Friûl.net

E restarà vierte fintremai ai 22 di Avrîl, li dal Museu des Arts popolârs di Tumieç, la mostre fotografiche “Sculture di len baroche di Scuele todescje in Cjargne e Val Cjanâl. Contribuzions gnovis”. Si podarà visitâ l’esposizion, curade di Giuseppina Perusini, seont chescj oraris: martars, joibe e vinars, 9-13 / 15-17; miercus 9-13; sabide e domenie, 10-13 / 15-17. La scree e je stabilide sabide ai 22 di Fevrâr, a 17.30.

Dai 8 di Fevrâr ai 8 di Març, li dal Centri studi “Pier Paolo Pasolini” di Cjasarse, si podarà visitâ la mostre “Mario Micossi: jù pai ciamps di Versuta. Incisioni, graffiti e disegni sui luoghi di Pasolini”. E sarà screade sabide 8, a 17.30 par memoreâ il LXXV innovâl de “Academiuta di lenga furlana” che, tal indoman de seconde vuere mondiâl, parie cun “Risultive” di pre’ Bepo Marchet, e à tornât a fâ nassi lis Letaris furlanis. Oraris: lunis-vinars, 15-19; sabide e dîs di fieste, 10.30-12.30 / 15-19.

Li dal palaç de viere Provincie, tal cors Garibaldi di Pordenon, si podarà visitâ insin al I di Març la mostre “Magredi oggi”. Oraris: vinars e sabide, 15-19; domenie 10-12.30 / 15-19.

Tal prin plan di palaç D’Aronco, municipi di Udin, fintremai ai 8 di Març, si podarà visitâ la mostre “I Morpurgo. I discendenti degli ebrei di Maribor”, par cure dal “Center judovske culture dediscine Sinagoga Maribor”. Oraris: lunis-vinars, 8.45-12.15; lunis, 15.15-16.45.

E restarà vierte fintremai ai 8 di Març la mostre “Pietre d’inciampo a Udine”, ch’e presente il “monument dal bas” e “slargjât”, in memorie dai depuartâts europeus, inviât dal artist todesc Günter Demnig e rivât ancje in Friûl, cun spiei a Cormòns, Dobardò, Gurize, Pordenon, Roncjis di Monfalcon e Udin. L’esposizion, par cure di Anna Colombi e di Silvia Bianco, e je vierte vinars, 15-18; sabide e domenie, 10-12 / 15-18.

Fintremai ai 8 di Març, si podarà visitâ li dal ufici “Iat” di place Napoleon, a Osôf, la mostre “Muri e cantieri. L’arte dei muri a secco nel Gemonese”, par cure dal “Ecomuseu des Aghis”. Oraris: vinars e sabide, 16-19; domenie, 10-15. La scree e je stabilide sabide I di Fevrâr a 18.30, cuntun prindis cu la “cjanorie”, il vin che si fâs in Gracie dai vignâi antîcs poiâts sui mûrs cui mierlis, tirâts sù fra Sietcent e Votcent.

Ai 17 di Genâr, li dal “Museu dal Ebraisim talian e de Shoah”, logât a Ferrara tes vieris presons, si scree il gnûf percors multimediâl “1938: l’umanità negata”, nassût par memoreâ l’LXXX innovâl de aprovazion des leçs razistis dal Fassisim, ch’a àn inviât la persecuzion dai Ebreus in Italie e rindude possibil, cualchi an dopo, la depuartazion tai cjamps di disvinidriment naziscj de Comunitât israelitiche taliane.

“Cjase Russolo”, dulà che il Cumon di Puart al proferìs la sô “Galarie permanent” dedicade al pitôr musicist Luigi Russolo, nassût te capitâl dal Friûl concuardiês sot Vignesie dal 1855, e je vierte cui oraris: lunis, 9-13 / 14-18; martars-vinars, 9-18; sabide, 9-13. I cuadris in mostre a son: “Città in festa”, “Collina”, “Linee Forza della Folgore”, “Impressioni di bombardamento”, “Autoritratto”, “I tre Pini” e “Sera”.

Il “Museu de Mode e des Arts aplicadis” di Gurize al fiesteze vincj agn di ativitât cu la mostre “Riis, cuadris e rosis”. Si podarà visitâle sul cjiscjel fintremai ai 3 di Mai. Oraris: martars-domenie, 9-18.15. Vie pes domeniis di Zenâr e di Fevrâr no si varà di paiâ il biliet.

La Galarie comunâl d’art contemporani di Mafalcon e presente, fintremai ai 2 di Març, la mostre “Lucio Fontana e i mondi oltre la tela. Tra Oggetto e Pittura”, par cure di Giovanni Granzotto e di Leonardo Conti. Orari: di joibe fin lunis, 10-13 / 15-18.