, 1908-2002) e Federico De Rocco (Turide, 1918-San Vît, 1962) esponint 110 sôs oparis. I curadôrs Antonio Garlatti, Giancarlo Pauletto e Lodovico Tramontin a smirin di memoreâ i 60 agn de muart di De Rocco e 20 agn de muart di Virgilio Tramontin, profondint i leams artistics e umans cun Martina e Zuccheri. Oraris: sabide e domenie, 10.30-12.30 / 15.30-19.
|
sanvitoaltagliamento.fvg.it
|
|
|
|
LIBRIS DI VIERS
|
|
[01.08.2022]
|
|
Di chę strade di “Notturni di versi”, il festival de poesie e des arts noturnis, programât de clape “Porto dei Benandanti” dai 24 di Jugn tai Cumons di Tei, di Fossalte, di San Micjęl e di San Vît dal Tiliment, di Puart e di Udin, li des vieris presons di San Vît dal Tiliment, si pues rimirâ, fintremai ai 15 di Avost, la mostre “Libri di Versi 14”, risultât de colaborazion fra 40 poets e artiscj visîfs. Oraris: sabide e domenie, 10.30-12.30 / 15.30-19.
|
www.notturnidiversi.it
|
|
|
|
CONSUM DI NATURE CUINTRI NATURE
|
|
[28.07.2022]
|
|
Ai 28 di Lui, une dě prin di an passât, al č colât l’“Overshoot Day” dal 2022: in 7 męs, l’Umanitât (cualchidun di plui, cualchidun mancul...) e ŕ consumât dutis lis potenzialitâts biologichis e riprodutivis che il Marimont al č in stât di ufrî intun an intîr. Il dât al č ciertificât dal “Global Footprint Network”, tignint cont che su la Tiere o vin 12 miliarts di etars di teren fertil, ma che i consums mondiâl a domandin prodots come ch’a fossin 22 miliarts di etars (l’83% in plui), comprometint lis possibilitâts di vite des etis avignî.
|
www.footprintnetwork.org
|
|
|
|
VOTAZIONS IN SLOVENIE
|
|
[25.07.2022]
|
|
Ai 23 di Otubar cu ven (cu la possibilitât di une balotazion, ai 13 di Novembr, fra i doi candidâts plui votâts), il popul sloven al sielzarŕ il so president gnűf, par dâi la volte al socialdemocratic Borut Pahor, che ai 23 di Decembar al finěs il secont mandât e che duncje nol podarŕ tornâ a candidâsi. Lis candidaduris a restaran viertis fintremai ai 22 di Avost. In zornade di vuę, si son za presentâts Anže Logar de oposizion conservadore e Marta Kos de maiorance di guvier di centri-çampe. Subit daspň, ai 20 di Novembar, a colaran lis votazions ministrativis.
|
|
|
 |
 |
Cui ch’al burle al ven burlât. |
|
 |
 |
|
|
 |
 |
|
|
|